चेल्सि च्याम्पियन्स लिगको क्वाटर फाइनलबाटै बाहिरियो - NEWS24 TV

• Report rights infringement
• published: 12 Mar 2015
• views: 999

इङलिस कलब चेल्सिलाई स्तब्ध पार्दै फ्रेन्च च्याम्पियन पेरिस सेन्ट जर्मेन पिएसजी च्याम्पियन्स लिग फुटबलको क्वाटरफाइनलमा प्रव्ोश गरेको छ । दश खेलाडीमा सिमित पिएजसी, चेल्सि संग दुई दुई गोलको बराबरी पछि पनि अवे गोलका आधारमा नक आउट चरणमा पुगेको हो । बुधबार राति चेल्सिले, घरेलु मैदान स्टामफोर्ड ब्रिजमा, ८१ औं मिनेटमा ग्यारी काहिलको गोल मार्फत सुरुवाती अग्रता लिएको थियो । खेलको ३१ औं मिनेटमानै ज्लाटन इब्राहिमोभिच चेल्सिका ओस्कारलाई फउल गरेपछि रातो कार्ड खादै मैदान बाहिरिएका थिए । तर पिएसजीले दश खेलाडीमा सिमित भएपनि उत्कृष्ट खेल प्रदर्शन गर्दै ८६ औं मिनेटमा बराबरी गोल फर्कायो । डेविड लुइसले पुर्व क्लब बिरुद्ध बराबरी गोल फर्काएका थिए । थप गोल नभएपछि निर्धारित समय एक एक गोलको बराबरीमा सकियो र खेल अतिरिक्त समयमा धकेलियो । प्रतिस्पर्धात्मक र रोमाञ्चक रुपमा अघि बढीरहेको खेलमा चेल्सिले ९६ औं मिनेटमा पेनाल्टि मार्फत पुन अग्रता लियो । पेनाल्टिलाई इडेन हजार्डले गोलमा परिणत गरेका थिए । । तर १ सय १४ औं मिनेटमा पिएसजीका थिएगो सिल्भाले गोल गरेपछि चेल्सि आफ्नै मैदानमा स्तब्ध हुदै च्याम्पियन्स लिगको क्वाटर फाइनलबाटै बाहिरियो । पहिलो लेग एक एक गोलको बराबरीमा सकिएको थियो । जीत संगै पिएजसीले गत बर्ष क्वाटरफाइनलमा बेहोरेको हारको बदला पनि लियो । अर्को खेलमा जर्मन च्याम्पियन बार्यन म्युनिख, युक्रेनको शाख्तर डोनेस्क्लाई दोस्रो लेगमा ७– ० को फारकिलो अन्तरले पराजित गर्दै नक आउट चरणमा प्रवेश गरेको छ । पहिलो लेग गोल रहित बराबरी खेलेको बार्यनले दोस्रो लेगमा भने दश खेलाडीमा सिमित शाख्तर माथि गोलको बर्षानै ग¥यो । खेलको तेस्रो मिनेटमा ओलेक्सजेण्डर कुचेर रातो कार्ड खादै मैदान बाहिरएपछि शाख्तर दश खेलाडीमा झरेको थियो । यो च्याम्पियन्स लिगको इतिहासमा सबैभन्दा छिटो दिइएको रातो कार्ड हो ।