Islam

Artikel iki bagéyan saka sèri Islam Rukun Islam Syahadat · Shalat · Pasa Zakat · Kaji Rukun Iman Allah · Al-Qur'an · Malaikat Nabi · Dina Akhir Qada & Qadar Tokoh Islam Muhammad SAW Nabi & Rasul · Sahabat Ahlul Bait Kota Suci Mekkah ·Madinah · Yerusalem Najaf · Karbala · Kufah Kazimain · Mashhad ·Istanbul Riyaya Hijrah · Idul Fitri · Idul Adha · Asyura · Ghadir Khum Arsitektur Mesjid ·Menara ·Mihrab Ka'bah · Arsitektur Islam Jabatan Fungsional Khalifah ·Ulama · Imam·Mullah·Ayatullah · Mufti Teks & Hukum Al-Qur'an ·Hadist · Sunnah Fiqih · Fatwa · Syariat Mazhab Sunni Hanafi ·Hambali Maliki ·Syafi'i Syi'ah Rolas Imam Ismailiyah·Zaidiyah Liyané Ibadi · Khawarij Murji'ah·Mu'taziliyah Delengen uga Portal Islam Indeks perkara Islam

Islam iku agama sing paling akèh pengikute ing tanah Jawa. Panyebaran Islam kondhang ing astane Wali Sanga. Yaiku ustadz (pemimpin agama islam) sing cacahe sanga. Iku kasebut Wali amarga wali iku tegese Wakil. Ing bab iki tegese wakile Gusti Allah. Sumrambahe Islam agawe agama Hindhu kang maune kawentar ing Jawa banjur sumingkir menyang Pulo Bali.

Salah siji karaton Islam ing Tanah Jawa sing kasil ngetrapke ajaran-ajaran Islam ya iku kerajaan Demak Bintara.

Tembung Islam

Ing basa Arab, Islam nduwèni arti pasrah awak lan uga sawijining Din (agama) kang artine pranatan utawa sistem (QS 3:83). Yen dirunut asal-usule, tembung iki katedhak saka tembung kang padha karo salãm kang artine santosa (damai) lan asring dienggo ing panyapan bebrayan.

Kapercayan

Kalimah Sahadat

Wong kang sinebut muslim (wong kang ngenut agama Islam) iku wiwitane kudu percaya marang rong perkara, ya iku: nyekseni yèn ora ana sesembahan kang bener kajaba Allah lan percaya yèn Nabi Muhammad dadi caraka (utusan) Allah ing bumi kang pungkasan. Pranyatan iki kanthi nyebut kalimat sahadat ya iku asyhadu an laa ilaha illa-llahu wa asyhadu anna muhammada-r-rasulu-llahi (أَشْهَدُ أَنْ لاَ إِلَـهَ إِلاَّ اللهُ وَأَشْهَدُ أَنَّ مُحَمَّدًا رَسُوْلُ اللهِ) sing tegese aku nyekseni yèn ora ana sesembahan kang bener kejaba Allah lan Nabi Muhammmad iku utusane Allah. Kabeh wong Islam kudu mangerteni lan netepi apa kang dikandut ana ing kalimat sahadat sing wis di ucapake mau.

5 Rukun Islam

Para ulama netepake yèn saben muslim kudu ngugemi 5 azas kang sinebut rukun Islam:

1. Ngucap kalimah sahadat lan ngugemi apa kang kasebut ing njerone ukara iki.
2. Nglakoni sholat limang wektu sedina sewengi.
3. Pasa ing wulan Ramadhan.
4. Ngetoake zakat.
5. Lunga kaji kanggo sing mampu(Tegese mampu ing sekabehane).

6 Rukun Iman

Muslim uga kudu percaya marang 6 perkara kang sinebut 6 Rukun Iman

1. Iman marang Allah.
2. Iman marang malaikat.
3. Iman marang kitab suci kang wis di turunake Allah marang nabine.
4. Iman marang nabi lan rasul Allah.
5. Iman marang dina pungkasan.
6. Iman marang qadha lan qadar.

Doktrin

Tauhid

Tembung tauhid iku asalé saka basa arab توحيد ateges nyawijèkaké. Ana ing bab aqidah Islam tauhid nduwèni teges nyawijèkaké Allah ana ing sak kabehe lelaku ngibadah. Para Ulama mbagi tauhid dadi telung werna ya iku : tauhid rububiyah, tauhid uluhiyah, lan tauhid asma wa sifat.

Al Quran

Muslim kudu percaya yèn Al Qur'an iku puncak lan panutup wahyu Allah kanggo manungsa. Ajaran iki didunake marang Nabi Muhammad SAW kanthi caraka Malaikat Jibril. Yen dirunut saka ngelmu basa, Al Qur'an iku artine "wewacan" utawa "kang diwaca bola-bali." Ukara iki saka qara'a kang maknane "maca". Penganggo ukara iki bisa disumurupi ing ayat 17 lan 18 Surat Al-Qiyaamah.

Demografi

Masjid Quba ing Madinah, Arab Saudi.

Wektu iki dikira-kira ana watara 1.250 yuta nganti 1,4 milyar umat Muslim sing kasebar ing saindhenging donya. Saka gunggung iku watara 18% urip ing nagara-nagara Arab, 20% ing Afrika, 20% ing Asia Kidul-Wétan, 30% ing Asia Kidul ya iku Pakistan, India lan Bangladesh. Populasi Muslim paling gedhé ing sawijing nagara antara liya ing Indonésia. Populasi Muslim uga bisa ditemokaké kanthi gunggung kang signifikan ya iku ing Tiongkok, Amérika Sarékat, Éropah, Asia Tengah, lan Rusia.

Tuwuhing wong Muslim diprecaya nganti 2,9% per taun, déné tuwuhing padunung donya mung ngancik 2,3%. Angka iki ndadèkaké Islam minangka agama kanthi patuwuhan panganut sing kagolong cepet ing donya.. Sawetara panemu ngubungaké tuwuhing Islam iki karo dhuwuring angka klairan ing racaké nagara Islam (enem saka sepuluh nagara ing donya kanhi angka klairan paling dhuwur ing donya ya iku nagara kanthi mayoritas padunung Muslim . Nanging durung suwé iki, sawijining studi demografi wis nyatakaké yèn angka klairan nagara Muslim mudhun nganti tingkat padha karo nagara Kulon.

Uga Delengen

• Asmaaulhusna
• Malaikat

Pranala jaba

• Muslim.or.id, Panggonan kanggo sinau Al-Qur'an lan As-Sunnah
• AL-IKHWAN.NET
• Majelis Ulama Indonésia (MUI)
• Ikatan Cendekiawan Muslim Indonésia (ICMI)
• Badan Amil Zakat, Infak dan Sedekah (BAZIS) DKI Jakarta
• Portal Islam Eramuslim
• Pusat konsultasi dan informasi syariah, SyariahOnline
• AL-IKHWAN.NET, Situs kajian Islam berlandaskan Al-Qur'an dan As-Sunnah.
• Lembaga Bina Mualaf Indonésia (Mualaf Center Online)
• Unit Kegiatan Mahasiswa Islam Hudzaifah Universitas Trisakti
• Islam di Éropah Barat
• Islam di Asia Selatan
• Islam Blog
• http://www.islamhouse.com