Isa sa pinaka maingay na bansa ang Pilipinas. Ang polusyon ng ingay, o noise pollution sa Ingles, ay isang uri ng polusyon na nakapagdudulot ng panganib o nakaiistorbo sa mga gawain ng tao at hayop. Maaari itong magmula sa tao, hayop, industriya, transportasyon at ilan pang bahagi ng lipunan na may kapasidad gumawa ng matindi at napalakas na ingay. Mapa-palengke man o eskwelahan, sari-saring ingay ang ating madidinig. Kaya naman samahan niyo kaming lakbayin ang mga panganib sa likod ng, "Noise Pollution." Marami ang maaaring pagmulan ng ingay. Sa modernong panahon, ang polusyon ng ingay ay karaniwang nagmumula sa linya ng transportasyon gaya ng busina, exhaust system ng mga tren, motorsiklo, kotse at bus. Bagamat kadalasang naisasantabi, ang epekto ng polusyon ng ingay ay napakalawak. Ang pinakapangkaraniwang epekto nito sa kalusugan, halimbawa, ay ang pagkawala ng pandinig. Sa katunayan, ang mga taong nagtatrabaho sa mga lugar na kadalasang maingay ay may problema sa pandinig at maaaring maging biktima rin ng hypertension at iba't-ibang mental illness. Katulad na lamang ng isang magtataho sa labas ng Polytechnic University of the Philippines... Ganoon rin ang isang tindera sa gilid ng Polytechnic University of the Philippines... Bukod sa mga tao, ang polusyon ng ingay ay may malaking epekto sa mga hayop. Halimbawa, kapag malakas ang ingay sa kanilang habitat, ang kanilang mga normal na gawain gaya ng mating, pakikipag-communicate at paghahanap ng pagkain ay lubhang nagbabago, dahilan upang malagay sila sa panganib. Sa ating mga tahanan naman, ang masyadong malakas na "volume" ng TV at music system ay maituturing na polusyon sa ingay, upang malimitahan ito, ang volume ay dapat katamtaman lamang. Ang ingay ay hindi lamang nkakaapekto sating mga tao at hayop kundi maging sa pundasyon ng ating gusali. Ang mga nakakarinding mga ingay na ito ay nakagagawa ng mga "waves" na nakapagpapahina ng pundasyon ng mga gusali. Ang polusyon sa ingay ay kailangan ding kontrolin at hindi balewalain. Ang mga epektibong paraan para mabawasan ang noise pollution ay ang paggamit ng ear protection devices tulad ng earmuffs lalo na kapag nagttrabaho ka sa maingay na lugar. Ang epekto ng polusyon sa ingay ay tunay na nakakaapekto sa mental at pisyolohikal na aspeto ng mga hayop at nating mga tao. Sa simpleng pagsunod sa mga paraan upang mabawasan ang polusyon na ito, masusulusyunan natin ang isang tumitinding polusyon sa ating bansa, ang Noise Pollution.

• published: 22 Feb 2013
• views: 3723