Tuisblad

Welkom by Wikipedia, die vrye ensiklopedie wat deur enigeen verbeter en uitgebrei kan word.	Sondag, 24 Julie 2016 Hier is tans 40 815 artikels in Afrikaans.
Help ons om ’n Afrikaanse wêreldklas-ensiklopedie te skep.

Inleiding • Hulp • Kontak

Gebruikersportaal • Voorbladartikels • Kategorieë • Stel ’n vraag

Voorbladartikel

Die Namibiese volksmoord 1904 word beskou as die eerste volksmoord van die 20ste eeu. Dit het plaasgevind in Duits-Suidwes-Afrika (hedendaagse Namibië) van 1904 tot 1907 gedurende die sg. Wedloop om Afrika. Op 12 Januarie 1904 het die Herero's onder Samuel Maharero in opstand gekom teen die Duitse koloniale regering waarin Duitse setlaars ook gesterf het. In Augustus het die Duitse generaal Lothar von Trotha die Herero's verslaan in die Slag van Waterberg en hulle die woestyn van Omaheke ingedryf waar die meeste van hulle weens dors omgekom het. In Oktober het die Namas ook die wapen opgeneem teen die Duitsers en het hulldieselfde lot oorgekom as die Herero's. In geheel is tussen 24 000 en 65 000 Herero's (geraam op 50% na 70% van die totale Hererobevolking) en 10 000 (50% van die totale Namabevolking) doodgemaak. Die volksmoord is gekenmerk deur wydverspreide dood deur hongersnood en die inname van water wat deur die Duitsers in die Namibwoestyn met gif behandel is.

In 1985 het die Whitaker-verslag van die Verenigde Nasies Duitsland se poging tot die uitwissing van die Herero- en Namavolke van Suidwes-Afrika as een van die eerste volksmoorde van die 20ste eeu erken. Die Duitse regering het in 2004 amptelik vir die gebeure om verskoning gevra. Op 10 Julie 2015 het die Duitse regering as regsopvolger van die Duitse Keiserryk die gebeure amptelik as volksmoord erken.

...lees verder

In die nuus

Portugal se sokkerspan wen die eindwedstryd van die 15de Europese Sokkerkampioenskap in ekstra tyd teen Frankryk met 1–0.
Tydens die Wimbledon-kampioenskap wen die Amerikaanse tennisspeler Serena Williams haar sewende Grand Slam-toernooi, terwyl die Britse tennisspeler Andy Murray sy twedde toernooi wen.
Ná ’n reis van omtrent vyf jaar bereik die Nasa-ruimtetuig Juno ’n wentelbaan om die planeet Jupiter.
Letland sluit as 35ste lidland by die Organisasie vir Ekonomiese Samewerking en Ontwikkeling aan.
Slowakye neem die voorsitterskap van die Europese Unie van Nederland oor.

Het u geweet...

... dat die laaste moedertaalspreker van Kornies in 1780 gesterf het? Kornies is, soos Wallies en Bretons, 'n Keltiese taal van die Britonse groep. Dit is in Cornwall gepraat en pogings is in 1904 vir die eerste keer aangewend om die taal te laat herleef.
... dat 'n groot aantal immigrante uit Cornwall in myne in Suid-Afrika kom werk het? Die tinmyners het op die goudmyne in die ZAR gewerk en onder andere 'n rol gespeel in die vestiging van rugby as 'n sport in Suid-Afrika.

Vandag in die geskiedenis

24 Julie:

1534 – Jacques Cartier sit voet aan wal op die skiereiland Gaspésie by Quebec.
1898 – Gebore: Amelia Earhart, die Amerikaanse lugvaartpionier.
1911 – Hiram Bingham herontdek Machu Picchu, "die Verlore Stad van die Inkas", in die Peruviaanse Andes.
1940 – Die Britse Royal Air Force en die Amerikaanse Army Air Forces begin met Operasie Gomorrha: 'n reeks bomaanvalle op Hamburg tydens die Tweede Wêreldoorlog.
1974 – Oorlede: Die Britse fisikus en Nobelpryswenner James Chadwick, ontdekker van die neutron.

Voorbladbeeld

’n Lynstaan tydens ’n rugbywedstryd tussen die Franse Top 14-spanne Stade Toulousain en Lyon OU in die Stade Ernest-Wallon, Toulouse, op 7 Januarie 2012.