Le Regno Hashemita de Jordania (Arabic: المملكة الأردنية الهاشمية o Al-Mamlakah al-Urdunniyyah al-Hāšimiyyah) es un pais del Medie Oriente, circumferite per Syria al nord, Irak al nord-est, Arabia Saudita al est e al sud, e Israel e Cisjordania al west. Tote iste frontieras representa 1619 km. Le Golfo de Aqaba e le Mar Morte anque delimita le pais. Le principal urbes del pais es Amman (1.181.000 habitantes in 2001), Irbid, e Az Zarqa, tote le tres situate in le nord-est del pais.
Jordania es componite principalmente de un plateau desertic aride al est, e un region montaniose al west. Le Valle del Grande Rift e le fluvio Jordan separa Jordania de Israel. Le puncto le plus alte del pais es Jabal Ramm, con 1754 metros de altor. Al inverso le Mar Morte es le minus elevate. Le climate es sic e calide, un consequentia del deserto. Totevia, le pais ha un saison pluviose al west, de novembre a april.
.svg)
