La villa romana de Torre-Águila es unu delos prencipalis yazimientus arquiológicus d'epoca romana en Estremaúra.
Se halla nel términu monicipal del Montiju, junta'l ríu Guadiana i estuvu pobrá dendi el sigru I ata el sigru VII. Enque el sitiu se conocía dendi hazi tiempu á con el nombri de Los Pareones i El Tesoro, hue en 1984 quandu encetarun las primeras escavacionis. La villa se destiendi por un terrenu anchu a dambus dos laus dela carretera local del El Montiju a Barbañu. Se halla a 189 msnm, renti un braçu de Guadiana i a unus 300 m del cursu atual del ríu Guadiana. La entrá la tien dendi la propia carretera que ajunta la carretera de Don Carlu con Barbañu. La villa la encontrarun por un casual nivelandu enas tierras puestas en regueríu de Torre-Águila, una delas fincas ena hesa de Barbañu, cerca del puebru nuevu.
El portugués oliventinu es un sudialeutu el portugués alentejanu palrau entovia enos monicípius d'Olivença i Táliga, frutu de bel hormau parti de Portugal duranti muchus sigrus.
Güiquipedia 
