Newroz (Farski: نوروز) yew roşano ke Kurdi, Farsi, Azeriy, Peştuni uêb. her serre, şewa ke 20ê Adari be 21ê Adari gırê dana, a şewe firaz kenê (mıbarek kenê).
Serranê peyênan de Zazay ki ca ca mıbarek kenê, labelê esıl ser sıftekerdena wesari zewbina name kenê. Zazayê Elewi 20ê Adari/Marti Hawtemal, 22yê Marti Newê Marti name kenê. Hawt ke kewno 20ıne, New ke kewno 22yıne, sebeb ki noyo ke, hesabo kıhan (hesabê teqwimê Gregori) be hesabo newe 13 roci ferq keno.
Zazayê Şefi na roce Serrnewa, tayê ca ki Qenqıdos name kenê. Zazayê Henefi ki kışta Sêwreg u Şankûş u Çêrmug u Aldûşi de amayena wesari be Kormışkan kenê şên; oyo ke yew çarşembe ra heta çarşemeyo bin rameno. (dewamê cı...)
Nuştey heftey
Roja Cinîyan
Roja Cinîyan yê Cîhanî yan zî Roja Cinîyanê Kedkaran yê Dinya, 8ê adare de yeno fîraz kerdene. Na roje, hetê Miletanê Yewbîyayan ra seba pêro cinîyan sey roja roşanî ameya qebulkerdiş.
Tewr verî, 8ê adare 1857 de şaristanê New Yorkî yê Amerîka de seba sey pê bîyayişî, semedê wedartişê şertanê neheqan yê xebata cinî û camêrdan ser o, mucadele dest pêkerd. 40 hezar xebatkarî yew fabrîkaya tekstîlî de seba şertanê rehet û rindan şîy grev û kar ca verda. Polîsan hêriş kerd xebatkaran ser û berê fabrîka xebatkaran ser o kilît kerd.
Dima adir kewt fabrîka, labelê dorûverê fabrîka pêro bi barîkatan girewte bi. Xebatkarî nêeşkayî ganê xo bixelesnî. Zafane cinî, 129 xebatkarî merdî. Cenazayê nê xebatkaran hetê 100 hezar kesî ra amey wedartiş. (dewamê cı)