Aaj ke featured article
|
![NfpLogo.gif](//web.archive.org./web/20161102173229im_/https://upload.wikimedia.org/wikipedia/hif/3/33/NfpLogo.gif)
National Federation Party (NFP), Fiji ke ek political party hae. Ii party November 1968 me banaa jab ki Fiji ke pahila party, Federation Party, jiske khaali Hindustani log support karat rahin, aur Ba province ke ek Kaiviti party, National Democratic Party ek hoe gain. Ii party ke suruu kare waala, A. D. Patel rahaa, jon ki 1941 me ganna ke kisan ke ek union, Maha Sangh ke banais rahaa. 1959 me ganna ke contract ke baat chiit ke khatir, sab gaana ke kisan ke union Federation of Cane Growers banain, lekin contract pe raaji hoe se pahile, Kisan Sangh aur Kaiviti union, Federation se alag hoe gain. 1963 ke election me Federation, Citizens Federation ke naam pe ganna waala ilake me aapan candidate kharraa karis aur jiitis. 21 June 1964 me Federation Party ke officially suruu karaa gais. Ii party, 1987 me Fiji Labour Party (FLP) ke saathe, ek mahina ke, sarkar banais rahaa. 1992 ke baad NFP aur FLP me split hoe gais aur 1992 aur 1994 ke election me NFP ke jaada Hindustani vote mila. 1999 ke baad, NFP, Fiji ke House of Representatives me ekko seat nai jiitis, lekin iske support abhi talak Fiji ke town aur city me hae. (aur...)
|
Aap janta hai...
|
- 1875 ke measles epidemic, jisme 20% Kaiviti logan mar gae rahin, ke Fiji me failae waala, Ratu Cakobau aur uske dui larrka logan rahin jon ki March 1875 me Sydney se ghuum ke lauta rahin.
- 1879 se lae ke 1916 tak, 42 jahaaj, 87 trip me 60,553 girmitya logan ke lae ke Fiji se aais rahaa. Isme se 45,439 log Calcutta se aur 15,114 log Madras se jahaaj me charrhin rahaa.
- Fiji ke Legislative Council ke pahila Hindustani member Badri Maharaj rahaa, jiske Governor nominate karis rahaa aur jon 1917 - 1923 aur 1926 - 1929 tak Council ke member rahaa.
- Fiji me pahila football competition Nasau Park, Levuka me 1924 me, Cession ke golden jublee celebrate kare ke time, chhe Kaiviti team ke biich me Ricarnie Cup khatir, khela gais rahaa.
- Fiji ke Hindustani ke army me join kare ke khatir, 1934 me Indian Platoon banawa gais rahaa lekin iske 1940 me disband kar dewa gais rahaa.
- Royal Air Force ke khatir fighter plane kharide ke khatir, 1943 me ek Fighter Fund suruu karaa gais rahaa, aur ii paisa se nau fighter aur paanch bomber kharida gais rahaa. Ek fighter ke naam Fiji Indian Fighter rahaa.
- Fiji Trade Union Congress se pahile Ami Chandra, 1950s me Fiji Industrial Workers Congress suruu karis rahaa.
- Fiji ke 1997 ke constitution me English aur Kaiviti ke saathe Hindustani ke Fiji ke official language banawa gais rahaa.
|
|
|
Taaja khabar
|
- 11 September - Fiji ke che Opposition Party ke neta, jisme NFP ke leader, Biman Prasad, FLP ke leader, Mahendra Chaudhry aur Fiji Council of Trade Unions ke General Secretary, Attar Singh hai, ke Fiji ke Constiturion ke baare me meeting kare ke khatir arrest kar lewa gais.
- 18 August - Rio ke 2016 Olympic Games me Fiji Rugby Sevens team ke gold medal milaa.
- 22 February - Cyclone Winston ke kaaran, Fiji me, 29 logan ke maut bhais hai.
- 31 October - London mae New Zealand nae Australia ke hare ke 2015 Rugby Union Viswa Cup ke jiit liis.
- 11 October - Ba ke Govind Park me 2015 ke Inter-District Championship ke final me, Ba, Nadi ke 2 - 0 se harais.
- 29 June - Fiji Television Ltd ke broadcasting licence ke 12 saal se barrhae dewa gais hae.
- 22 June - Ek 6.2 magnitude ke earthquake, Nadoi Island ke northeast me jamming ke niche 585km me bhais.
|
Aaj se sau saal pahile, 1916 me...
|
- Manilal Doctor, Fij ke sarkar se Hindustani logan ke army me join kare ke maang karis.
- Jamiin ke liis kare ke khatir application ke District Commissioner ke lage karaa jaae lagaa.
- 20 March - British sarkar ii batais ki Girmit khalaas hoe waala hae.
- 17 April - Sirimavo Bandaranaike jon ke duniya ke pahila aurat Prime Minister rahis jab ki uu 1960-1965, 1970-1977 aur 1994-2000 me Sri Lanka ke Prime Ministr rahis, ke Janam Sri Lanka me bhais rahaa (maut: 10 October 2000)
- 18 April - Lalita Pawar, Hindi film actress, ke janam Maharashtra, India me bhais rahaa. (maut: 24 February 1998)
- 20 July - Agle election se, Fiji ke Legislative Council, me ek Hindustani ke nominate karaa jaai.
- 1 September - S. S. Chenab, 882 Girmitya logan ke lae ke tiisra dafe Fiji aais.
- 11 November - S. S. Sutlej, 888 Girmitya logan ke lae ke paanchwa dafe Fiji aais. Ii Girmitya loagan ke laae waala aakhri jahaaj rahaa.
- 1916 me 1,756 Girmitya logan Fiji aain, jisme se 806 Calcutta se aur 950 Madras se aae rahin. 678 Girmitya logan India laut gain.
Pahile waala saal: 1908 1909 1910 1911 1912 1913 1914 1915
|
|