Dal Khalsa UK: Book: Panj Teer Hor, S. Gajinder Singh Ji, Published Vaisakhi 1975, Banned by Indian Government December 1975 ਇਸ ੨੬ ਜਨਵਰੀ ਦੀ ਪਰੇਡ ਵਿੱਚ ਸਿੱਖ ਰਜਮੈਂਟ ਨੂੰ ਸ਼ਾਮਿਲ ਨਾ ਕੀਤਾ ਜਾਣਾ ਪੰਜਾਬ ਦੀ ਸਿਆਸਤ ਵਿੱਚ ਚਰਚਾ ਦਾ ਵਿਸ਼ਾ ਬਣਿਆਂ ਹੋਇਆ ਹੈ । ਪੰਜਾਬ ਦੀ ਤਕਰੀਬਨ ਹਰ ਸਿਆਸੀ ਜਮਾਤ ਨੇ ਭਾਰਤ ਸਰਕਾਰ ਦੇ ਇਸ ਫੈਸਲੇ ਤੇ ਨਰਾਜ਼ਗੀ ਦਾ ਇਜ਼ਹਾਰ ਕੀਤਾ ਹੈ । ਖਬਰ ਹੈ ਕਿ ਮੁੱਖ ਮੰਤਰੀ ਬਾਦਲ ਨੇ ਭਾਰਤ ਦੇ ਪ੍ਰਧਾਨ ਮੰਤਰੀ ਮੋਦੀ ਨੂੰ ਇਸ ਬਾਰੇ ਚਿੱਠੀ ਲਿੱਖ ਕੇ ਨਰਾਜ਼ਗੀ ਵੀ ਪ੍ਰਗਟਾਈ ਹੈ । ਗਜਿੰਦਰ ਸਿੰਘ, ਇੱਕ ਆਜ਼ਾਦੀ ਪਸੰਦ ਦੀ ਹੈਸੀਅਤ ਵਿੱਚ ਭਾਰਤੀ ਹਾਕਮਾਂ ਦੇ ਸਿੱਖ ਰਜਮੈਂਟ ਨੂੰ ਪਰੇਡ ਤੋਂ ਬਾਹਰ ਰੱਖਣ ਦੇ ਫੈਸਲੇ ਨੂੰ ਆਪਣੇ ਵਿਚਾਰਾਂ ਅਤੇ ਸੰਘਰਸ਼ ਉਤੇ ਸਹੀ ਦੀ ਮੋਹਰ ਲਗਾਉਣ ਸਮਾਨ ਸਮਝਦਾ ਹੈ । ਗਜਿੰਦਰ ਸਿੰਘ ਨੂੰ ਕੋਈ ਹੈਰਾਨੀ ਨਹੀਂ ਹੈ, ਕੋਈ ਪ੍ਰੇਸ਼ਾਨੀ ਨਹੀਂ ਹੈ । ਦਲ ਖਾਲਸਾ ਮੁੱਢ ਤੋਂ ਹੀ ਭਾਰਤ ਦੇ ਆਜ਼ਾਦੀ ਦਿਨ, ਤੇ ਰੀਪਬਲਿਕ ਦਿਨ ਦਾ ਬਾਈਕਾਟ ਕਰਦਾ ਆ ਰਿਹਾ ਹੈ, ਅਤੇ ਅਲ-ਐਲਾਨੀਆਂ ਇਹਨਾਂ ਦੋਹਾਂ ਦਿਨ੍ਹਾਂ ਨਾਲ ਆਪਣੇ ਸਬੰਧਾਂ ਤੋਂ ਇਨਕਾਰੀ ਰਿਹਾ ਹੈ । ਇਸ ਵਾਰ ਵੀ ਦਲ ਖਾਲਸਾ ਨੇ ਸਿੱਖ ਕੌਮ ਨੂੰ ੨੬ ਜਨਵਰੀ ਦੇ ਜਸ਼ਨਾਂ ਦੇ ਬਾਈਕਾਟ ਦਾ ਸੱਦਾ ਦਿੱਤਾ ਸੀ, ਅਤੇ ੨੫ ਜਨਵਰੀ ਨੂੰ ਅਮ੍ਰਤਿਸਰ ਸਾਹਿਬ ਵਿਖੇ ਇੱਕ ਰੋਹ ਭਰਿਆ ਮੁਜ਼ਾਹਰਾ ਵੀ ਕੀਤਾ ਸੀ । ਇਸ ਮੁਜ਼ਾਹਰੇ ਵਿੱਚ ਖਾਲਿਸਤਾਨ ਜ਼ਿੰਦਾਬਾਦ, ਭਾਰਤ ਸਾਡਾ ਦੇਸ਼ ਨਹੀਂ, ਤੇ ਭਾਰਤੀ ਵਿਧਾਨ ਸਾਡਾ ਨਹੀਂ ਵਰਗੇ ਨਾਹਰੇ ਲੱਗਦੇ ਦੁਨੀਆਂ ਨੇ ਸੁਣੇ ਤੇ ਦੇਖੇ ਹਨ । ੧੯੪੭ ਤੋਂ ਬਾਦ, ਪਹਿਲੇ ਦਿਨ ਤੋਂ ਭਾਰਤੀ ਹਾਕਮਾਂ ਦਾ ਰਵਈਆ ਸਿੱਖਾਂ ਪ੍ਰਤੀ ਬੇਵਿਸਵਾਸ਼ੀ ਵਾਲਾ ਰਿਹਾ ਹੈ । ਇਹ ਵੱਖਰੀ ਗੱਲ ਹੈ ਕਿ ਸਿੱਖਾਂ ਨੂੰ ਇਸ ਦੀ ਸਮਝ ਆਣ ਵਿੱਚ ਬਹੁਤ ਦੇਰ ਲੱਗੀ ਹੈ, ਤੇ ਹਾਲੇ ਵੀ ਬਹੁਤ ਸਾਰੇ ਸਿੱਖ ਇਸ ਬਾਰੇ ਭਰਮ ਭੁਲੇਖਿਆਂ ਦੇ ਸ਼ਿਕਾਰ ਹਨ ਅਤੇ ਨਰਾਜ਼ਗੀਆਂ ਪ੍ਰਗਟ ਕਰਨ ਤੋਂ ਅੱਗੇ ਦੀ ਸੋਚ ਨਹੀਂ ਰੱਖਦੇ । ੧੯੪੭ ਤੱਕ ਇੱਸ ਖਿੱਤੇ ਦੀ ਵਿਰਾਸਤ ਦੇ ਤਿੰਨ ਭਾਈਵਾਲ ਸਨ, ਹਿੰਦੂ, ਮੁਸਲਮਾਨ ਤੇ ਸਿੱਖ । ਅੰਗਰੇਜ਼ਾਂ ਦੇ ਜਾਣ ਬਾਦ ਹਿੰਦੂ, ਹਿੰਦੁਸਤਾਨ ਦੇ ਮਾਲਕ ਹੋਏ, ਮੁਸਲਮਾਨ, ਪਾਕਿਸਤਾਨ ਦੇ, ਅਤੇ ਸਿੱਖਾਂ ਦੀ ਝੋਲੀ ਵਿਸਾਹਘਾਤ ਪਿਆ, ਹਿੰਦੂ ਲੀਡਰਸ਼ਿਪ ਉਤੇ ਯਕੀਨ ਕਰਨ ਦੇ ਬਦਲੇ ਵਿੱਚ । ਸਿੱਖਾਂ ਦੇ ਇੱਕ ਕੌਮ ਦੇ ਨਾਤੇ ਮੁਸਲਮਾਨ ਤੇ ਹਿੰਦੂ ਨਾਲ ਇੱਤਹਾਸਕ ਪੱਖ ਤੋਂ ਕੀ ਰਿਸ਼ਤੇ ਬਣਦੇ ਹਨ, ਇਸ ਬਾਰੇ ੧੯੭੩/੭੪ ਵਿੱਚ ਇੱਕ ਕਵਿਤਾ ਲਿਖੀ ਸੀ, 'ਗੰਗੂ ਤੋਂ ਗਾਂਧੀ ਤੱਕ' । ਇਹ ਕਵਿਤਾ ਸਿੱਖ ਫੌਜੀਆਂ ਦੇ ਨਾਮ ਸੀ, ਉਹਨਾਂ ਹੀ ਸਿੱਖ ਫੌਜੀਆਂ ਦੇ ਨਾਮ ਜਿਨ੍ਹਾਂ ਉਤੇ ਭਾਰਤ ਦੇ ਹਾਕਮਾਂ ਵੱਲੋਂ ਵਿਸਵਾਸ਼ ਨਾ ਕੀਤੇ ਜਾਣਾ ਅੱਜ ਖੁੱਲ੍ਹ ਕੇ ਸਾਹਮਣੇ ਆਇਆ ਹੈ । ਇਹ ਕਵਿਤਾ ਮੈਂ ਅੱਜ ਆਪ ਨਾਲ ਸਾਂਝੀ ਕਰਦਾ ਹਾਂ । ਅੱਜ ਤੋਂ ¾ ਸਾਲ ਪਹਿਲਾਂ ਕੁੱਝ ਦੋਸਤਾਂ ਨੇ ਇਸ ਕਵਿਤਾ ਤੇ ਆਧਾਰਤ ਵੀਡੀਓ ਵੀ ਬਣਾਈ ਸੀ, ਉਹ ਵੀਡੀਓ ਵੀ ਅੱਜ ਆਪ ਨਾਲ ਸਾਂਝੀ ਕਰਦਾ ਹਾਂ । Sikh Referendum 2020. Khalistan Movement.

• published: 02 Feb 2016
• views: 112