ծավալով՝ չափով փոքր դառնալ ◆ Անտոնի աչքին մայրն ավելի փոքրացած երևաց: (Ակսել Բակունց)◆ Պատերի տակ կուտակված ձյունեղեն լեռներն սկսեցին աննկատելի արագությամբ հալվել ու փոքրանալ: (Նաիրի Զարյան)
քանակով պակասել՝ նվազել, քանակով քչանալ ◆ Որքան մեծ բազմություն է ունեցել Տարոնը առաջ և որքան փոքրացել է նրա բնակիչների թիվը այժմ: (Րաֆֆի)
կարճ դառնալ, կրճատվել, երկարությունը նվազել, կարճանալ ◆ Քանի գնում, այնքան փոքրանում էր տարածությունը մարդու և կնոջ միջև, որովհետև գավը խանգարում էր կնոջը ավելի արագ վազելու: (Նար-Դոս)
կշռով՝ ծանրությամբ պակասել, կշիռը՝ քաշը պակասել ◆ Նրա բեռը փոքրացավ:
(փխբ․) նվաստանալ, ստորանալ, հոգու արիությունը՝ վեհությունը կորցնել ◆ Երբ մարդը փոքրանում է, ոչնչանում է վտանգի ահավորության առջև: (Րաֆֆի)
(փխբ․) գծուծ՝ մանր դառնալ, մանրանալ
(փխբ․) փոքրի՝ երեխայի հատկություն՝ վարքագիծ ստանալ՝ ձեռք բերել, մանկանալ
Վիքիճամբարը Վիքիմեդիա Հայաստան կազմակերպության նախագծերից մեկն է, որը 14-20 տարեկան այն անձանց համար է, ովքեր ցանկանում են սովորել խմբագրել Վիքիպեդիայում, Վիքիբառարանում կամ արդեն վիքիխմբագիրներ են: 10 օրվա ընթացքում ճամբարականները Վիքիպեդիայի փորձառու խմբագիրների օգնությամբ Հայերեն Վիքիպեդիայում և Վիքիբառարանում կստեղծեն հոդվածներ և կկատարեն թարգմանություններ անգլերեն, ռուսերեն և այլ Վիքիպեդիաներից։ Կազմակերպվելու են հետաքրքիր ինտելեկտուալ և մարզական մրցույթներ, ժամանցային խաղեր, երգի և պարի դասեր։