Shabaka

فى الشبكة | Fi-Shabaka - تحليل مباراة الزمالك والوداد المغربى 16-9-2016

• Report rights infringement
• published: 17 Sep 2016
• views: 64539

برنامج فى الشبكة - Fi-Shabaka إعداد وتقديم/ شريف الشيتانى https://www.facebook.com/fishabaka https://twitter.com/Fi_Shabaka للتواصل مع مقدم البرنامج https://www.facebook.com/sh.shaitany الزمالك بدأ الزمالك بتشكيل احمد الشناوى .. احمد توفيق .. اسلام جمال .. على جبر .. رمزى خالد .. طارق حامد .. ابراهيم صلاح .. معروف يوسف شيكابالا .. ايمن حفنى .. باسم مرسى الزمالك لعب بطريقة مؤمن سليمان المعتادة واللى شرحناها كتير قبل كده لكن مافيش مانع نذكر بيها تانى .. الفكرة ان الثلاثى يكونوا كلهم فى العمق وقريبين من بعض جدا .. مافيش مساحات كبيرة ما بينهم .. مع وجود تبادل بين شيكا وحفنى شيكا لو راح اليمين حفنى بيتحرك للعمق .. حفنى لو راح شمال شيكا يروح عمق او الاتنين بتلاقيهم قريبين من العمق تحت باسم مرسى وشوفنا شيكا احرز هدف وهو رايح من العمق .. وحفنى هدف وهو رايح من العمق تشكيل الوداد فريق الوداد لعب بطريقته التقليدية 4-2-3-1 حراسة المرمى: محمد عقيد. ⚽ خط الدفاع: ياسين الكردى - مرتضى فال - يوسف رابح - عبد اللطيف نصير. ⚽ خط الوسط: ابراهيم النقاش - صلاح الدين السعيدى. ⚽ صانع العاب: اسماعيل حداد - وليد الكرتى - رضا هجهوج. ⚽ مهاجم صريح: فابريس اونداما. هدف شيكابالا لاعيبة خط وسط الوداد ابراهيم النقاش وصلاح الدين السعيدى عملوا جريمة فى هدف الزمالك الاول اللى احرزه شيكابالا .. شوف شيكابالا استلم منين من قبل خط الوسط من الناحية اليمين .. وقام واخد الكورة وداخل بيها لمنطقة العمق اللى مافيش حد قابله فيها ولا قاله انت رايح فين ومش بس كده كمان .. توغل فيها واخترقها لغاية ما وصل قبل منطقة الجزاء من غير ما اى حد يضايقه ولا حد يضغط عليه حتى شوفوا النقاش بدل ما يضغط على شيكابالا راح يقفل على حفنى وفتح لشيكا كمان اللى كان اعتقد هو دخل للعمق ومستنى حد يديله الكورة بس كل ما يمشى يلاقى مساحة فاضية وماحدش بيضغط فبيروح يزود اكتر ودى حاجة تحسبله جدا الوداد مفكوك من ابرز سلبيات الوداد فى المباراة هو انك تحس ان خطوط الوداد مفكوكة عن لو اتفرجت على المباراة وركزت على الخطوط مش هتحس ان فيه ربط ما بينهم وان كل الشغل واللعب اللى كان بيعمله كان اجتهاد شخصى من بعض اللاعيبة يعنى بتتكلم ان كان فيه مساحات بين خط الوسط وخط الدفاع فى المنطقة دى ودى معناها ان توشاك مدرب الوداد مش مذاكر الزمالك كويس اطلاقا لان زى ما قولنا الزمالك مع مؤمن سليمان بيلعب من العمق وزى ما شوفنا المساحة دى اللى كان شيكا وحفنى بيتحركوا منها فى المقابل دى كانت من اكبر ميزات الزمالك وتحسب لمؤمن سليمان خطوط الزمالك كلها قريبة من بعض وكلها بتلعب مع بعض ماحستش ان فيه لعب معتمد ان شيكا او حفنى بياخد الكورة وبيجرى لوحده فى مساحات كبيرة من غير ما يكون فيه جنبه بيسانده شيكا قريب من حفنى .. وابراهيم صلاح ومعروف قريبين منهم وبيسلموا ويستلموا كورة معاهم .. ماحستش ان فيه خطوط مفصولة عن بعضها فالزمالك كان بيقدر ينقل كورة كويس جدا ويسيطر عليها ومن علامات ان الزمالك كان مرتب خططيا وتكتيكيا فى الملعب لما كنت تبص على الزمالك فى ارض الملعب كنت تلاقى ترتيب اللاعيبة على ارض الملعب زى ترتيبهم وتنظيمهم فى الخطة على الورق .. وباخد بالى منها فى اوروبا فى المقابل الوداد كان كان فيه عشوائية تكتيكية .. تبص على اللاعيبة تلاقى كل واحد بيتحرك حسب اجتهاده وحسب ما الكورة ماشية كل ما يروح الـ 18 هجمة الزمالك كل ما كان بيروح على الـ 18 بيعمل فرصة خطيرة يعنى تقريبا مافيش ولا مرة الزمالك كان بيوصل للتلت الهجومى الاخير والكورة تضيع او تتقطع من ناحية الوداد وماتكملمش هجمة خطيرة وده طبعا تركيز عالى جدااا من لاعيبة الزمالك وتحضير محترم من المدرب وده اللى خلى الناس تطلع تقول ان الزمالك فاز وهو ماعملش فرص كتيرة وطبعا ماينفعش نغفل انه ضعف وسوء اداء من خط الدفاع اللى ماكنش بيفسد هجما ودى نقطة كان غايبة عن الفريق كله وهى الضغط . ماكنش حد بيضغط من الوداد فى اى خط لا دفاع ولا وسط ولا هجوم .. وزى مثلا ما اتكلمنا على هدف شيكا عكس الزمالك اللى دى من احد مميزاته مع مؤمن سليمان .. انه بيضغط