1945

Kalenders

Gregoriaanse kalender 1945 MCMXLV Ab urbe condita 2698 Armeense kalender 1394 ԹՎ ՌՅՂԴ Sjinese kalender 4641 – 4642 辛申 – 壬酉 Ethiopiese kalender 1937 –1938 Hebreeuse kalender 5705 – 5706 Hindoekalenders - Vikram Samvat 2000 – 2001 - Shaka Samvat 1867 – 1868 - Kali Yuga 5046 – 5047 Irannese kalender 1323 –1324 Islamitiese kalender 1364 –1364

Fat Man, een van die atoombomme wat die VSA op Japan laat val het.

Riaan Cruywagen lees die nuus.

Die jaar 1945 was 'n gewone jaar wat volgens die Gregoriaanse kalender op 'n Maandag begin het. Dit was die 45ste jaar van die 20ste eeu n.C. Soos ander gewone jare het die jaar 12 maande, 52 weke en 365 dae gehad.

Gebeure

• 30 Januarie – Tweede Wêreldoorlog: Die Wilhelm Gustloff seeramp vind plaas.
• 14 Februarie – Die RAF Bomkommandoment begin die strategiese bombardering van Dresden in Sakse, Duitsland, wat lei tot 'n noodlottige vuurstorm waarin 25,000 burgerlikes sterf.
• 19 Februarie – Tweede Wêreldoorlog: Die Geallieerdes val die eiland Iwo Jima binne.
• 9 Maart – Tweede Wêreldoorlog: 'n Bomaanval op Tokio veroorsaak 'n vuurstorm waarin 100 000 mense sterf.
• 22 Maart – Die Arabiese Liga word deur Egipte, Irak, Jordanië, Libanon, Saoedi-Arabië en Sirië in Kaïro gestig.
• 1 April – Tweede Wêreldoorlog: Die Geallieerdes val die eiland Okinawa binne.
• 18 April – Tweede Wêreldoorlog: Meer as 'n duisend bomwerpers val die eiland Helgoland (Duitsland) aan.
• 25 April – Tweede Wêreldoorlog: VSA en Russiese troepe ontmoet by die Elbe.
• 25 April – Die Verenigde Nasies word in San Francisco (Kalifornië) gevorm.
• 5 Mei – Tweede Wêreldoorlog: Kapitulasie van die Duitse troepe in 'n laaste selfstandige deel van Nazi-Duitsland (die noordweste en Sleeswyk-Holstein), Denemarke en Wes-Nederland.
• 8 Mei – Die einde van die Tweede Wêreldoorlog in Europa.
• 21 Junie – Tweede Wêreldoorlog: Okinawa word verower deur die Amerikaners.
• 26 Junie – Die Grondwet van die Verenigde Nasies word geteken.
• 28 Julie – 'n B-25 bomwerper vlieg teen die Empire State-gebou vas; op die 78ste vloer.
• 6 Augustus – Tweede Wêreldoorlog: Die VSA laat val 'n atoombom (Little Boy) op Hirosjima, Japan, met tussen 90 000 en 200 000 sterftes tot gevolg.
• 9 Augustus – Tweede Wêreldoorlog: Tweede Amerikaanse kernwapen (Fat Man) ontplof bo die Japannese stad Nagasaki.
• 15 Augustus – Geallieerde Nasies vier die einde van die Tweede Wêreldoorlog na oorwinning in Japan wanneer keiser Hirohito die onvoorwaardelike oorgawe in die Stille Oseaan oorlog oor die radio aankondig. Noord- en Suid-Korea word van Japan onafhanklik.
• 2 September – Die Tweede Wêreldoorlog kom amptelik tot 'n einde met die ondertekening van die Japannese oorgawedokumente op die dek van die USS Missouri.
• 2 September – Hồ Chí Minh verklaar Noord-Viëtnam se onafhanklikheid van Frankryk en word dié land se eerste president.
• 24 Oktober – Die Verenigde Nasies-verdrag, die grondwet van die Verenigde Nasies, tree in werking.
• 25 Oktober – Die voormalige Japannese kolonie Taiwan word weer deel van die Republiek van Sjina.
• 10 November – Die Springbokdiens van die Suid-Afrikaanse Lugdiens en die BOAC, die eerste internasionale diens tussen Suid-Afrika en die Verenigde Koninkryk, begin.
• 16 November – Stigting van die UNESCO deur 37 lande in Londen.
• 27 Desember – Die Wêreldbank word op ooreenkoms van 28 nasies gestig.
• Desember – Die Nag-Hammadi-geskrifte word ontdek.

Geboortes

• Dirk Coetzee, mede-stigter en bevelvoerder van die polisie-eenheid op Vlakplaas.
• 3 Februarie – Marius Weyers, Suid-Afrikaanse akteur.
• 6 Februarie – Bob Marley, Jamaikaanse reggaesanger en musikant († 1981).
• 23 Februarie – Allan Boesak, geestelike van die Nederlandse Hervormde Kerk, 'n politikus en anti-apartheidsaktivis.
• 30 Maart – Eric Clapton, Britse kitaarspeler
• 10 Mei – Koos du Plessis, Suid-Afrikaanse musikant († 1984).
• 14 Mei – Yochanan Vollach, Israelse sokkerspeler.
• 12 Junie – Anthony Hall-Martin, ’n kenner op die gebied van swartrenosters en die Afrika-olifant († 2014).
• 19 Junie – Aung San Suu Kyi, Myanmarese politikus, leier van 'n nie-geweldadige beweging vir menseregte en demokrasie in Myanmar (Birma) en ontvanger van die 1991 Nobelprys vir Vrede.
• 25 Junie – Carly Simon, sanger.
• 29 Junie – Chandrika Bandaranaike Kumaratunga, eerste minister van Sri Lanka.
• 14 Augustus – Wim Wenders, Duitse filmregisseur word in Düsseldorf gebore.
• 28 September – Pieter-Dirk Uys, Suid-Afrikaanse satirikus en dramaturg.
• 5 Oktober – Riaan Cruywagen, Afrikaanse nuusleser en stemkunstenaar.

Sterftes

• 22 Januarie – Else Lasker-Schüler, Duits-Joodse digteres en toneelskryfster (* 1869).
• 12 Maart – Anne Frank, Joodse dagboekskrywer in Nederland (* 1929)
• 12 April – Franklin D. Roosevelt, Amerikaanse politikus en staatsman, 32ste President van die Verenigde State (* 1882).
• 28 April – Benito Mussolini, Italiaanse Diktator (* 1883).
• 30 April – Adolf Hitler, Duitse politikus en diktator (* 1889).
• 30 April – Eva Braun, vrou van Hitler, (* 1912).
• 30 Julie – Anton van Wouw, Suid-Afrikaanse beeldhouer (* 1862).
• 15 Oktober – Pierre Laval, voormalige eerste minister van Frankryk (* 1883).
• 19 Oktober – Richard Stuttaford, Suid-Afrikaanse kabinetsminister en sakeman (* 1870).
• 26 November – Dwight F. Davis, die stigter van die Davis Cup (* 1879).
• 10 Desember – August Vermeylen (73), Vlaams-Belgiese skrywer.