23 Ага

23 Ага — григориан кечышот почеш идалыкын 143-шо (кужемдыме ийлаште 144) кечыже. Идалык пытыме марте 222 кече кодеш.

Пайрем-влак

• Тӱнямбалне черепахын кечыжым палемдат.

Лӱмгече

Ага тылзын коло кумшо кечынже Василий, Семен, Сидор, Таисия–влакын лӱм кечышт.

Мо лийын

Тыгак ончо: Категорий:23 Ага Мо лийын

• 1909 ийыште Санкт-Петербург олаште Александр Третий кугыжалан чапкӱм почыныт.
• 1930 ийыште Ленин лӱмеш икымше орденым «Комсомольская правда» газетлан кучыктымо.
• 1949 ийыште ФРГ кугыжаныш ышталтын.

Кӧ шочын

Тыгак ончо: Категорий:23 Ага Кӧ шочын

• 1920 — Семен Алексеевич Вишневский, почеламутчо. Юлсер кундем Черкысола (кызыт Помар) ялысе йорло кресаньык ешеш шочын. 20 ияш годымжак Совет Армий радамыш ушнен да сарыштат кредалаш пернен. Лач тиде шучко жапыште тудо поэт семын чапланен. Паша корныжо тӱвыра министерстве, «Пачемыш» журнал редакций, писатель ушем дене кылдалтын. Тудын коло утла книгаже марий да руш йылме дене лектын. Тушто Шочмо Эл, марий калык, пӱртӱс поянлык, пелед тӱзланыше кундемын сылнылыкыштым сӱретлен ончыктымо. Возымыжым украин, эстон, беларус, татар, венгр, болгар, финн, да моло калык-влакын йылмышкат кусарыме. Семён Вишневский – кугыжаныш премийын лауреатше, Марий республикын калык поэтше.
• 1941 — Валентина Васильевна Смирнова, икымше марий профессионал киноактриса. Юлсер кундем Сотнур селаште шочын. ГИТИС-ым тунем лекмек, Йошкар-Оласе, Тобольскысо, Сыктывкарысе театрлаште шуаралтын. 1979-ше ий гыч Ленинградысе киностудийыште таршыш тӱҥалын. Талантан актрисым «Соло», «Сквозь огонь», «Свидетель» да моло киноштат ужаш лиеш. А 2004-ше ийыште Валентина Васильевна шымше марий погынын Санкт-Петербург гыч делегатше лийын.
• 1964 — Ольга Петровна Воронцова, туныктыш да шанче пашаеҥ. Шкеже Шернур кундем Йошкар-Памаш ял гыч. Шуко жап Марий кугыжаныш университетыште пашам ыштен. Филологий шанче кандидат. Докторант.
• 1961 — Валерий Васильевич Чиванов, артист, «Каче-влак» группын кугурак солистше, МВД пашаеҥ. У Торъял кундемыште шочын. 1985-ше ий годсек «Марий памаш» ансамбльыште шуаралтеш.
• 1990 — Людмила Лебедева, спортсменка. Шернур кундемыште шочын. Людмила Олимпий резерв школышто шинчымашыжым шуарен. 2010 ийыште ӱдыр-влак кокласе тӱнямбалсе чемпионатыште шке вийжым терген.

Кӧ колен

Тыгак ончо: Категорий:23 Ага Кӧ колен

Калык пале

• Шнуй Симеонын кечыже. Ожно тиде кечын кладым кычалаш кӱлеш маныныт. Тыгак Симеон кечын тӱрлӧ пайдале кушкыл-влакым погеныт.
• Марий калык гын, чодыраш, олыкыш саскам але кушкылым погаш кайыме годым Чодыра Юмо, Саска Юмылан пелештен: кушкылым да саскам ару кид дене погыман улмаш, Мланде Авалан таушташ мондыман огыл.

	23 Ага Викиклатыште?