-
Title:
Ամեն ինչ փոխելու համար
-
Description:
Ամեն ինչ փոխելու համար. անարխիստական կոչ
http://tochangeeverything.com/
Թե կարողանայիր մի բան փոխել, ի՞նչը կփոխեիր։ Կուզենայի՞ր մնացած կյանքդ առանց աշխատելու լավ ապրել։ Թե՞ կվերացնեիր հանածո վառելիքի ազդեցությունը կլիմայի վրա։ Գո՞ւցե պահանջեիր արդար բանկային համակարգ և ոստիկանություն։ Անկասած, ոչինչ ավելի անիրատեսական չէ, քան բաները պահպանել ինչպես որ են և ակնկալել այլ արդյունք։
Անձնական մակարդակում մեր ֆինանսական և հուզական պայքարը անդրադարձնում է գլոբալ քաոսն ու աղետը։ Կվատնենք մեր ողջ կյանքը, փորձելով մեկ առ մեկ մարել այդ հրդեհները, որոնց աղբյուրը նույնն է։ Ոչ մի ժամանակավոր լուծում մեր նպատակներին չի ծառայում․ ամեն ինչ պետք է վերանայել մեկ այլ տրամաբանությամբ։
Մի բան փոխելու համար, սկսիր ամեն ինչից։
-
Մարդկությունն անհավասար հակամարտության
մեջ է իշխանական կառույցների հետ։
¶
-
Ինչքան ավելի հզոր են դրանք,
այդքան պակաս ուժ մենք ունենք։
-
Ինչքան ավելի շատ փառք են դրանք վայելում,
այդքան ավելի աղքատ ենք մենք դառնում։
-
Ինչքան ավելի հրապուրիչ է հանդիսանքը,
այնքան ավելի նողկալի է մեր իրողությունը,
-
ինչքան ավելի կայուն են կառույցները,
այնքան պակաս կայուն է մեր կյանքը։
-
Խնդիրը իշխանություն ունեցող մարդիկ չեն,
այն կառույցներն ինքնին։
-
Անկախ նրանից, թե ում ձեռքում է կառավարման
ղեկը, այն ծնում է ուժի անհավասարություն։
-
Համակարգը խափանված չէ,
այն հենց այդպես է աշխատում:
-
Ոչ մի մասնակի լուծում չի օգնի,
-
մենք պետք է ամեն բան վերանայենք
մեկ այլ տրամաբանությամբ.
-
մի բան փոխելու համար, սկսիր ամեն ինչից։
-
Երբ պատերազմը երկար է տևում,
այն դառնում է անտեսանելի։
-
Մենք այլևս չենք նկատում, թե որքան
ռազմականացված է մեր հասարակությունը՝
-
սահմանները, անվտանգության անցակետերը,
կարգապահական միջոցները։
-
Մեր կյանքը տնօրինելու փոխարեն,
մենք ունենք իշխանության գերակայություն։
-
Ո՞րն է ուժի և իշխանության տարբերությունը։
-
Աշխատողներն ուժ ունեն,
-
իսկ ղեկավարները, ովքեր ասում են՝
ինչ անել՝ իշխանություն։
-
Վարձակալները, ովքեր հոգ են տանում
շենքի մասին, ուժ ունեն,
-
իսկ տանտերը, ում պատկանում է շենքը՝
իշխանություն:
-
Բանակն ուժ ունի, գեներալները՝
իշխանություն։
-
Գետն ուժ ունի, իսկ ամբարտակ
կառուցելու թույլտվությունը՝ իշխանություն։
-
Ուժն ինքնին ճնշող չէ։
-
Ուժի շատ տեսակներ ազատագրող են,
-
սիրելիների մասին հոգ տանելը,
ինքդ քեզ պաշտպանելը և վեճեր լուծելը,
-
ասեղնաբուժությամբ զբաղվելը, առագաստանավ
ղեկավարելը և ճոճաձողի վրա պտտվելը։
-
Զարգացնելով որոշ կարողություներ,
նպաստում ես նաև այլոց ազատագրմանը։
-
Մեկը, ով օգտագործում է իր ողջ ներուժը,
ինչ-որ առումով նվեր է անում բոլորին։
-
Մյուս կողմից, ուրիշներին իշխելով
խլում ես նրանց ուժը։
-
Եվ այն, ինչ վերցրել ես,
ուրիշներն էլ կխլեն քեզնից։
-
Իշխանությունը միշտ ծագում է հետևյալ կերպ․
-
զինվորը ենթարկվում է գեներալին,
ով պատասխանատու է նախագահի առաջ,
-
ում իշխանությունը գալիս է
Սահմանադրությունից,
-
քահանան պատասխանատու է եպիսկոպոսի առաջ,
եպիսկոպոսը՝ Պապի,
-
որն էլ իր հերթին իշխանություն է
ստանում Աստծուց,
-
ոստիկանը կատարում է դատավորի հրամանը,
դատավորի իշխանությունն էլ օրենքն է,
-
կորպորացաների իշխանությունը
հաստատվում է փողի միջոցով:
-
Տղամարդկության և
սեփականության բուրգի գագաթին
-
նույնիսկ բռնակալներ չեն գտնվի,
դրանք սոցիալական կոնստրուկտներ են՝
-
մարդկությանը հիփնոզացնող ուրվականներ։
-
Մենք երբեք ուժ չենք ունենա, քանի դեռ
որոնում ենք այն իշխանության միջոցով։
-
Հիերարխիայում մենք ստանում ենք ուժ
միայն հնազանդության հետ այն փոխարինելով,
-
ուժն ու իշխանությունն այնքան փոխկապված են,
որ հազիվ ենք դրանք իրարից տարբերում։
-
Եվ չնայած դրան՝ առանց ազատության,
ուժն արժեք չունի։
-
Առանց իշխանության մարդիկ դրդված են
խնդիրները լուծել փոխադարձ համաձայնությամբ՝
-
շահելով միմյանց վստահությունը։
-
Վստահության շնորհիվ ուժը կենտրոնանում է
մարդկանց ձեռքում, ովքեր ուժ են շնորհում,
-
վստահության վրա հիմնված հարաբերություններն
ավելի փոխշահավետ են։
-
Անհատը, ով վստահություն է վաստակել,
իշխանության կարիք չունի։
-
Եթե մեկը վստահության չի արժանացել,
ուրեմն նրան չպիտի տրվի իշխանություն։
-
Եվ չնայած ամենաքիչը մենք վստահում ենք
քաղաքական գործիչներին և ոստիկանությանը:
-
Իշխանության պարտադրման
տարբեր մեխանիզմներ կան:
-
Որոշները պահանջում են կենտրոնացած ապարատ,
օրինակ՝ դատական համակարգը:
-
Մյուսները գործում են ոչ ֆորմալ կերպով,
օրինակ՝ գենդերային դերերը։
-
Որոշ մեխանիզմներ ամբողջությամբ
վարկաբեկված են:
-
Ո՞վ է դեռ հավատում թագավորների
աստվածային իրավունքին:
-
Մյուսներն այնքան խորն են արմատացած,
որ առանց դրանց կյանքը չենք պատկերացնում։
-
Եվ չնայած դրան՝ սրանք գոյություն ունեն
մեր հավաքական հավատքի շնորհիվ,
-
դրանք իրական են, բայց ոչ անխուսափելի։
-
Տանտերերի և տնօրենների գոյությունը
նույնքան բնական, անհրաժեշտ և շահավետ է,
-
որքան թագավորների գոյությունը։
-
Հարցը արդարության մեջ չէ, քանի դեռ
այդ մեխանիզմները ուժ են կենտրոնացնում,
-
մեծամասնությունը պարտվող կողմում կլինի:
-
20-րդ դարի հեղափոխությունների արդյունքում
մեզ ղեկավարում են մեր դասի և դավանանքի մարդիկ:
-
Անհրաժեշտ է ստեղծել տարածք, որտեղ
ոչ ոք չի կարող կուտակել իշխանություն:
-
Ինչպե՞ս կարող ենք տնօրինել մեր կյանքը:
-
Կառավարությունը խոստանում է իրավունքներ,
սակայն զրկում է մեզ ազատություններից,
-
եթե այն կարող է մեզ մի բան երաշխավորել,
նմանապես կարող է մեզ զրկել դրանից:
-
Շուկայական համակարգը քաջալերում է,
որ մարդիկ իրարից հնարավորինս շատ շորթեն։
-
Եթե ուզում ես վստահ լինել, որ անվտանգ ես,
պետք է կառուցես փոխօգնութան ցանցեր։
-
Պետությունից հրաժարվելը չի նշանակում
հոգ չտանել կարիքի մեջ գտնվողների համար,
-
դա նշանակում է ուղղակիորեն օգնել միմյանց
բյուրոկրատական քաշքշուկների փոխարեն:
-
Սեփականությունից հրաժարվելը չի նշանակում,
որ դու կորցնում ես ունեցածդ։
-
Դա նշանակում է, որ ոչ մի ոստիկան և ճնաժամ
չի զրկի քեզ կյանքի անհրաժեշտ պայմաններից։
-
Առանց սեփականության մեր վերաբերմուքն իրերի հանդեպ
կպայմանավորվի մեր՝ իրար հետ ունեցած հարաբերությամբ:
-
Այսօր ճիշտ հակառակն է, մեր հարաբերությունները
պայմանավորված են իրերի հետ մեր վերաբերմունքով։
-
Մենք ուզում ենք վերացնել գերակայությունը,
ոչ թե ավելի լավ այն կառավարել,
-
դիրքորոշումներ փոխել ու կայունացնել
համակարգը բարեփոխումներով։
-
Ավելի լեգիտիմ օրենքների փոխարեն մեր կոչն է
ուժ գտնել ու միասին կիրառել այն:
-
Լծակներ գործադրելու ամենաարդյունավետ միջոցը
ինքնավար իշխանություն զարգացնելն է:
-
Բայց ավելի լավ է սահմանել սեփական
օրակարգը, սեփական պայմանները:
-
Վստահ ենք, որ պաշտպանելով մեր իրավունքները
կգտնենք ուրիշներին, ովքեր նույնը կանեն,
-
ու մեր պայքարը նոր հնարավորություններ
կստեղծի մեր կյանքում:
-
Անկախ ամենից, այս ճանապարհը մեզ տալիս է
հնարավոր ամենահարուստ փորձը:
-
Բռնակալների կողմից ղեկավարվող աշխարհում,
այն կերտում է հերոսներ, ոգեշնչում արկածներ,
-
ի հակադրություն կյանքի ստորացումներին,
այն մեզ արժանապատվություն է տալիս:
-
Ամենը փոխելու համար, սկսիր մի բանից։
-
Եթե այս ամենն արձագանք գտավ քեզ մեջ,
հնարավոր է դու անարխիստ ես։