Rammur vóru veittar, fyri útisetum, ið væl kundu hugsa sær at mótmælt á Vaglinum hin 31. september, kl. 14.00-15.00. Endamálið ver at vísa á, at tað, sum fer fram á politiska pallinum í Føroyum í hesum døgum, ikki kann góðtakast. Tikið verður undir við nógvum av føroysku fakfeløgunum, ið halda, at tað, sum gongur fyri seg á politiska pallinum, er ørkymlandi. Fakkunnleikin verður ikki virdur, og týdningarmikil mál verða ikki viðgjørd við tí álvara, sum tey hava uppiborið, men í stóran mun tagd burtur. Stuðulstiltakið Enter Føroyar úr Keypmannahavn var einans eitt burturúr viftuni av stuðulstiltøkunum; herumframt vóru Rio De Jeneiro, Esbjerg, Lund, Munchen, Preston, Reykjavík, Odense og Århus. Felags fyri øll stuðulstiltøk var, at tey vóru hildin kl 14.00-15.00 føroyska tíð - samstundis sum mótmælið á Vaglinum. Røðarar: Eirikur í Jákupsstovu og Hergeir Staksberg. Tónleikur: Annika Hoydal, Høgni Lisberg og Eivør. Frá eventini: "Vit stúra fyri framtíðini í Føroyum. Fólkaræðið stendur fyri falli, og hetta kunnu vit sum føroyskir útisetar og møguligir komandi borgarar í Føroyum ikki góðtaka. Vit spyrja: Hvar er fólkaræðið? Hvør er framtíðin hjá okkum? Kunnu vit liva við at lógir verða smíðaðar og viðgjørdar í óðum verki og skrumblaðar ígjøgnum? Kunnu vit liva við, at fakkunnleikin ikki verður hoyrdur? Latið okkum minna politikararnar á, at valdið, sum teimum er givið av fólkinum, kann eins væl verða tikið aftur av fólkinum, um ikki politiska arbeiðið verður gjørt við nøktandi gjøgnumskygni og umhugsni fyri landsins besta! Skráirnar fyri mótmælistiltøkini í ymsu býunum verða lagdar út leypandi í dag og í morgin. Felags fyri øll mótmælistiltøkini er, at tey byrja kl 14.00 føroyska tíð. Kom við! Vh. Enter Føroyar - útisetar fyri føroyskum fólkaræði"

• published: 03 Sep 2013
• views: 43