Artigo destacado
|
Amy Winehouse, nada en Londres, Inglaterra o 14 de setembro de 1983 e finada na mesma cidade o 23 de xullo de 2011, foi unha cantante e compositora inglesa recoñecida polo seu alcance vocal contralto, destacando pola mestura ecléctica de xéneros musicais, incluíndo soul, rhythm and blues, jazz e reggae. O seu álbum de debut do ano 2003 Frank foi valorado positivamente pola crítica especializada e foi comercialmente un éxito no seu país natal, o Reino Unido, e foi candidato ó premio Mercury Prize.
O seguinte álbum de Winehouse do ano 2006, Back to Black, levou cinco premios Grammy, incluíndo a Mellor Artista Revelación, Gravación do Ano e Canción do Ano. Gañou ademais un World Music Award e tres premios Ivor Novello; no 2004 á Mellor Canción Contemporánea por Stronger Than Me, no 2007 de novo Mellor Canción Contemporánea, esta vez por Rehab e no 2008 Mellor Canción Lírica e Musicalmente por Love Is a Losing Game, tamén gañou o Brit Aware á Mellor Artista Feminina Británica de 2007, sendo tamén candidata ó Mellor Álbum Británico con Back to Black.
Recibiu a atención dos medios de comunicación por causas alleas ó seu talento musical, fixándose na súa polémica vida persoal. O seu estilo distintivo, as tatuaxes e o peiteado beehive, os seus problemas xurídicos constantes, dependencia das drogas e máis do alcohol e as complicacións médicas polo seu comportamento autodestrutivo foron fonte de titulares dende o 2007. Morreu por intoxicación etílica o 23 de xullo de 2011 á idade de 27 anos, revelándose o motivo meses despois da súa morte, que nun principio fora asociada ás súas múltiples adiccións.
|
Sobre Galicia
|
Antón Villar Ponte (tamén coñecido como Antón Vilar Ponte), nado en Viveiro o 2 de outubro de 1881 e finado na Coruña o 4 de marzo de 1936, foi un dos fundadores dunha das primeiras Irmandades da Fala e un dos principais alentadores do galeguismo de preguerra. Estudou farmacia, inda que exerceu o xornalismo. A súa obra abrangueu varios eidos (novela, ensaio, conferencias, discursos etc) e especialmente a produción dramática, transmisora do ideario galeguista. Dedicóuselle o Día das Letras Galegas no ano 1977.
Na súa traxectoria política foi un dos fundadores da ORGA (1929) e, como membro dela, foi elixido deputado da Federación Republicana Gallega pola provincia da Coruña nas eleccións de xuño de 1931. En 1934 incorporouse ao Partido Galeguista e volveu ser electo nas eleccións de febreiro de 1936 na candidatura da Fronte Popular, inda que non chegou a prometer o cargo nin presenciar o plebiscito do Estatuto de Galicia de xuño, pois morreu en marzo por mor dunha perforación gástrica.
|
Tal día como hoxe no ano...
|
- 1789, prodúcese a toma da Bastilla, en París, durante a Revolución Francesa.
- 1904, morre Anton Chekhov, escritor ruso (n. 1860).
- 1933, en Alemaña, o NSDAP de Adolf Hitler é proclamado partido único.
- 1939, morre Alfons Mucha, ilustrador e pintor da Art Nouveau checa (n. 1860).
- 2003, morre Compay Segundo, guitarrista e cantante cubano, membro do Buena Vista Social Club (n. 1907).
Hoxe é o Día Nacional de Francia.
|
|
|
Imaxe da semana
|
|
|
Presentación
|
|
|
Participación
|
|
|
Comunidade
|
De acordo as nosas estatísticas, temos un total de 69 114 contas de usuario rexistradas na Galipedia, e entre elas 245 estiveron activas durante o último mes. Todos os editores da Wikipedia son voluntarios, integrando unha comunidade colaborativa e coordinando os esforzos por medio de proxectos temáticos e diversos espazos de conversa.
|
|
