Sermnovë, përurohet objekti i rinovuar i shkollës fillore ‘Gjon Buzuku’

• published: 12 Dec 2014
• views: 134

Në fshatin Sermnovë të Gostivarit është përuruar objekti i rinovuar i shkollës fillore “Gjon Buzuku”. Renovimi i shkollës, është bërë me mjete të komunës së Gostivarit dhe disa kompanive në mesin e të cilave edhe një donacion nga televizioni Alsat. Investimi i tërësishëm është diku rreth 50 000 euro “Unë si kryetar i komunës bashkë me donatorët e qytetit, dhe jashtë qytetit veçohet televizioni Alsat, me çka të gjithë pronarët e këtyre kompanive bashkë me komunën ndanë mjete financiare, nga buxheti familjar i tyre dhe bëmë rregullimin e shkollës së Sermnovës ashtu sikurse janë të rregulluara shkollat në qytetin e Gostivarit”, tha Nevzat Bejta, kryetar i komunës së Gostivarit. Drejtori i shkollës Isa Mislimi, ka falënderuar kompanitë për kontributin e tyre, ndërsa ka premtuar angazhimin maksimal të kuadrit për ngritjen e cilësisë në arsim dhe nxjerrjen e kuadrove sa më të mirë. “Në shkollë është rregulluar ndriçimi në tërësi me llamba të reja, janë rinovuar të gjitha klasat në secilën klasë janë venduar ormanë për librat , zyra e arsimtarëve, bina që e patë edhe vet, lyerja është bërë komplet e shkollës e cila ka qenë katastrofë dhe tash ka marrë një pamje vërtetë të mirë”, u shpreh Isa Mislimi, drejtor i shkollës fillore “Gjon Buzuku” Sermnovë. Ndryshe, shkolla fillore “Gjon Buzuku e Sermnovës, numëron rreth 200 nxënës, ndërsa gjendja në të cilën ajo ka funksionuar deri më tani ka qenë vërtetë e keqe, gjë kjo që ka shtyrë institucionet që të intervenojnë me investime. Bashkim Sulejmani