Për të përkujtuar 100 vjetorin e lindjes së një prej pinjollëve të fundit të Gjomarkajve, Preng Gjomarkun, u zhvillua në Orosh të Mirditës një ceremoni përkujtimore për nder të tij. Miq, familjarë e përfaqësues të pushtetit vendor e lokal, përkujtuan kalvarin e burgjeve komuniste të Preng Gjomarkajt dhe rezistencën antikomuniste të dinastisë së Gjomarkajve me 74 familjarë të vrarë, të burgosur e të internuar. I biri i Prengës, Filipi, i internuar qysh në moshën 5-vjecare në kampin e Tepelenës, tregon përshtypjet për kujtimet e tij të fundit me të atin. Ndërsa kreu i Institutit të Studimeve të Krimeve dhe Pasojave të Komunizmit në Shqipëri Agron Tufa shprehet se historia komuniste ishte vec një gënjeshtër që nuk i kursente njerëzit që aspironin për liri sic ishte edhe Preng Gjomarku. Deputeti i zonës Mark Marku në emër edhe të mazhorancës qeverisëse mban një tjetër qëndrim për sa u përket premtimeve të pavërteta që partia opozitare zotohet për shtresën e të përndjekurve politikë. Historia e Preng Gjomarkut është jo vetëm historia e një personi apo e një dinastie fisnike, por është edhe historia e të gjitha dyerve të mëdha atdhetare, që u pesekutuan nga diktatura komuniste. Kujtesa e gjenocidit komunist mbi këtë familje, është një apel për të mos harruarr kurrë çfarë ka ngjarë dhe që përvojat e hidhura të shndërrohen në vetëdije historike.

• published: 26 Apr 2013
• views: 177