Makasaysayang pagpapatrol sa EDSA Shrine

• Report rights infringement
• published: 15 Jan 2014
• views: 3291

*Bahagi ng OBB (opening billboard) at logo ng TV Patrol, 1991-1993 *Patikim at link sa mga pagbabalita ng TV Patrol sa EDSA Shrine (I-click ang video para mapanood nang buo): (1-2) EDSA Dos, dalawang bahagi (Enero 19, 2001) Erap, nanawagan ng snap elections sa huling gabi ng EDSA Dos Matapos pigilin ng Senado ang pagbukas ng ikalawang sobre na ebidensiya sana sa impeachment trial ni Pangulong Joseph Estrada, libu-libo ang dumagsa sa EDSA Shrine bilang protesta. Sa loob ng 4 na araw, mauulit ang People Power ng 1986, at hahantong itong muli sa isang palitan ng kapangyarihan. Sa huling gabi ng tinaguriang EDSA Dos, sunud-sunod ang mga biglaang pangyayari na sumabay sa special coverage ng TV Patrol. Pinutol ang live report ni Karen Davila sa Ortigas flyover ng live press conference ng pagbitiw ni Philippine National Police NCR Director Edgar Aglipay, na binantayan ni reporter Ronald Estella. Nang umagang iyon nag-atras na ng suporta kay Estrada sina Defense Secretary Orlando Mercado, Armed Forces Chief of Staff Gen. Angelo Reyes, at ilang heneral. Kasabay ng pagbitiw ni Aglipay, nagpakita si Estrada sa telebisyon upang manawagan ng snap elections kung saan hindi siya tatakbo. EDSA Dos: Lacson, nag-atras ng suporta kay Estrada Sa pagpatuloy ng coverage ng TV Patrol ng EDSA Dos, ilang miyembro ng oposisyon na kinapanayam sa EDSA Shrine ang bumira sa pagtawag ni Pangulong Joseph Estrada ng snap elections sa gitna ng mga protesta laban dito. Alma nina Sen. Sergio Osmeña III at Albay Rep. Edcel Lagman, unconstitutional ito at may opisyal pa namang kasunod sa line of succession. Sunod namang nagbitiw sa administrasyon si Philippine National Police Chief Panfilo Lacson, na hinatid nang live sa TV Patrol. Matapos ang mga breaking news na ito, natuloy din ang live na ulat ni Karen Davila mula sa Ortigas flyover ng reaksyon ng mga raliyista sa mensahe ni Estrada. (3) EDSA Tres (Abril 26, 2001) Estrada supporters dumagsa sa EDSA pagkaaresto sa kanya Tatlong buwan matapos mapatalsik sa puwesto si Pangulong Joseph Estrada, inaresto naman siya dahil sa kasong plunder. Sinalubong ito ng libu-libong galit na supporter ni Erap na nagpalipas ng gabi sa EDSA Shrine bilang protesta. Isang pagbabaligtad ng nagawa ng EDSA Dos ang nais nilang gawin--maibalik sa pagkapangulo si Erap. Sa ikalawang araw ng vigil, binigyan ng bird's eye view ang mga manonood ng TV Patrol sa pamamagitan ng Sky Patrol na naghatid ng mga live na kuha sa lugar. Iniulat ni Ricky Velasco ang lagay ng trapikong naapektuhan dahil sa mga protesta. Live naman mula sa EDSA, pinulsuhan ni Doris Bigornia ang sentimyento ng mga Erap loyalists, na nagsabing hindi patas ang pakikitungo sa kanila ng mga awtoridad at ng media. Inulat ni Ces Drilon ang pahayag ng El Shaddai na tumangging may kinalaman ito sa mga protesta. Ilang mga kandidato sa napipintong halalan 2001 at ilang artista na sumusuporta kay Erap ang humarap din sa mga raliyista noong magdamag. Sinundan naman ito ni Jing Castañeda. In-upload ang video na ito bilang bahagi ng ika-25 anibersaryo ng TV Patrol.