22 Julie

22 Julie is die 203de dag van die jaar in die Gregoriaanse kalender (204de in skrikkeljare). Daar volg nog 162 dae in die res van die jaar.

Gebeure

• 260 – Pous Dionisius volg Pous Sixtus II op.
• 1183 – Pous Lucius III kom in Verona aan vir samesprekings met keiser Frederik I Barbarossa.
• 1567 – Alessandro Ottaviano de' Medici (later Pous Leo XI) word priester.
• 1697 – Pous Innocentius XII stel ses nuwe kardinale aan, waaronder Luiz de Sousa, aartbiskop van Lissabon.
• 1814 – Annibale Sermattei della Genga (later Pous Leo XII) dra Pous Pius VII se gelukwensing oor aan koning Lodewyk XVIII met sy heraanstelling na die val van Napoleon.
• 1844 – Pous Gregorius XVI stel vyf nuwe kardinale aan, waaronder Domenico Carafa della Spina di Traetto, aartsbiskop van Benevento.
• 1848 – Harry Smith verklaar Andries Pretorius tot rebel.
• 1933 – Wiley Post word die eerste vlieënier om alleen met 'n vastevlerkvliegtuig om die wêreld te vlieg.
• 1944 – Stigting van die Internasionale Monetêre Fonds.
• 1946 – 'n Irgun-bom vernietig die hoofkantoor van die Britse administrasie van Israel by die King David Hotel in Jerusalem, met 90 sterftes tot gevolg.
• 1950 – Die Belgiese koning Leopold III keer te midde van betogings uit ballingskap terug om weer die troon te bestyg.
• 1991 – Die reeksmoordenaar, Jeffrey Dahmer, word in hegtenis geneem nadat oorblyfsels van 11 mans en seuns in sy woonstel gevind is.
• 1994 – Die laaste stukke van die komeet Shoemaker-Levy 9 tref Jupiter.
• 2003 – Die Amerikaanse magte val 'n kamp aan in Mosoel, Irak en dood Saddam Hoessein se seuns Uday en Qusay.

Geboortes

• 1947 – Bles Bridges, Suid-Afrikaanse minnesanger († 2000).
• 1952 – Lucas Maree, Afrikaanse sanger en liedjieskrywer († 2011).
• 2013 – Prins George van Cambridge (gedoop George Alexander Louis), seun van Prins William, Hertog van Cambridge en 'n Britse troonopvolger.

Sterftes

• 1676 – Pous Clemens X, 239ste pous van die Rooms-Katolieke Kerk van 1670 tot 1676 (* 1590).
• 1932 – Reginald Fessenden, die eerste persoon wat mensestemme deur radiogolwe oorgedra het (* 1866).
• 1967 – Albert Luthuli, President van die ANC (* 1898).
• 1969 – Bertha Solomon, Suid-Afrikaanse feminis en Volksraadslid vir Jeppes van 1938 tot 1958 (* 1892).
• 2015 – Johan Degenaar, Suid-Afrikaanse filosoof en teoloog (* 1926).

Vakansies, vierings, en gedenkdae

• Pi-benaderingsdag, aangesien ²²⁄₇ die waarde van π (pi) benader.
• Feesdag van Maria Magdalena.