2007
Úr Wikipediu, frjálsa alfræðiritinu
Ár |
Áratugir |
Aldir |
Árið 2007 (MMVII í rómverskum tölum) var 7. ár 21. aldar og almennt ár sem byrjaði á mánudegi samkvæmt gregoríska tímatalinu.
Efnisyfirlit
Atburðir[breyta | breyta frumkóða]
Janúar[breyta | breyta frumkóða]
- 1. janúar - Embætti lögreglustjóra á höfuðborgarsvæðinu tók til starfa.
- 1. janúar - Búlgaría og Rúmenía gengu í Evrópusambandið.
- 1. janúar - Slóvenía tók upp evruna í stað hins slóvenska tolars.
- 1. janúar - Suður-Kóreumaðurinn Ban Ki-moon tók við af Kofi Annan sem aðalritari Sameinuðu þjóðanna.
- 1. janúar - Angóla gekk í Samtök olíuframleiðenda.
- 1. janúar - Matís ohf tók til starfa á Íslandi.
- 5. janúar - Orkufyrirtækið Geysir Green Energy var stofnað í Reykjanesbæ.
- 5. janúar - Frelsisverðlaun Kjartans Gunnarssonar voru veitt í fyrsta sinn.
- 9. janúar - Apple Inc. kynnti snjallsímann iPhone í Bandaríkjunum.
- 11. janúar - Víetnam gekk í Alþjóðaviðskiptastofnunina.
- 12. janúar - Bygging tónlistarhússins Hörpu hófst formlega.
- 13. janúar - Gríska skipið Server brotnaði í tvennt úti fyrir strönd Noregs. Um 200 lítrar af hráolíu láku í sjóinn.
- 15. janúar - Meðferðarheimilinu Byrginu var lokað.
- 19. janúar - Íslenska kvikmyndin Foreldrar var frumsýnd.
- 20. janúar - Fyrsti hópur gangandi manna náði á „óaðgengipólinn“ á Suðurheimskautinu.
- 23. janúar - Ríkisútvarpinu var breytt í opinbert hlutafélag.
- 23. janúar - Baráttusamtök eldri borgara og öryrkja voru stofnuð.
- 30. janúar - Windows Vista stýrikerfið frá Microsoft kom út.
Febrúar[breyta | breyta frumkóða]
- 4. febrúar - Þjóðverjar unnu heimsmeistaratitilinn í handbolta á heimavelli.
- 11. febrúar - Portúgalar samþykktu með þjóðaratkvæðagreiðslu að leyfa fóstureyðingar.
- 27. febrúar - Björgunarsveitin Húnar var stofnuð á Hvammstanga.
- 29. febrúar - Hið íslenska töframannagildi var stofnað.
Mars[breyta | breyta frumkóða]
- 6. mars - Fyrrum aðstoðamaður Bandaríkjaforseta, I. Lewis Libby, var dæmdur sekur fyrir meinsæri og hindrun réttvísinnar í tengslum við Plame-málið þar sem nafni leyniþjónustumanns var lekið í fjölmiðla.
- 9. mars - Byggingu nýja Wembley-leikvangsins lauk.
- 21. mars - Eldur kom upp í klipparanum Cutty Sark og skemmdist skipið nokkuð.
- 21. mars - Stjórn Marshalleyja lýsti yfir neyðarástandi vegna vatnsskorts.
- 23. mars - Nýja leikjatölvan frá Sony, PlayStation 3, kom út í Evrópu, Ástralíu og Singapúr.
- 28. mars - Frumvarp um Vatnajökulsþjóðgarð var samþykkt á Alþingi.
Apríl[breyta | breyta frumkóða]
- 1. apríl - Íslenska fjarskiptafyrirtækið Míla ehf var stofnað.
- 2. apríl - Reykingabann á almannafæri og vinnustöðum tók gildi í Wales.
- 2. apríl - Jarðskjálfti að stærðargráðu 8,1 á Richter skók Salómonseyjar og olli flóðbylgju.
- 13. apríl - Bílanaust og Olíufélagið ESSO sameinuðust og stofnuðu N1.
- 16. apríl - Virginia Tech-fjöldamorðin: Nemandinn Seung-Hui Cho við Tækniháskólann í Virginíu í Bandaríkjunum myrti 32, særði 29 og framdi síðan sjálfsmorð.
- 18. apríl - Mikill bruni varð á horni Austurstrætis og Lækjargötu.
- 18. apríl - Vatnstjón varð þegar allt að 80 °C heitt vatn rann niður Vitastíg og þar út í átt að Snorrabraut um Laugaveg.
- 21. apríl - Forsetakosningar voru haldnar í Nígeríu.
- 22. apríl - Fyrsta umferð forsetakosninga haldin í Frakklandi.
- 24. apríl - Fóstureyðingar voru leyfðar í Mexíkóborg.
- 26. apríl - Óeirðir brutust út í Tallinn í Eistlandi í kjölfar þess að borgaryfirvöld létu færa umdeilda styttu.
- 28. apríl - AFL Starfsgreinafélag var myndað með sameiningu þriggja stéttarfélaga á Austurlandi.
- 30. apríl - Reykingabann á almannafæri og vinnustöðum tók gildi á Norður-Írlandi.
Maí[breyta | breyta frumkóða]
- 3. maí - Madeleine McCann, þriggja ára gamalli stúlku, var rænt úr hótelherbergi í Portúgal, þar sem hún var með fjölskyldu sinni í fríi.
- 4. maí - Keilir, miðstöð vísinda, fræða og atvinnulífs var stofnuð við Keflavíkurflugvöll.
- 4. maí - Kvikmyndin Köngulóarmaðurinn 3 var frumsýnd.
- 6. maí - Nicolas Sarkozy var kosinn forseti Frakklands.
- 7. maí - Gröf Heródesar konungs fannst í hæðinni Herodium og hafði hennar verið leitað þar í yfir 30 ár.
- 10. maí - Eiríkur Hauksson steig á svið í undankeppninni í Söngvakeppni evrópskra sjónvarpsstöðva.
- 12. maí - Alþingiskosningar voru haldnar á Íslandi.
- 12. maí - Serbía sigraði Eurovision með laginu „Molitva“.
- 13. maí - Manchester United lyftu níunda bikar sínum í ensku úrvalsdeildinni.
- 16. maí - Nicolas Sarkozy tók við embætti forseta Frakklands.
- 16. maí - Alex Salmond tók við sem æðsti ráðherra Skotlands.
- 23. maí - Úrslitaleikur meistaradeildar Evrópu 2007 fór fram á Ólympíuleikvanginum í Aþenu.
- 24. maí - Ríkisstjórn Sjálfstæðisflokks og Samfylkingar tók við völdum.
Júní[breyta | breyta frumkóða]
- Júní - Íslenska vefritið Eyjan.is var stofnað.
- 1. júní - Reykingabann tók gildi á öllum veitinga- og skemmtistöðum á Íslandi.
- 22. júní - Bandaríska kvikmyndin Evan Almighty var frumsýnd.
- 27. júní - Gordon Brown tók við forsætisráðherraembætti Bretlands.
- 27. júní - Bandaríska kvikmyndin Die Hard 4.0 var frumsýnd.
Júlí[breyta | breyta frumkóða]
- 1. júlí - Hólaskóli varð háskóli.
- 1. júlí - Ný lög um kosningarétt tóku gildi í Austurríki. Lögin veita Austurríkismönnum kosningarétt frá 16 ára aldri.
- 1. júlí - Reykingabann tók gildi á vinnustöðum og almannafæri í Englandi.
- 1. júlí - Reykingabann tók gildi á öllum veitinga- og skemmtistöðum í New South Wales og Victoria í Ástralíu.
- 7. júlí - Heimsmet var slegið í vatnsbyssuslag á Landsmóti UMFÍ í Kópavogi (Kópavogur). Fyrir þessu stóðu SPK og Útvarpsstöðin FM957.
- 8. júlí - Boeing-verksmiðjurnar afhjúpuðu nýja risafarþegaþotu, Boeing 787.
- 9. júlí - Það snjóaði í Buenos Aires, höfuðborg Argentínu, í fyrsta sinn í nær hundrað ár.
- 11. júlí - Kvikmyndin Harry Potter og Fönixreglan var frumsýnd.
- 17. júlí - Á alþjóðaflugvellinum Congonhas-São Paulo í Brasilíu rann farþegaþota út af flugbraut, yfir stóra umferðaræð á háannatíma og inn í vöruhús, þar sem hún sprakk. Allir um borð og nokkrir aðrir létust, samtals yfir 190 manns.
- 18. júlí - Úrvalsvísitala kauphallarinnar á Íslandi náði hámarki, 9.016,48 punktum, en tók að falla hratt eftir það.
- 19. júlí - Prathiba Patil var kosin fyrsti kvenforseti Indlands.
- 21. júlí - Síðasta bók J.K. Rowling um Harry Potter kom út og seldist í yfir 8 milljónum eintaka á fyrsta sólarhringnum.
- 24. júlí - Bamir Topi varð forseti Albaníu.
- 27. júlí - Simpsonskvikmyndin var frumsýnd.
Ágúst[breyta | breyta frumkóða]
- 3. ágúst - Bandaríska kvikmyndin The Bourne Ultimatum var frumsýnd.
- 4. ágúst - Reykingabann tók gildi á almannafæri í Slóveníu.
- 4. ágúst - NASA sendi geimfarið Fönix til Mars.
- 11. ágúst - Forseta- og þingkosningar fóru fram í Síerra Leóne.
- 14. ágúst - 572 manns létu lífið í nokkrum sjálfsmorðsárásum í Qahtaniya í Írak.
- 15. ágúst - Jarðskjálfi að stærðinni 8,0 Richter varð 512 manns að bana í Perú. Yfir 1500 manns slösuðust.
- 22. ágúst - Íslenska kvikmyndin Astrópía var frumsýnd.
- 22. ágúst - Menntaskóli Borgarfjarðar var settur í fyrsta sinn.
- 25. ágúst - Valur vígði Vodafonehöllina. Þetta var mikil hátíð komu skrúðgöngur frá hverfisskólunum Austurbæjarskóla, Hlíðaskóla og Háteigsskóla.
September[breyta | breyta frumkóða]
- 7. september - Íslenska kvikmyndin Veðramót var frumsýnd.
- 8. september - Bílsprengja varð yfir 50 manns að bana í Dellys í Alsír.
- 13. september - Yfirlýsing um réttindi frumbyggja var samþykkt af allsherjarþingi Sameinuðu þjóðanna.
- 16. september - Íslenska sjónvarpsþáttaröðin Næturvaktin hóf göngu sína á Stöð 2.
- 19. september - Bandaríska sjónvarpsþáttaröðin Gossip Girl hóf göngu sína á The CW.
- 20. september - Aðgerð Pólstjarnan: lögregla og tollayfirvöld gerðu tugi kílóa af amfetamíni upptæk á Fáskrúðsfirði sem reynt var að smygla með seglskútu.
- 26. september - Eftir margra daga mótmæli gegn stjórn Mjanmar brást stjórnarherinn við og reyndi að stöðva mótmælin. Fyrstu dauðsföll af völdum stjórnarhersins voru staðfest. Búddamunkar og aðrir mótmælendur voru handteknir og lokað var algjörlega fyrir Internetaðgang í landinu.
Október[breyta | breyta frumkóða]
- 1. október - Kvikmyndin The Amazing Truth About Queen Raquela var frumsýnd.
- 1. október - Lánasýsla ríkisins var lögð niður og verkefni hennar færð til Seðlabanka Íslands.
- 1. október - Forlagið var stofnað á Íslandi.
- 2. október - Sjónvarpsstöðin ÍNN tók til starfa á Íslandi.
- 6. október - Forsetakosningar fóru fram í Pakistan.
- 8. október - Spretthlauparinn Marion Jones skilaði fimm Ólympíuverðlaunum sem hún vann í Sydney árið 2000 eftir að hafa játað ólöglega lyfjanotkun.
- 9. október - Yoko Ono afhjúpaði Friðarsúluna í Viðey á afmælisdegi John Lennon.
- 11. október - REI-málið: Meirihluti Sjálfstæðisflokks og Framsóknarflokks í borgarstjórn Reykjavíkur sprakk.
- 11. október - KR-TV hóf útsendingar.
- 16. október - Dagur B. Eggertsson tók við embætti borgarstjóra í Reykjavík.
- 18. október - Benazir Bhutto, fyrrverandi forsætisráðherra Pakistan, sneri heim til Pakistan eftir átta ára útlegð til að taka þátt í forsetakosningum. Sama kvöld var sjálfsmorðsárás gerð á bílalest Bhutto. Hún slapp ómeidd en 136 aðrir létust.
- 19. október - Ný heildarþýðing Biblíunnar á íslensku kom út, Biblía 21. aldar.
- 21. október - Kimi Räikkönen var krýndur heimsmeistari í Formúlu 1 eftir Brasilíukappaksturinn.
- 25. október - Fyrsta farþegaflug Airbus 380-farþegaþotunnar flaug á milli Singapúr og Ástralíu.
- 26. október - Stýrikerfið Mac OS X v10.5 („Leopard“) kom út.
Nóvember[breyta | breyta frumkóða]
- 3. nóvember - Pervez Musharraf, forseti Pakistan, lýsti yfir neyðarástandi í landinu í kjölfar umdeildra forsetakosninga. Musharraf var í kjölfarið sakaður um valdarán.
- 7. nóvember - Ungur námsmaður gerði skotárás í skóla í bænum Jokela í Finnlandi. Hann varð 8 manns að bana, særði 12 og framdi síðan sjálfsmorð.
- 7. nóvember - Mikheil Saakashvili, forseti Georgíu, lýsti yfir neyðarástandi í höfuðborg landsins í kjölfar mikilla mótmæla gegn stjórn hans.
- 11. nóvember - Paul Fontaine-Nikolov, bandarískur innflytjandi, tók sæti á Alþingi sem varaþingmaður Vinstri-grænna. Hann er fyrsti útlendingurinn til þess að sitja á Alþingi.
- 11. nóvember - Rússneskt olíuskip brotnaði í tvennt í miklum stormi í Svartahafi og olli miklu tjóni.
- 12. nóvember - The Hope, fjórða breiðskífa íslensku rokksveitarinnar Sign, kom út.
- 14. nóvember - Jarðskjálfti upp á 7,7 á Richter skók Chile.
- 16. nóvember - Þúsundir létust og milljónir misstu heimili sín í gífurlegum fellibyl sem gekk yfir Bangladess.
- 18. nóvember - 101 námuverkamaður lét lífið í námuslysi í Úkraínu.
- 19. nóvember - Íslenska torrentvefnum Torrent.is var lokað.
- 19. nóvember - C Sharp 3.0 kom út.
- 30. nóvember - Kárahnjúkavirkjun var gangsett.
Desember[breyta | breyta frumkóða]
- 11. desember - Mænuskaðastofnun Íslands var stofnuð.
- 11. desember - Tvær bílsprengjur urðu 31 manni að bana í Algeirsborg í Alsír.
- 20. desember - Jarðskjálfti upp á 6,6 á Richter skók Nýja Sjáland og olli miklum skemmdum í borginni Gisborne. Einn lét lífið.
- 21. desember - Schengensvæðið stækkaði. Aðildarlönd sem bættust við voru Eistland, Lettland, Litháen, Malta, Pólland, Slóvakía, Slóvenía, Tékkland og Ungverjaland.
- 24. desember - Stjórn Nepal tilkynnti að 240 ára einræði verði lagt niður árið 2008 og lýðræði tekið upp.
- 26. desember - Íslenska kvikmyndin Duggholufólkið var frumsýnd.
- 27. desember - Benazir Bhutto, fyrrverandi forsætisráðherra Pakistans og forsetaframbjóðandi, var ráðin af dögum á kosningafundi í Rawalpindi.
- 27. desember - Forseta- og þingkosningar voru haldnar í Kenýa.
- 30. desember - Íslenska sjónvarpsþáttaröðin Pressa hóf göngu sína á Stöð 2.
- 31. desember - Yfir tvö hundruð manns létu lífið í átökum sem brutust út vegna úrslita forsetakosninganna í Kenýa.
Ódagsettir atburðir[breyta | breyta frumkóða]
- Víetnamska lággjaldaflugfélagið VietJet Air var stofnað.
- Forritunarmálið Go leit dagsins ljós.
- Bandaríska fyrirtækið Dropbox var stofnað.
- Íslenska fjárfestingafélagið Gift var stofnað.
- Íslenska hljómsveitin No Class var stofnuð.
- Íslenska fyrirtækið ValaMed var stofnað.
Fædd[breyta | breyta frumkóða]
Dáin[breyta | breyta frumkóða]
- 7. janúar - Magnús Magnússon, breskur sjónvarpsmaður (f. 1929).
- 29. janúar - Edward Robert Harrison, breskur heimsfræðingur (f. 1919).
- 30. janúar - Sidney Sheldon, bandarískur rithöfundur (f. 1917).
- 1. febrúar - Hallgerður Gísladóttir, íslenskur sagnfræðingur og þjóðfræðingur (f. 1952).
- 8. febrúar - Anna Nicole Smith, bandarísk fyrirsæta og leikkona, fannst meðvitundarlaus inni á hótelherbergi sínu og lést skömmu síðar af völdum of stórs lyfjaskammts (f. 1967).
- 5. mars - Yvan Delporte, belgískur myndasöguhöfundur (f. 1928).
- 8. mars - Bergþóra Árnadóttir, íslensk vísnasöngkona (f. 1948).
- 17. mars - John Backus, bandarískur tölvunarfræðingur (f. 1924).
- 11. apríl - Kurt Vonnegut, bandarískur rithöfundur (f. 1922).
- 16. apríl - Seung-Hui Cho, bandarískur fjöldamorðingi (f. 1984).
- 23. apríl - Boris Jeltsín, forseti Rússlands (f. 1931).
- 23. maí - Elías Mar, íslenskur rithöfundur (f. 1924).
- 8. júní - Richard Rorty, bandarískur heimspekingur (f. 1931).
- 14. júlí - Einar Oddur Kristjánsson, íslenskur stjórnmálamaður (f. 1942).
- 20. júlí - Tammy Faye Bakker, bandarískur sjónvarpsprédikari (f. 1942).
- 30. júlí - Ingmar Bergman, sænskur kvikmyndaleikstjóri (f. 1918).
- 30. júlí - Michelangelo Antonioni, ítalskur leikstjóri (f. 1912).
- 4. ágúst - Lee Hazlewood, bandarískur kántrísöngvari (f. 1929).
- 25. ágúst - Björn Th. Björnsson, íslenskur listfræðingur og rithöfundur (f. 1922).
- 6. september - Luciano Pavarotti, ítalskur tenórsöngvari (f. 1935).
- 9. september - Ásgeir Elíasson, íslenskur íþróttamaður og knattpsyrnuþjálfari (f. 1949).
- 10. september - Jane Wyman, bandarísk leikkona (f. 1914).
- 15. september - Colin McRae, skoskur fyrrverandi heimsmeistari í rallý, lést í flugslysi á Skotlandi (f. 1968).
- 6. nóvember - Guðmundur Jónsson, íslenskur óperusöngvari (f. 1920).
- 10. nóvember - Norman Mailer, bandarískur rithöfundur (f. 1923).
- 20. nóvember - Ian Smith, forsætisráðherra Ródesíu (f. 1919).
- 29. nóvember - Eyjólfur Jónsson, sundkappi og lögregluþjónn (f. 1925).
- 30. nóvember - J.L. Ackrill, enskur fornfræðingur (f. 1921).
- 27. desember - Benazir Bhutto, fyrrverandi forsætisráðherra Pakistans var myrt á kosningafundi. (f. 1953).
- 31. desember - Ragnar Lár, íslenskur myndlistarmaður (f. 1935).