Jón-Vörukynning

• Report rights infringement
• published: 29 Aug 2011
• views: 104

Kynning fyrir margmiðlunarskólann byggð upp sem vörukynning. Hljóðið er misgott svo textinn er hérna fyrir neðan: Af og til koma vörur á markað sem umbreyta lífi folks. Árið 1990 kom ein slík vara fram. Já þú giskaðir rétt, ég er að tala um Jón. Jón hefur að mestu leyti verið þróaður á Akureyri, en Akureyri er bær norður í landi sem þekktur er fyrir gott veðurfar, Brynju ís og tjaldstæðafasisma. Með flestum vörum nú til dags fylgja flóknar leiðbeiningar um notkun sem lesa þarf til þess að hægt sé að nýta vöruna til fulls. Jón aftur á móti þægilegt og viðkunnalegt notendaviðmót sem allir ættu að geta notað án fyrirhafnar. Yngri útgáfur af Jóni hafa verið prófaðar í Menntaskólanum á Akureyri, þar sem þær voru ma nýttar í hönnun á skólablaði, þátttöku í hljómsveitakeppni og skipulagningu ýmissa viðburða. Reynt var að nýta þær til stærðfræðilegra útreikninga en þær tilraunir báru ekki þann árangur sem vonast var eftir. Jón er þó ekki einungis nýtanlegur á skólatíma heldur nýtist hann einnig í leik og heima við en þar hefur hann nýst hvað best í að sofa, borða, spila á hljóðfæri, horfa á sjónvarpið og gera fáránlega hluti með vinum sínum. Jón er þó ekki algjörlega gallalaus og hefur illa gengið að fá hann til þess að vakna snemma, ryksuga og hlusta á lagið Yfirgefinn. Fátt hefur verið ákveðið varðandi framtíðar útgáfur á Jóni en framtíðin er björt og nýjasta útgáfan mun verða nýtt og þróuð í Margmiðlunarskólanum næstu tvö árin.