H E A D L I N E S - Delhi a sawrkar hian Lt Governor kaltlang lova tih theih a neih meuh loh avangin AAP hi an lungawilo hle. - India hmarlam state engemawzatah chuan khawlum lutuk avangin nunphung a buai hle, ram pumah khawlum avang hian mi 430 aia tam an thi tawh. - Kolkota a Taxi driver te chuan khawlum lutuk avangin hun engemaw ti chen chhung chu chhunah taxi an tlanchhuah tir loh tur thu a puang. - Tamil Nadu CM atana lakluh ni leh tawh mah se, an state a Opposition lian DMK in courta khin an tum avangin CM Jayalalitha buaina hi a kiang vek dawn rih lo niin a lang. - Tukin khan Kashmir a Sopore ah firfiakin mipui tamna lai dawrpui beiin BSNL hnathawk 1 kahhlum a ni a 2 in hliam an tuar bawk. - Bihara Gaya Dist a Highway ah Maoist ten lirthei 32 an hal chhia a, a hmunah security forces tam tak thawn luh an ni. - Inrinni tlai khan Mumbai Airport chungah parachute niawm tak thil 5 hmuh a ni a, ngun zawka chhui mek a ni. - Malaysia police te chuan Thailand nena an inrina ah mi 139 ruang thlan lian tak atanga an hai chhuah thu an puang. - Pope Fracis chuan Asia chhimchhak a refugee te chu khawvel ram tin te chu theih anga tanbpui tura a duh thu a sawi. - Israel radio chuan an PM hlui Ehud Olmert chu eiruk thubuaia thiamloh an chantir hnuah thla 8 chhung lung in tantir a nih tur thu a puang. - Yemen a inbeihna sosang mek United natin kaihhruaina hnuaia ti tawp tura inbiakna neih tum chu thulh leh a ni. - Iraq sipai te chuan ISIS te chu nasa taka nawr letin tunhnaia an hloh tak, Ramadi chu lak let leh ngei an tum a, an hlawhtling ang em hriat a la ni lo. - China ah lirthei a pung chakin lirthei tawt lutuk avanga thinur thutna "Road rage" pung chuan maktaduai 100 chung a kal tawh thu thuneitute chuan an sawi. - Ireland mipuiin mahni anpui nupui pasala neih lungrual taka an pawm tlan hnuah Ireland a Catholic kohhran chuan ngun taka inngaihtuah nana kan hman a ngai a ni a ti. - US California a cheng Rachel Farrokh hi natna danglam tak leh fimkhur taka enkawl ngai Anorexic in a tlakbuak mek. S P O R T N E W S - Mumbai Indians-in a vawi 2 nan IPL title an la a, pathianni zanah Chennai Super Kings nen Eden Garden, Kolkata ah final khelin run 41-in an chak. - Champion Chelsea-in 3-1 in an mikhual Sunderland an hneh a, nasa taka title an lawm laiin EPL season kharnaah Newcastle in 2-0 in an mikhual West Ham an hneh. - Deportivo La Caruna nen 2-2 in inhnehtawk mah se, Barcelona kutah trophy hlanin champion an lawm bakah ropui takin captain Xavi an thlah nghal bawk. - World Nunber two Roger Federer chuan awlsam takin French Open 2nd round a lut Hmeichhe singles-ah third seed Simona Halep chuan tha takin bul a tan bawk. - Pathianni Monaco GP-ah Mercedes tihsual vangin chak ngei ngei tura ngaih tawh Lewis Hamilton chu pathumnaah a thleng.

• published: 25 May 2015
• views: 172