2010
in Wikipedia, die vrye ensiklopedie
2010 |
◄ | 20de eeu | ◄ 21de eeu ► | 22de eeu | ► ◄ ◄ | ◄ | 2005 | 2006 | 2007 | 2008 | 2009 | ◄ 2010 ► | 2011 | 2012 | 2013 | 2014 | 2015 | ► | ► ► |
Dae | Eeue | Geskiedenis |
Kalenders | ||||||||||||||||||||||||
|
Die jaar 2010 was 'n gewone jaar wat volgens die Gregoriaanse kalender op 'n Vrydag begin het. Dit was die 10de jaar van die 21ste eeu n.C. Dit was ook die eerste jaar van die dekade 2010's. Soos ander gewone jare het die jaar 12 maande, 52 weke en 365 dae gehad.
Die jaar is deur die Verenigde Nasies as die Internasionale Jaar van Biodiversiteit gedenk.
Gebeure[wysig | wysig bron]
- 12 Januarie – 'n 7.0 Aardbewing vernietig die hoofstad van Haïti, Port-au-Prince, grotendeels met sterftes tussen 220 000 en 500 000.
- 31 Januarie – Die Afrika-unie verander sy vlag.
- 12–28 Februarie – Die 21ste Olimpiese Winterspele word in Vancouver, Kanada, aangebied.
- 12-21 Maart – Die tiende Paralimpiese Winterspele word in Vancouver, Kanada, aangebied.
- 1 April – Sensus word in die Verenigde State van Amerika gehou.
- 15 April – Barack Obama beloof aan NASA 'n reis na Mars teen 2030.
- 20 April – Die Deepwater Horizon-oliestorting vind in die Golf van Meksiko plaas.
- 1 Mei – Geskeduleerde vlugte begin vanaf die nuwe Koning Shaka Internasionale Lughawe naby Durban.
- 7 Mei – Chili sluit by die OESO aan.
- 12 Mei – Vlug Afriqiyah Lugdiens Vlug 771 stort neer by die Tripoli Internasionale Lughawe.
- 13 Mei – Hemelvaartsdag.
- 31 Mei – Suid-Afrika is 'n 100 jaar oud.
- 9 Junie – Tweede Kamerverkiesings vind in Nederland plaas.
- 11 Junie – FIFA se Sokker-wêreldbeker skop af in Suid-Afrika.
- 11 Julie – Die eindstryd van die FIFA Sokker-Wêreldbekertoernooi in 2010 word deur Spanje in Johannesburg gewen.
- 21 Julie – Slowenië sluit by die OESO aan.
- 4 Augustus – Keniaanse kiesers stem in 'n referendum ten gunste van 'n nuwe grondwet wat onder meer die president se bevoegdhede beperk.
- 7 September – Israel sluit by die OESO aan.
- 10 Oktober – Die Nederlandse Antille word verdeel in Curaçao en Sint Maartin as aparte dele van die Koninkryk der Nederlande. Bonaire, Saba en Sint Eustatius word munisipale gebiede van Nederland.
- 14 Oktober – Nederland het 'n nuwe regering: die Rutte I-kabinet word saamgestel.
- 22 Oktober – Mianmar verander sy vlag.
- 9 Desember – Estland sluit by die OESO aan.
Sterftes[wysig | wysig bron]
- 23 Februarie – Madeleine van Biljon, 'n skryfster en joernalis (* 1928).
- 11 Maart – Hans van Mierlo (78), Nederlandse joernalis en politikus (* 1931).
- 24 Maart – Hermien Dommisse, Suid-Afrikaanse aktrise en regisseur (* 1916).
- 3 April – Eugène Terre'Blanche (59), Suid-Afrikaanse politikus en leier van die AWB; op sy plaas vermoor (* 1941).
- 10 April – Lech Kaczyński (60), president van Pole (* 1949).
- 10 April – Maria Kaczyńska (67), eggenote van Lech Kaczyński.
- 14 April – Miems de Bruyn (87), Suid-Afrikaanse aktrise (* 1922).
- 9 Mei – Hans Dijkstal (67), Nederlandse politikus (* 1943).
- 14 Mei – Frederik van Zyl Slabbert (70), Suid-Afrikaanse politikus, akademikus en besigheidsman (* 1940).
- 25 Mei – Bun Booyens, Afrikaanse kultuurhistorikus (* 1916).
- 26 Junie – Algirdas Brazauskas (77), Litause politikus, staatspresident en eerste minister (* 1932).
- 28 Junie – Robert Carlyle Byrd, Amerikaanse politikus (* 1917).
- 15 September – Bettie Cilliers-Barnard, een van Suid-Afrika se bekendste skilders (* 1914).
- 20 September – S.J.A. de Villiers, skrywer van seker die mees bekende kookboek in Suid-Afrika, Kook en Geniet (* 1919).
- 5 Oktober – Alba Bouwer, Suid-Afrikaanse kinderboekskryfster, bekende joernalis en maatskaplike werkster (* 1920).
- 27 Oktober – Néstor Kirchner (60), Argentynse politikus (goewerneur, staatspresident) en advokaat (* 1950).
- 27 Oktober – Gideon Joubert, 'n Suid-Afrikaanse verslaggewer en skrywer (* 1923).
- 25 Desember – Hendrik van Blerk (95), Afrikaanse skrywer en digter (* 1915)