Mübariz İbrahimov
Mübariz İbrahimov | |
Mübariz Ağakərim oğlu İbrahimov | |
Mübariz İbrahimov hərbi təlim zamanı |
|
İlk adı: | Mübariz |
---|---|
Doğum tarixi: | 7 fevral 1988 |
Doğum yeri: | Əliabad, Biləsuvar Azərbaycan SSR |
Vəfatı: | 18 iyun 2010 (22 yaşında) |
Vəfat yeri: | Çaylı kəndinin yaxınlığı, Tərtər Azərbaycan |
Vəfat səbəbi: | şəhid olmuşdur |
Atası: | Ağakərim İbrahimov |
Vətəndaşlıq: | Azərbaycan |
Peşəsi: | Hərbçi |
Milliyyəti: | azərbaycanlı |
Mükafatları: | Azərbaycanda ilin adamı mükafatı |
Mübariz Ağakərim oğlu İbrahimov (7 fevral 1988-ci il, Əliabad, Biləsuvar, Azərbaycan SSR – 18 iyun 2010-cu il, Çaylı kəndinin yaxınlığı, Tərtər, Azərbaycan) — Azərbaycan Milli Ordusunun giziri, Azərbaycanın Milli Qəhrəmanı, Azərbaycanda "ilin adamı" (2010).
Mündəricat
Həyatı[redaktə | əsas redaktə]
Erkən illəri[redaktə | əsas redaktə]
Mübariz İbrahimov 1988-ci il fevralın 7-də Biləsuvar rayonunun Əliabad kəndində anadan olub.[1] 1994-cü il şəhid M.Piriyev adına Əliabad kənd orta məktəbinə daxil olmuşdur.[1] 2005-ci ildə orta təhsilini başa vurub, hərbi xidmətə çağrılmışdır.[1]
Hərbi illəri[redaktə | əsas redaktə]
Hərbi xidmətini Daxili Qoşunların "N" saylı hərbi hissəsinin Xüsusi Təyinatlı Bölüyündə keçirib.[1] Hərbi xidmətini 2007-ci ildə çavuş rütbəsində başa vurub.[1] Bir müddət “İnter Sekyuriti” MMC-də[2] mülki işlərdə işlədikdən sonra, 2009-cu ilin avqust ayında yenidən gizir rütbəsində hərbi xidmətdə çalışmağa başlayıb.[1] Bir müddət sonra öz arzusu ilə cəbhə bölgəsindəki hərbi hissələrdən birində xidmət etməyə başlayıb.[1]
Qəhrəmanlığı[redaktə | əsas redaktə]
18 iyun 2010-cu il tarixində gecə saat 23:30 radələrində gizir Mübariz İbrahimov təkbaşına iki ordu arasındakı bir kilometrlik minalanmış sahəni keçir.[3] Ermənistan Silahlı Qüvvələrinin çox sayda əsgər və zabitini gözlənilməz birinci həmlədə məhv edir.[4] Sonra isə düşmənin öz silahlarını özünə qarşı istifadə edərək 5 saat onlarla təkbətək döyüşür. Düşməni ağır itkilərə məruz qoyur, onların zəif cinahlarını üzə çıxarır. Azərbaycan döyüşçüsü səhər saatlarında qeyri-bərabər döyüşdə qəhrəmancasına şəhid olur.
Atası Ağakərim İbrahimovun dediklərindən:
Hadisənin səhəri günü tezdən saat 5-6 arasında mənə zəng gəldi. Soruşdular ki, oğlunuz evə gəlməyib ki? Hətta bildirdilər ki, çoxlu silah götürüb və ərazidən uzaqlaşıb. Dedim, mən oğlumu tanıyıram, sərhədə tərəf gedin. Sonra da məktubunu tapmışdılar....[5] |
2010-cu ildə Mübariz İbrahimovun valideynlərinə yazdığı son məktubunun əlyazması:
Canım, atam və anam. Məndən sarı darıxmayın. İnşallah, cənnətdə görüşəcəyik. Mənim üçün bol-bol dua edin. Vətənin dar günündə artıq ürəyim dözmür. Allaha xatir bunu etməliyəm. Ən azından ürəyim sərinlik tapar. Şəhid olanadək bu şərəfsizlərin üzərinə gedəcəyəm. Şəhid olsam – ağlamayın. Əksinə, sevinin ki, o mərtəbəyə yüksəldim. Allaha ibadətlərinizi dəqiq yerinə yetirin. Çoxlu sədəqə verin. Seyid nəvəsi olaraq bunu etməliyəm. Allah böyükdür. Vətən sağ olsun. Oğlunuz Mübariz.. Haqqınızı halal edin.[6] |
Həmin ildə Azərbaycan Prezidenti İlham Əliyev Azərbaycan Milli Ordusunun giziri Mübariz Ağakərim oğlu İbrahimova "Azərbaycanın Milli Qəhrəmanı" adının (ölümündən sonra) verilməsi barədə sərəncam imzalamışdır.[3] Şəhid gizirə bu ad Azərbaycan Respublikasının müstəqilliyinin və ərazi bütövlüyünün qorunub saxlanılmasında müstəsna xidmətinə və göstərdiyi rəşadətə görə verilib.[3] Prezidentin başqa bir sərəncamı ilə Milli Qəhrəman Mübariz Ağakərim oğlu İbrahimovun xatirəsini əbədiləşdirmək məqsədilə aşağıdakılar qərara alınmışdır:
Rəsmi məlumatda Mübariz Ağakərim oğlu İbrahimov Azərbaycan Respublikasının müstəqilliyinin və ərazi bütövlüyünün qorunub saxlanılmasında müstəsna xidmət və rəşadət göstərərək qəhramancasına şəhid olduğu göstərilmişdir.[7] |
Ölümü[redaktə | əsas redaktə]
Mübariz İbrahimovun şəhid olmasına baxmayaraq, ermənilər onun cəsədini 141 gün saxlamışlar. Ermənilər tutduqları əməldən zövq alırmış kimi, İbrahimovun şəkillərini internet saytlarında yayımlamışlar.[8]
Azərbaycan Respublikasının, Ermənistan Respublikasının və Rusiya Federasiyası Prezidentlərinin Dağlıq Qarabağ münaqişəsinin tənzimlənməsinə dair 27 oktyabr 2010-cu il tarixli birgə bəyanatına uyğun olaraq, eyni zamanda, əsir və itkin düşmüş, girov götürülmüş vətəndaşlarla əlaqədar Dövlət Komissiyasının beynəlxalq təşkilatlarla apardığı müntəzəm və səmərəli danışıqların nəticəsində, hərbçi Mübariz İbrahimovun meyidi 6 noyabr 2010-cu il tarixdə Ağdam-Bərdə yolunun üzərində, işğal altındakı Baş Qərvənd kəndi yaxınlığında qarşı tərəfdən alınmışdır.[9] Proses əsir və itkin düşmüş, girov götürülmüş vətəndaşlarla əlaqədar Dövlət Komissiyası və Müdafiə Nazirliyi əməkdaşlarının iştirakı, Beynəlxalq Qızıl Xaç Komitəsinin vasitəçiliyi ilə həyata keçirilmişdir.[10]
2010-cu il noyabrın 7-də Azərbaycan Respublikası Müdafiə Nazirliyinin Təlim-Tədris Mərkəzində keçirilən vida mərasimində Azərbaycan prezidenti İlham Əliyev də qatılıb. Sonra şəhid qəhrəman İkinci Fəxri xiyabanda dəfn olunmuşdur.[11]. 2010-cu il noyabrın 11-də Təzəpir məscidində prezident İlham Əliyevin adından şəhid hərbçilər – Milli Qəhrəman Mübariz İbrahimov və "İgidliyə görə" medalıyla təltif olunmuş baş leytenant Fərid Əhmədovun xatirəsinə ehsan mərasimi keçirilmişdir.[12]
Şəxsi həyatı[redaktə | əsas redaktə]
Boksla məşğul olmağı sevirdi.[13] Mübarizin cəbhə yoldaşı Rəşad Həsənlinin sözlərinə görə, İbrahimov namaz qılan idi və onun ən böyük arzusu səngərdə namaz qılanların olması idi.[14]
Mübariz İbrahimov barədə olan fikirlər[redaktə | əsas redaktə]
Dünyanın və Azərbaycanın tanınmış ictimai və siyasi xadimlərinin Mübariz İbrahimov barədə dedikləri fikirlər maraqlıdır. Həmin fikirlərin bir neçəsi aşağıdakı kimidir:
- "Əgər rəsmi məlumat olmasaydı, mən bu xəbərə inanmazdım. Çünki biz bu cür igidlikləri kinolarda görmüşük... Deməli, Rembo təkcə kinoda deyil, həyatda da var." - Vladimir Putin[15][16]
İrsi[redaktə | əsas redaktə]
Biləsuvar şəhərində lisey-məktəb kompleksi və küçə onun adını daşıyır.[17][18] 2008-ci ildə Azərbaycan Müdafiə Sənayesi Nazirliyinin istehsal etdiyi "İstiqlal" snayper tüfəngləri ailəsindən 12.7 mm çaplı ikinci tüfəng onun şərəfinə "Mübariz" adlandırılıb.[19]
2011-ci ildə Milli Qəhrəman Çingiz Mustafayev Fondu və ANS Şirkətlər Qrupu tərəfindən İbrahimova “İlin adamı” mükafatı təqdim olunmuşdur.[20] 2011-ci il 15 iyunda Biləsuvar şəhərində Mübariz İbrahimovun heykəlinin və Əliabad kəndi ərazisində prezident İlham Əliyevin tapşırığı ilə ailəsi üçün tikilmiş yaşayış evinin açılışı olub.[21] Tədbirdə Biləsuvar rayon İcra Hakimiyyətinin başçısı Mahir Quliyev, millət vəkili Qənirə Paşayeva, ombudsman Elmira Süleymanova və digərləri çıxış etmişdir.[21] Həmin ildə “Palmali” şirkətinin Türkiyədə hazırlardığı yük gəmisi onun şərəfinə "Mübariz İbrahimov" adlandırılıb.[22]
2013-cü ildə Mübariz İbrahimovun qəhrəmanlığı TRT 1 kanalında nümayiş olunan "Sakarya Fırat" serialında geniş yer alıb.[23] 2014-cü ildə Kanadanın Ottava şəhərində yerləşən Minto Parkında Azərbaycan icmasının təşəbbüsü ilə Mübariz İbrahimov adına xatirə lövhəsi vurulub.[24][25] 2014-cü ildə onun qəhrəmanlığı TRT 1 kanalında nümayiş olunan "Qızıl Alma" serialında geniş yer alıb.[26]
2016-cı ildə Sumqayıtda küçələrdən birinə Milli Qəhrəman Mübariz İbrahimovun adı verilib.[27]
Təltif və mükafatları[redaktə | əsas redaktə]
Həmçinin bax[redaktə | əsas redaktə]
Ədəbiyyat[redaktə | əsas redaktə]
- Fəxrəddin Mustafayev, "Mübarizlər yolu". Bakı, "Hərbi Nəşriyyat", 2011. 88 səh.[30]
- Maarif Köçkün, "Mübariz cəsarəti". Bakı, "Bəxtiyar-4" nəşriyyatı, 2011. 160 səh. 500 nüsxə.[24]
- Zaur Ustac, "Oriyentir Ulduzu". Bakı, "MTR group" nəşriyyatı , 2011. 56 səh.[24]
- Elxan Elatlı, "Qisas gecəsi" romanı. 2011.[24][31]
- Balayar Sadiq, "Hünər simfoniyası" romanı. Bakı, "MHS-poliqraf" nəşriyyatı , 2011.[32]
- Asif Rüstəmli, "Turan Mübarizi". 2011.[33]
- Baxşeyiş Abbasoğlu, “Ölüm son deyil... və yaxud əbədiyyət nəğməsi” romanı. Mingəçevir, "Mingəçevir Poliqrafiya Müəssisəsi" nəşriyyatı , 2011.[24][34]
- Mustafa Çəmənli, "Mübariz" romanı. Bakı, "Təhsil" nəşriyyatı , 2010.[35]
- Çingiz Qacar, “Turan bahaduru”.[24]
İstinadlar[redaktə | əsas redaktə]
Bu məqalədəki istinadlar müvafiq istinad şablonları ilə göstərilməlidir. |
- ↑ 1,0 1,1 1,2 1,3 1,4 1,5 1,6 Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 134-135.
- ↑ Milli Qəhrəman Mübariz İbrahimovun xatirəsinə həsr olunmuş mini futbol üzrə turnir keçiriləcəkdir
- ↑ 3,0 3,1 3,2 Azərbaycan Respublikası Xatirə Kitabı, X cild. səh.485.
- ↑ Ermənilər Mübarizin meyitini qaytarırlar
- ↑ Bu gün Mübariz İbrahimovun şəhid olduğu günüdür
- ↑ Şəhid Mübariz İbrahimovun son məktubu…
- ↑ M.A.İbrahimova "Azərbaycanın Milli Qəhrəmanı" adının verilməsi haqqında Azərbaycan Respublikası Prezidentinin Sərəncamı
- ↑ Mübariz İbrahimov Azərbaycan gəncliyinin qürur mənbəyidir
- ↑ Şəhidlərimizin meyitinin ermənilərdən alınması prosesi başlayıb
- ↑ Şəhid hərbçilərimizin meyitlərinin qaytarılması ilə bağlı rəsmi məlumat
- ↑ Şəhidlər
- ↑ Prezidentin adından şəhidlərə ehsan verilib
- ↑ Mübariz İbrahimov haqqında bilmədiklərimiz (Müsahibə)
- ↑ Mübariz İbrahimov haqqında bilmədiklərimiz (Müsahibə)
- ↑ Mübariz İbrahimov: Şəhid olsam, ağlamayın
- ↑ Mübariz İbrahimovun xatirəsi harada və necə əbədiləşdirilib?
- ↑ Biləsuvar şəhərində Milli Qəhrəman Mübariz İbrahimovun adını daşıyan küçədə yenidənqurma və abadlıq işləri başa çatmaq üzrədir
- ↑ Yeni təhsil ocağı Milli Qəhrəmanın adını daşıyır
- ↑ Mübariz İbrahimovun adını daşıyan "Mübariz" snayper tüfəngi
- ↑ ANS Milli Qəhrəmana mükafat verəcək
- ↑ 21,0 21,1 Biləsuvarda Azərbaycanın Milli Qəhrəmanı Mübariz İbrahimovun heykəlinin və ailəsi üçün tikilmiş yaşayış evinin açılışı olub
- ↑ Milli Qəhrəmanın adını daşıyan gəmi Azərbaycanda
- ↑ "Sakarya Fırat" serialının Azərbaycanın Milli Qəhrəmanı Mübariz İbrahimova həsr olunmuş bölümünün geniş xülasəsi veriləcək
- ↑ 24,0 24,1 24,2 24,3 24,4 24,5 Mübariz İbrahimovun xatirəsi harada və necə əbədiləşdirilib?
- ↑ Mubariz Ibrahimov’s memory perpetuated in Canada
- ↑ Mübariz İbrahimovun qəhrəmanlığı Türkiyənin “Qızıl Alma” serialında da yer alıb.
- ↑ Zakir Fərəcov Sumqayıtda Mübariz İbrahimovun adını əbədiləşdirdi
- ↑ "Year passed since National Hero Mubariz Ibrahimov's death". news.az. http://news.az/articles/society/38713. İstifadə tarixi: 6 November 2015.
- ↑ Milli Qəhraman Mübariz İbrahimov “2010-cu ilin adamı” seçildi
- ↑ Elektron Kitabxana: M hərfi
- ↑ Elxan Elatlı: “Detektiv janrda yazılan kitablar insan fantaziyasını gücləndirir”
- ↑ Milli Qəhrəman Mübariz İbrahimovla bağlı “Hünər simfoniyası”
- ↑ Milli Qəhrəmana həsr olunmuş kitab maraqla qarşılandı
- ↑ Milli Qəhrəman Mübariz İbrahimov haqqında yeni kitab çapdan çıxmışdır
- ↑ Mustafa Çəmənlinin Milli Qəhrəman Mübariz İbrahimov haqqında kitabı işıq üzü görüb
Xarici keçidlər[redaktə | əsas redaktə]
VikiSitatda Mübariz İbrahimov ilə əlaqədar sitatlar var. |
- "Mübariz İbrahimov" ((azərb.)). adam.az. Arxivləşdirilib: [1] saytından 2016-03-23 tarixində. https://web.archive.org/web/20160324005012/http://adam.az/index.php?option=com_sobi2&sobi2Task=sobi2Details&sobi2Id=1002&Itemid=63. İstifadə tarixi: 2016-03-23.
- "İbrahimov Mübariz Ağakərim oğlu" ((azərb.)). milliqahraman.az. Arxivləşdirilib: [2] saytından 2016-03-23 tarixində. http://web.archive.org/web/20110129013314/http://www.milliqahraman.az/milli_qehremanlar/275-dbrahimov-mgbariz-adakjrim-odlu.html. İstifadə tarixi: 2016-03-23.
- İlham Əliyev (2010-07-22). "M.A.İbrahimova “Azərbaycanın Milli Qəhrəmanı” adının verilməsi haqqında Azərbaycan Respublikası Prezidentinin Sərəncamı" ((azərb.)). president.az. Arxivləşdirilib: [3] saytından 2016-03-23 tarixində. https://web.archive.org/web/20160324011535/http://www.president.az/articles/489. İstifadə tarixi: 2016-03-23.
- İlham Əliyev (2010-07-22). "Azərbaycanın Milli Qəhrəmanı M.A.İbrahimovun xatirəsinin əbədiləşdirilməsi haqqında Azərbaycan Respublikası Prezidentinin Sərəncamı" ((azərb.)). president.az. Arxivləşdirilib: [4] saytından 2016-03-23 tarixində. https://web.archive.org/web/20160324010701/http://www.president.az/articles/490. İstifadə tarixi: 2016-03-23.
- "İlham Əliyev Milli Qəhrəman Mübariz İbrahimov və Fərid Əhmədovun vida mərasimində iştirak etmişdir" ((azərb.)). president.az. 2010-10-07. Arxivləşdirilib: [5] saytından 2016-03-23 tarixində. https://web.archive.org/web/20160324005704/http://www.president.az/articles/1011. İstifadə tarixi: 2016-03-23.
- "Milli Qəhrəman Mübariz İbrahimov və baş leytenant Fərid Əhmədovun vida mərasimində İlham Əliyevin nitqi" ((azərb.)). president.az. 2010-10-07. Arxivləşdirilib: [6] saytından 2016-03-23 tarixində. https://web.archive.org/web/20160324005953/http://www.president.az/articles/1013. İstifadə tarixi: 2016-03-23.
- "Speech by Ilham Aliyev at the farewell ceremony for martyrs Mubariz Ibrahimov and Farid Ahmadov" ((azərb.)). YouTube/president.az. 2010-12-01. http://www.youtube.com/watch?v=Cm_OVIllDgw. İstifadə tarixi: 2016-03-23.
- Rauf İlyasoğlu. Vətən sağ olsun (poema). Bütöv Azərbaycan qəzeti. 6 oktyabr 2010-cu il. № 38(37)
- Azərbaycanın Milli Qəhrəmanı Mübariz İbrahimov
Azərbaycanda ilin adamı | |
---|---|
2001: Hacıbala Abutalıbov | 2002: Heydər Əliyev | 2003: Heydər Əliyev | 2004: Toşiyuki Fucivara | 2005: Mehriban Əliyeva | 2006: Hacı Allahşükür Paşazadə | 2007: İlham Əliyev | 2008: Tahir Salahov | 2009: Polad Bülbüloğlu | 2010: Mübariz İbrahimov| 2011: Eldar Qasımov və Nigar Camal | 2012: | 2013: İlham Əliyev | 2014: | 2015: Mehriban Əliyeva | |