Facebook
Facebook; (bıwane: feysbuk) yew sitey internetio ke insani tede şikinê embazanê xo de irtıbat kuyê u yewbini ra xeberdar bê. 4 Gucige 2004 de hetê wendekarê Universıtey Harvardi Mark Zuckerbergi ra serba wendekaranê Universıtey Harvardi ame ronayış. Bado mektebê dormey Bostoni ki kewti Facebook, mabênê dı aşman de mektebê ke "Ligê Ivy" derê kewti şebekey Facebooki.
Abiyayışê Facebooki ra yew serre dıma heme mektebê ke Amerika derê kewti Facebook. Ezay raver teyna be adresanê e-mailanê mektebanê xo (.edu uçb) şikiyêne bıbê eza. Bado tayê lisey u şirketê gırdi ki kewti miyanê şebekey Facebooki.
Roca 11 Payizê Verêni 2006 de facebook heme adresanê e-mailan rê ebe tayê şertanê cıkewtışi (domanan rê tometo) bi a. Karberi şikinê ke şebekeyanê ke wazenê zey liseyan, universıteyan, cayanê guriyayışi, şırketan kuyê. Facebook, aşma Payizê Wertêni 2007 ra hata nıka ebe nezdiyê 35 milyon ezayanê xo, gorey istatistikanê Alexa, websiteyo 7ino ke dınya de tewr zêde yeno cıkewtış. (dewamê cı)
Nuştey heftey
Şa İsmail
Şa İsmail ya ki Şa Xetayi, (Farski Şah İsmail), namê hukımdarê dewleta Safewiyano.
Ced u khalıkê piyê xu sırf piri biyê. O ra dıma ki ine xu eşto politika miyan, biyê hukımdari. Khalık u piyê xu hetê dışeanu ra amê kiştene. Şa ismail ki mordemê dê xu o remno, zu ca de kerdo pil. Key ke biyo gırs, biyo hukımdarê dewlete.
Vanê ke, maya xu ki çêna Uzun Hasanio. Riyê ni ra serê dewlete Tırk benê, Tırki qeşi kenê. Taê idia gore kokê Şa İsmaili Kurdo. Khalıkê xu ki sırf Şafi biyo, i ra dıme ey mezhebê xu vurno, vêrdo Şiiêni. O taw Anatoliye de Elewiy zaf biyê. Şa İsmaili ki raa des u dı imamu, Hz. Eli, felsefe u itıqatê ine gureto, Elewiy untê hetê xo. O taw Osmanıcani ki dewletê da quwetıne biya. Yawuz Sultan Selim ordiyê xo gureto, amo Çaldıran. İtha de ceng kerdo. Şa İsmail ceng kerdo vindi. (dewamê cı)
