Di alemannisch Wikipedia isch e Enzyklopedi in dr Dialäkt vum alemannische Sprochrüüm, also vu dr Ditschschwiz, vum Elsiss, vu Liechtestei, vu Oberbade, vum Schwobeland un vu Vorarlberg.
Die Enzyklopedi wachst dur di frejwillig Hilf vu allne, wu eppis in ihrem Dialäkt wän bitrage. Alli Iiträg kenne vu allne Bsuecher gschribe un gänderet wäre. Alli sin härzlig iiglade mitzmache. Bringe Ejer Wisse ii un hälfe eso mit, s Alemannisch z pfläge, ufzwärte un z erhalte. Di erschte Schritt sin ganz eifach!
Wär mir vu dr Alemannische Wikipedia sin un was mer wänn, findsch in unserem Brofil.
Di erschti Chloschterchile isch im 13. Johrhundert, vermuetlich ab em 1227, in de Folg vo de Gründig vom Chloschter bauet und im 1256i gweiht worde. Di Chile het me mehrmols umbauet und erwiteret und im 1440 isch si im Toggeburger Erbschaftschrieg zerschtört worde. Bim Chloschterbrand vo 1507 het d Chile einisch me schweri Schäde erlitte und isch aaschlüssend wider ufbaut worde. Sit em 18. Johrhundert isch s Chileschiff im Stil vom Barock gschtaltet. Wo in de Folg vom Aargauer Chloschterstritt s Chloschter im 1841i isch ufghobe worde, isch d Chile mit em Chloschter in de Bsitz vom Kanton Aargau übergange. De Kanton het allne drü Landeschillene d Nutzig vo de Chile erlaubt, also de römisch-katholische, de reformiirte und nach de Entstehig vo de chrischtkatholisch Chile in de 1870er-Johr und ihrer Aaerkennig als Landeschile, au dere. Bis hüt findet in de Chloschterchile regelmässig römisch-katholischi und christkatholischi Messe und Gottesdienscht statt. Di reformiirt Chilegmeind Wettige-Noiehof het nach de Fertigschtellig vo de eigede Chile im Jahre 1939 uf ihres Nutzigsrächt verzichtet. D Chloschterchile cha hüt au für Hochzite gmietet werde. (…dr ganz Artikel läse)