O Fis Medi 2016 byddwn yn cydweithio gyda Coleg Cambria i gyflwyno ystod eang o gyrsiau Cymraeg i Oedolion yng Ngogledd Ddwyrain Cymru sef Siroedd Dinbych, Fflint a Wrecsam. Mae manylion y cyrsiau ar gael drwy glicio yma i lawrlwytho taflen PDF.
Cyhoeddodd Popeth Cymraeg ein bwriad i agor trydedd Canolfan Iaith, y tro yma ym Mhrestatyn. Cafodd y syniad gefnogaeth eang traws bleidiol. Mae'r manylion llawn ar gael yn ein datganiad i'r wasg a gellir lawrlwytho copi ohono drwy glicio yma.
Unwaith eto caiff dysgwyr dosbarth Dysgu Popeth Y Felinheli eu ffilmio’n derbyn gwersi byrion 8 munud yn seiliedig ar y gyfres Now You Now You’re Talking a gafodd ei dangos ar S4C nôl yn y 90au. Gallwch wylio’r gwersi blaenorol ar YouTube trwy wefan Hwb :
http://hwb.s4c.co.uk/resources.
Fis Rhagfyr eleni bydd Popeth Cymraeg yn parhau i gydweithio gyda Fflic i greu rhaglen sy’n dal i fyny efo’r dysgwyr fuodd ar y gyfres boblogaidd Cariad@iaith ym Mis Mai. Caiff y rhaglen ei ffilmio yn Nant Gwrtheyrn ym Mhen Llŷn. Mae rhaglenni Cariad@iaith yn seiliedig ar y dull Dad-Awgrymeg sy’n cael ei ddefnyddio ar ein cyrsiau Dysgu Popeth/ Unlimited Learning .
http://www.youtube.com/watch?v=e-xIHdYB55s
Galwch Acw :
Yn ddiweddar cymrodd dau o ddysgwyr Popeth Cymraeg ran yn y rhaglen Galwch Acw, rhaglen goginio i ddysgwyr sy’n debyg i Come Dine With Me (heblaw am y ffaith fod y cogyddion i gyd yn dysgu Cymraeg).
Mae’r ddau ohonyn nhw, Richard Haig a Cate Bolsover , yn byw yn Nyffryn Conwy, Richard yn Neganwy a Cate yn Nhrefriw. Fel rhan o’r rhaglen cawson nhw eu ffilmio yn trafod eu bwydlenni, yn siopa yn Gymraeg ac yn paratoi’r prydau. Cawson nhw eu cynghori ar gamera (ar sut i gyflawni tasgau yn Gymraeg, nid ar sut i wella’u sgiliau coginio) gan Ioan Talfryn, Prif Weithredwr Popeth Cymraeg. Caiff y rhaglen ei darlledu yn gynnar yn y flwyddyn newydd. Gallwch wylio dwy gyfres gyntaf Galwch Acw ar YouTube.
http://www.youtube.com/watch?v=R5ukZSOLBhU