Tuisblad

Welkom by Wikipedia, die vrye ensiklopedie wat deur enigeen verbeter en uitgebrei kan word.	Woensdag, 2 November 2016 Hier is tans 42 457 artikels in Afrikaans.
Help ons om ’n Afrikaanse wêreldklas-ensiklopedie te skep.

Inleiding • Hulp • Kontak

Gebruikersportaal • Voorbladartikels • Kategorieë • Stel ’n vraag

Voorbladartikel

Die hadj (soms gespel gadj; Arabies: الحجّ) is ’n jaarlikse Islamitiese pelgrimstog, of bedevaart, na Mekka wat elke Moslem wat fisiek en finansieel daartoe in staat is, minstens een keer in sy of haar leeftyd moet onderneem. Dit is een van die Vyf Pilare van die Islam.

Die hadj is een van die grootste jaarlikse byeenkomste van mense in die wêreld. Dit is ’n demonstrasie van die solidariteit van Moslems en hul aanbidding van een God (Allah).

Die bedevaart vind plaas van die 8ste tot die 12de (of soms 13de) Dhu'l Hidjdja, die laaste maand van die Islamitiese kalender. Omdat dit ’n maankalender is in teenstelling met die Gregoriaanse kalender, ’n sonkalender, is die Islamitiese jaar sowat 11 dae korter as ’n Gregoriaanse jaar, en daarom verskil die Gregoriaanse datum van die hadj van jaar tot jaar. Ihram is die naam van die spesiale spirituele toestand waarin pelgrims twee wit stukke naatlose materiaal dra en hulle van sekere dade weerhou.

Die hadj word verbind met die lewe van die profeet Mohammed uit die 7de eeu, maar Moslems glo die pelgrimsritueel na Mekka dateer van duisende jare gelede uit die tyd van Abraham. ’n Paar miljoen mense besoek Mekka vir die week van die hadj en voer ’n aantal rituele uit: Hulle loop sewe keer antikloksgewys om die Kaäba (die vierkantige gebou in die middel van Al-Masdjid al-Haram in Mekka, en die rigting van gebed), loop of hardloop heen en weer tussen die heuwels Safa en Marwa, drink uit die Zamzam-put, gaan vir ’n nagwaak na Berg Arafat, bring ’n nag deur op die vlakte van Moezdalifa en voer ’n simboliese steniging van die duiwel uit deur klippe na drie pilare te gooi. Die pelgrims skeer dan hul hare, doen mee aan ’n ritueel van diereoffering en vier die drie dae lange fees Eid-oel-Adha.

Pelgrims besoek Mekka ook ander tye van die jaar om dié rituele uit te voer. Dit word soms oemra, of ’n "mindere pelgrimstog", genoem. Hulle moet egter steeds die hadj onderneem as hulle kan.

...lees verder

In die nuus

Die Suid-Afrikaanse musikant Nico Carstens sterf op die ouderdom van 90 in Kaapstad.
As tweede land naas Burundi kondig die Suid-Afrikaanse regering die onttrekking van die Internasionale Geregshof in Den Haag aan.
Die Nobelprys vir Letterkunde van 2016 is aan die Amerikaanse sanger en skrywer Bob Dylan toegeken.
Nieu-Seeland se rugbyspan wen die 2016-Rugbykampioenskapreeks met ses oorwinnings. Australië se Wallabies eindig in die tweede, Suid-Afrika se Springbokke in die derde en Argentinië se Pumas in die vierde plek.
Die 15de Paralimpiese Somerspele in Rio de Janeiro eindig. Die mees suksesvolle nasie is Sjina wat in totaal 239 medaljes verower het, waarvan 107 goue, 81 silwer en 51 brons. Suid-Afrika eindig op die 22ste plek met 7 goue, 6 silwer en 4 bronsmedaljes.

Het u geweet...

...dat die Britse koninklike familie hulle van verander het? Hulle het dit in 1917 van Sakse-Koburg-Gotha na Windsor verander, die naam van hulle kasteel.

...dat radiogolwe vinniger as klankgolwe beweeg? Tydens 'n regstreekse uitsending sal radioluisteraars duisende kilometers weg 'n stem hoor nog voor die mense wat agter in die opnamelokaal sit dit hoor.

Vandag in die geskiedenis

2 November: Alle Sieledag in die Rooms-Katolieke Kerk;

1861 – Gebore: Prins Georgi Lwof, die eerste eerste minister van Rusland ná die era van die tsaars.
1889 – Noord- en Suid-Dakota word die 39ste en 40ste deelstate van die Verenigde State.
1900 – Tweede Vryheidsoorlog: die begin van 'n 118 dae lange beleg van Ladysmith deur magte van die Zuid-Afrikaansche Republiek en die Oranje-Vrystaat.
1930 – Haile Selassie word as keiser van Ethiopië gekroon.
1947 – Howard Hughes vlieg die Spruce Goose, die grootste vliegboot ooit, op sy nooiensvlug in Long Beach, Kalifornië.

Voorbladbeeld

Portret van Elisa Bonaparte (suster van Napoleon Bonaparte) met haar dogter Napoleona Baciocchi – skildery deur François Gérard (1770–1837) in 1810, olie op doek.