Pexe

Peces
Rangu temporal: Cámbricu-Presente (en bones condiciones dende l'Ordovícicu)

Clasificación científica
Dominiu:	Eukaryota
Reinu:	Animalia
Filu:	Chordata
Subfilu:	Vertebrata
Superclas:	Pisces
Clases
Conodonta † Hyperoartia Petromyzontidae (lampreas) Pteraspidomorphi † Thelodonti † Anaspida Cephalaspidomorphi Galeaspida Pituriaspida Osteostraci Gnathostomata (pexes con mandíbula) Placodermi † Chondrichthyes (pexes cartilaxinosos) Acanthodii † Osteichthyes * (pexes óseos) Actinopterygii (pexes con aleta con radios) Sarcopterygii (pexes con aletes lobulaes) Coelacanthimorpha (celacantos) Dipnoi (pulmonaos)

Denómase pexes a toos aquellos animales vertebraos que nun son miembros del grupu de los tetrápodos (los vertebraos terrestres con cuatro pates de mena quiridio). La especialidá de la zooloxía que s'ocupa específicamente de los pexes denómase Ictioloxía.

Como ye propio de los primeros vertebraos, son acuáticos y, a desemeyanza de lo qu'adicamos nos tetrápodos, la respiración produzse principalmente por branquies allugaes nes fendedures de la farinxe. La llocomoción sofítase nuna forma hidrodinámica, con movimientos llaterales del cuerpu auxiliaos por estremidades que son aletes. El grupu ye abondo heteroxéneu ya inclúi a formes tan desemeyaes como les llamprees, los tiburones o les albacores, totalizando alrodiu de 30.000 especies, siendo'l grupu más numberoso de los vertebraos.

Evolución[editar | editar la fonte]

Los pexes orixináronse a partir d'otros cordados haza l'entamu del Cámbricu. Nun se sabe a ciencia cierta au s'alluga'l so orisen; el grupu más primitivu de los pexes, los agnatos —que nun tienen calláxines— comprende a les llamprees y a los mixines, (magar que nun ta nidio si estos caberos tienen de considerase vertebraos).

Los vertebraos terrestres (tetrápodos) diferenciáronse a partir de pexes polmonaos empareyaos col celacantu o los dipnoos, y dalgunes de les primeres formes tan a metá de camín ente'l nuesu conceutu de pexe y el d'anfibiu.

______

__________

	Tetrapoda

Dalgunos nomes de pexes[editar | editar la fonte]

Clas. Cientf	Nome	Cast.
Thunnus thynnus	albacor, zurdu	Atún
Sarda sarda	Albacora, bonitu	Bonito
Xén. Gadus	Abadexu, ferrete	Abadejo
Engraulis encrasicholus	hombrín, homín	Bocarte
Scomber scombrus	Xarda	Caballa
Sardina pilchardus	Parrocha	Sardina
Diplodus sargus Sparus sargus (sinónimu)	Xargu, xáragu	Sargo
Pagellus mormyrus Sparus mormyrus (sinónimu)	Chopa	Herrera
Conger conger	Cóngaru	Congrio
Dicentrarchus labrax	roballiza, Llubina, furagaña	Lubina
Scorpaena scrofa	tiñosu, obispu	Cabracho
Lophius piscatorius	Pixín	Rape
Epinephelinae	Meru	Mero
Xéneru Raja Raja batis	Rayón Sabliega	Raya
Psetta maxima	Rodaballu	Rodaballo
Beryx splendens	Perréi	Rey
Beryx decadactylus	Bilréi	Palometa roja
Mullus bardatus / surmuletus (fangu / roca)	barbu / saramollete (fangu / roca)	salmonete
Pagellus erythrinus	Breca	Pagel, besugo
Pagellus centrodontus	pancha, pancheta pancholeta, Besugu picurria	besugo
Pagellus centrodintus	cazalla	Besugo
Pagellus acarne	faligote	aligote