Fossurin Öxarárfoss í tjóðarparkini Þingvellir, Suðurland, Ísland. Tann 20 metrar høgi fossurin hevur sín uppruna í Öxará-ánni, og er ein av mest vitjaðu støðunum í Þingvellir, sum er heimsarvur.
Mánaðargreinin
|
Suni úr Hørg (føddur 24. desember 1982 í Sumba) er ein føroyskur timburmaður og fyrrverandi fótbóltsleikari, ið spældi sum verjuleikari til hann var úti fyri einari sera álvarsamari arbeiðsvanlukku 28. mars 2014. Hann spældi við besta liðnum hjá FC Suðuroy tey seinastu árini av fótbóltslívsleiðini. Hann var eisini partur av hópinum í 2014, men náddi ikki at spæla nakran dyst tað árið, tí tann 28. mars var hann úti fyri einari sera álvarsligari arbeiðsvanlukku í Havn, har hann arbeiddi sum hondverkari. Hann datt niður ígjøgnum taki á bygninginum, ið hann og aðrir umvældu, hann datt uttan at hava koyrt trygdarlínuna á, ið annars var eitt krav og sum hann plagdi at hava á. Hann skuldi bara líka orðan okkurt smáting. Fallið var sambært Suna á 9,70 metrar og hann datt niður á betonggólv. Hann segði í sjónvarpssendingini Viljin til lívið, ið snúði seg um hann og tveir aðrir ungir føroyingar, at hann hugsaði tá, at hetta var tað, hetta var endin. Hann náddi at taka armarnar fyri andlitið og so misti hann vitið. Suni vaknaði upp aftur í einari sjúkrahússong í Reykjavík, hagar hann varð sendur við flogfari. Hann hevði brotið seg sundur og lá innlagdur longi, men er so við og við komin nøkulunda fyri seg aftur, tó hevur hann mist stóran part av sjónini. Hann klárar seg tó sjálvur, býr fyri seg sjálvan og gongur runt við blindastavi. Hann hevur verið á blindastovni í Danmark, har hann hevur lært at klára seg í gerandisdegnum. Minni enn eitt ár eftir vanlukkuna fór Suni til arbeiðis aftur hjá Búsetri. Hann kom fyrst í arbeiðsroynd, ið fyribils var 20 tímar um vikuna. Og 1. apríl 2016 varð hann settur í fast starv sum timburmaður og sær ljóst uppá framtíðina.
|
|
|
- Minst 31 fólk eru dripin og minst 300 eru særd í yvirgangsálopum í Brussel móti ávikavist Brussel Floghavn (myndin) og Maalbeek metrostøðini. Ein føroyingur var ímillum tey særdu.
- Elsti føroyingur nakrantíð, Theodor Thomassen úr Sørvági, er deyður. Hann gjørdist 107 ára gamal.
- Bogi Olsen úr Rituvík er heimsmeistari í inniróðri 2000 m hjá monnum 40-49 ár lættvekt við tíðini 6.28.8. Jens Kristian Dam gerst nummar tvey í sama bólki á árligu HM-kappingini í Boston.
- Tórur Mortensen gerst danmarkarmeistari í trístøkk, tá hann loypur 14,39 metrar. Hann er fyrsti einstaki føroyingur, sum gerst danmarksmeistari í frælsum ítrótti.
- Eva Kjer Hansen fer frá sum Umhvørvis- og matvøruráðharri í Danmark.
Frá nýggjastu ella nýliga víðkaðu greinunum á Wikipedia…
- ...at Suni úr Hørg úr Sumba yvirlivdi arbeiðsvanlukku, har hann datt 9,70 metrar niður á betong, og nú arbeiðir sum timburmaður, hóast hann er umleið 95% blindur?
- ...at Hargabrøðurnir úr Sumba róku írskar sjórænarar til rýmingar úr Hvalba og fingu í 1612 boðið Stóru Dímun afturfyri avriksverk teirra, og at teir søgdu nei takk?
- ...at elsti føroyingurin nakrantíð, Theodor Thomassen úr Sørvági (1908-2016), át nógva grind, ið granskarar annars siga verða so dálkaða, at hon er heilsuskaðilig?
- ...at føroyski tónleikarin Ragnar Finsson (myndin) í 2008 gjørdist nummar trý til kappingina hjá DR, ið nevndist Talent?
- ...at føroyski tónasmiðurin Óli Jógvansson vann "The UK Songwriting Contest 2015" í intrumentala bólkinum fyri lagið Forever Gone?
- ...at føroyski trúðboðarin Daniel Jacob Danielsen var við til at støðga ræðuleikum ið vóru framdar av belgiarum í Fólkaræðiliga Lýðveldinum Kongo fyrst í 20. øld?
- ...at Navajo Nation er eitt reservat í USA, t.v.s. eitt stað serliga ætlað navajo-indiánarum?
- ...at danski rithøvundurin Klaus Rifbjerg saman við øðrum læt upp matstovuna Kong Hans Kælder í 1976, og at henda matstovan var tann fyrsta í Danmark, ið fekk eina Michelinstjørnu?
|
