Mapa sa Lanao del Norte diin gipakita ang Dakbayan sa Iligan
Ang Dakbayan sa Iligan mao ang usa ka unang klase nga dakbayan sa lalawigan sa Lanao del Norte, Amihanang Mindanao, Pilipinas, ug mao ang kanhi nga kaulohan sa lalawigan. Kining dakbayana naay halos 800 kilometros nga gilay-on sa habagatang-sidlakan gikan sa Manila. Sumala sa pag-ihap sa katawhan sa tuig 2007, kini may kadaghanon nga 399,061 ka tawo. Nagsugod ang Iligan sa usa ka barangay sa Bayug, 2.5 ka kilometro amihanan sa karong Poblacion. Mao ang labing una nga sityo sa mga lumad nga mumulupyo sa dagat, nga gitawag nila ug mga Maragat. Pag-abot sa ika-16 ka siglo, nalupig ang mga lumad sa mga langyaw sa Kabisay-an hilabi na ang Kaharian sa Panglao. Ang pangalan Iligan gikan sa Hinigaunon nga pulong "iligan" o "ilijan", ang pasabot "kuta sa panalipod" batok sa mga pag-asdang ginabuhat sa mga pirata ug ubang tribo nga masupilon. Ang Iligan nahimong dakbayan sa Lanao del Norte sa Hunyo 16, 1950. Ang Dakbayan sa Iligan giutlanan sa lungsod sa Lugait, Misamis Oriental sa amihanan, mga lalawigan sa Baloi, Linamon, ug Tagoloan sa habagatan, mga lalawigan sa Lanao del Sur ug Bukidnon sa sidlakan, ug Look sa Iligan sa kasadpan. Nailhan isip Dakbayan sa mga Halangdong Busay, adunay 23 ka busay sa Iligan. Usa sa mga busay mao ang Busay sa Maria Cristina, mao ang gigamit sa pagdagan sa kuryente, ug ang Busay sa Limunsudan (padayo'g basa...)
