Tuisblad

Welkom by Wikipedia, die vrye ensiklopedie wat deur enigeen verbeter en uitgebrei kan word.	Sondag, 4 September 2016 Hier is tans 41 230 artikels in Afrikaans.
Help ons om ’n Afrikaanse wêreldklas-ensiklopedie te skep.

Inleiding • Hulp • Kontak

Gebruikersportaal • Voorbladartikels • Kategorieë • Stel ’n vraag

Voorbladartikel

Skerryvore (afgelei van die Skots-Gaeliese Sgeir Mhòr wat "Groot Skeer" of "Eilandrots" beteken) is 'n afgeleë rif wat aan die weskus van Skotland, 19 kilometer suidwes van die eiland Tiree geleë is. Skerryvore is ook die naam van die vuurtoring op die skeer (eilandrots), wat met groot moeite tussen 1838 en 1844 deur Alan Stevenson gebou is.

Teen 'n hoogte van 48 m is dit die hoogste vuurtoring in Skotland. Die kusstasie was by Hynish op Tiree (wat nou 'n museum huisves), maar is later verskuif na Erraid, wes van Mull. Die afgeleënheid van die terrein het beteken dat opsigters ekstra betaling in goedere ontvang het. Die lig het ononderbroke sedert 1844 gebrand totdat 'n brand in 1954 vir vyf jaar bedryf in die wiele gery het. Die vuurtoring is in 1994 geoutomatiseer.

...lees verder

In die nuus

Pous Franciskus verklaar Moeder Teresa heilig.
Dilma Rousseff is van die amp as president van Brasilië onthef en Michel Temer sal dié land tot nuwe verkiesings in 2018 lei.
Die Belgiese jazz-musikant, komponis en kitaarspeler, Toots Thielemans, sterf op die ouderdom van 94.
Die Suid-Afrikaanse atleet Caster Semenya wen die goue medalje in die 800 meter wedloop tydens die Olimpiese Somerspele in Rio de Janeiro in 'n Suid-Afrikaanse rekordtyd van 1.55,28.
Die Suid-Afrikaanse naelloper Wayde van Niekerk wen die goue medalje in die 400 meter wedloop tydens die Olimpiese Somerspele in Rio de Janeiro met 'n nuwe wêreldrekord van 43,03 sekondes.

Het u geweet...

... dat die koffiebone waarmee koffie gemaak word nie regtig boontjies is nie? In werklikheid is hulle die sade van die vrugte van die koffieplant.

... dat regeringstroepe in Grenoble in Frankryk op die vooraand van die Franse Rewolusie met dakteëls bestook is? Dit het in 1788 in die sogenaamde "Dae van die Dakteëls" plaasgevind.

Vandag in die geskiedenis

4 September:

476 – Romulus Augustus, die laaste keiser van die Wes-Romeinse Ryk, word afgesit.
1781 – Los Angeles word deur 44 Spaanse setlaars gestig as El Pueblo de Nuestra Señora la Reina de los Ángeles del Río de Porciúncula.
1870 – Frankryk se Derde Republiek word uitgeroep.
1974 – Die Verenigde State vestig diplomatieke betrekkinge met die Duitse Demokratiese Republiek.
2008 – Die laaste uitgawe van die onafhanklike weekblad vir die Weskusstreek, Swartland en Weskus Herald, verskyn op Vredendal in Suid-Afrika.

Voorbladbeeld

Leonardo da Vinci se Mona Lisa (1503–1505/1507) is een van die Paryse Louvre se waardevolste skatte en word beskou as een van die bekendste skilderye ter wêreld. Dit is 'n olieverfskildery op populierhout. Die afmetings daarvan is 77 cm by 53 cm.