Debian
Debian |
---|
instantia de: distribution GNU/Linux, software libere |
subclasse de: GNU variants, GNU/Linux |
|
![]() |
|
inception: 16 augusto 1993
|
sitio web official: https://www.debian.org |
Commons: Debian |
Debian es un systema de operation (SO) libere pro computatores. Un SO es le collection de programmas e utilitates que face functionar un computator. Al centro de un SO es le nucleo (o kernel). Le nucleo es le plus fundamental programma in le computator: illo face tote le controlo del computator e permitte que uno initia altere programmas. Currentemente, Debian usa le nucleo Linux (como Debian GNU/Linux), un nucleo libere create initialmente per Linus Torvalds e supportate per milles de programmatores in tote le mundo. Le grande parte del utensiles que tamben es essential pro le SO veni de GNU; iste utensiles tamben es libere. Il ha tamben sub-projectos in curso pro crear distributiones de Debian con le ancian nucleo UNIX BSD, e le nucleo GNU Hurd (como Debian GNU/Hurd).
Debian es un projecto de disveloppamento totalmente voluntari basate super le Internet. Il ha centos de voluntarios qui labora pro Debian. Le plus grande parte de illes es incargate de un parve numero de pacchettos de software, e es multo familiar con le software que illes pacchetta. Iste voluntarios observa un numero de regulas stricte que governa le maniera in le qual le pacchettos debe esser assemblate. Le regulas es create cooperativemente per le Internet in listas de email.
Le philosophia del projecto importa multo a Debian. Le contracto social de Debian (disponibile in multe linguas) promitte que Debian sera totalmente libere per semper; Debian mesme es facite de multe parve pacchettos pro permitter facile modification pro diverse usos.