2011
in Wikipedia, die vrye ensiklopedie
2011 |
◄ | 20de eeu | ◄ 21de eeu ► | 22de eeu | ► ◄ ◄ | ◄ | 2006 | 2007 | 2008 | 2009 | 2010 | ◄ 2011 ► | 2012 | 2013 | 2014 | 2015 | 2016 | ► | ► ► |
Dae | Eeue | Geskiedenis |
![]() |
||||||||||||||||||||||||
|
Die jaar 2011 was 'n gewone jaar wat volgens die Gregoriaanse kalender op 'n Saterdag begin het. Dit was die 11de jaar van die 21ste eeu n.C en die 2de jaar van die dekade 2010’s. Soos ander gewone jare het die jaar 12 maande, 52 weke en 365 dae gehad.
Die Verenigde Nasies het 2011 verklaar as die Internasionale Jaar van Woude.[1]
![](http://web.archive.org./web/20150908031138im_/https://upload.wikimedia.org/wikipedia/commons/thumb/e/e4/Distant_view_of_Rikuzentakata.jpg/150px-Distant_view_of_Rikuzentakata.jpg)
Uitsig oor Rikuzentakata, Japan, na die verwoestende aardbewings en tsoenami van 11 Maart 2011.
![](http://web.archive.org./web/20150908031138im_/https://upload.wikimedia.org/wikipedia/commons/thumb/c/c6/STS-135_begins_takeoff.jpg/150px-STS-135_begins_takeoff.jpg)
Die ruimtependeltuig Atlantis se laaste vlug.
Gebeure[wysig | wysig bron]
- 1 Januarie – Die Euro word ingestel in Estland.
- 1 Januarie – Die Amerikaanse dollar word ingelei in Bonaire, Saba en Sint Eustatius.
- 15 Februarie-20 Oktober – Die Libiese Burgeroorlog tussen rebelle van die Nasionale Oorgangsraad en die Libiese regering van Moeammar al-Ghaddafi, wat met 'n oorwinning vir die Nasionale Oorgangsraad eindig.
- 11 Maart – ’n Verwoestende 9.0 aardbewing skud Japan en veroorsaak ’n tsoenami met meer as 15 700 sterftes.
- 20 Maart – Parlementsverkiesings in Finland.
- 8–21 April – Die Krieketwêreldbeker word in Indië, Pakistan, Sri Lanka en Bangladesj aangebied.
- 29 April – Die bruilof van die Britse Prins William met die Engelse Kate Middleton.
- 30 April – Saturnus in opposisie.
- 1 Mei – Pous Johannes Paulus II word salig verklaar deur sy opvolger Pous Benedictus XVI.
- 5 Mei – Skotse parlementsverkiesings.
- 27 Mei – Die Internasionale Ruimtestasie word voltooi.
- 2 Junie – Hemelvaartsdag.
- 28 Junie – Die Hubble-ruimteteleskoop ontdek die vierde natuurlike satelliet van die dwergplaneet Pluto, Kerberos.
- 1 Julie – Die bruilof van die Monegaskiese Albert II met die Suid-Afrikaanse Charlene Wittstock.
- 6 Julie – Die IOK het in Durban, Suid-Afrika aangekondig welke stad die 2018-Olimpiese Winterspele gaan organiseer.
- 9 Julie – Suid-Soedan verklaar hul onafhanklikheid van Soedan.
- 12 Julie – Die planeet Neptunus het vir die eerste keer sedert sy ontdekking in 1846 een volledige omwenteling rondom die son voltooi.
- 14 Julie – Suid-Soedan word die 193ste lidland van die Verenigde Nasies.
- 24 Julie – Analoog televisie-uitsendings word in Japan gestaak.
- 27 Julie – Suid-Soedan word die 54ste lidland van die Afrika-unie.
- 31 Augustus—18 September – Die EuroBasket 2011 vind in Litaue plaas en word deur Spanje gewen.
- 8 September – ’n Aardbewing met ’n krag van 4,5 op die Richterskaal word oor ’n groot deel van Nederland gevoel. Die episentrum lê in die Duitse stad Xanten.
- 9 September-23 Oktober – Die sewende Rugbywêreldbeker word in Nieu-Seeland aangebied, wat deur die gasheer gewen word.
- 31 Oktober – Palestina word lid van die UNESCO.
- 25 November – Ringvormige sonsverduistering – hoofsaaklik oor Suid-Afrika, Antarktika en Nieu-Seeland.
- 28 November-9 Desember – Die Verenigde Nasies se Klimaatberaad word in Durban, Suid-Afrika, aangebied.
- 10 Desember – Totale maansverduistering – hoofsaaklik oor Asië, Australië en Alaska.
- 16 Desember – Rusland, Montenegro, Samoa en Vanuatu betree die Wêreldhandelsorganisasie.
Sterftes[wysig | wysig bron]
- 29 Januarie – Fanus Rautenbach, Suid-Afrikaanse radioomroeper, skrywer en mediapersoonlikheid (* 1928)
- 16 Februarie – Justinas Marcinkevičius, Litause digter, skrywer, dramatikus en vertaler (* 1930)
- 18 Februarie – Lucas Maree, Suid-Afrikaanse sanger en liedjieskrywer (* 1952)
- 28 Februarie – Jane Russell, Amerikaanse rolprentaktrise en sangeres (* 1921)
- 12 Maart – Hubert du Plessis, Suid-Afrikaanse komponis en pianis (* 1922)
- 16 Maart – Carel Boshoff, Suid-Afrikaanse politikus, stigter van Orania (* 1927)
- 23 Maart – Elizabeth Taylor, Brits-Amerikaanse aktrise (* 1932)
- 23 April – Max van der Stoel, Nederlandse politikus en diplomaat (* 1924)
- 27 April – David Wilkerson, Amerikaanse predikant, evangelis en skrywer (* 1931)
- 2 Mei – Osama bin Laden, Arabiese terroris en stigter van al-Kaïda (* 1957)[2]
- 7 Junie – Jorge Semprún, Spaanse skrywer (* 1923)
- 15 Junie – Zack du Plessis, Afrikaanse akteur (* 1949)
- 22 Junie – Kader Asmal, Suid-Afrikaanse politikus (* 1934)
- 13 Julie – Al Debbo, Suid-Afrikaanse akteur, komediant en sanger (* 1924)
- 18 Julie – Generaal Magnus Malan, voormalige Minister van Verdediging en Hoof van die SA Weermag (* 1930)
- 23 Julie – Amy Winehouse, Britse sangeres en liedjieskryfster (* 1983)
- 5 Oktober – Steve Jobs, Amerikaanse sakeman en medestigter van Apple Inc. (* 1955)
- 20 Oktober – Moeammar al-Ghaddafi, de facto leier van Libië van 1969 tot 2011 (* 1942)
- 17 Desember – Kim Jong-Il, leier van Noord-Korea van 1994 tot 2011. (* 1941/42)
- 18 Desember – Václav Havel, Tsjeggiese skrywer en voormalige staatspresident (* 1936)
- 24 Desember – Johannes Heesters, Nederlands-Duitse akteur en sanger (* 1903)
- 25 Desember – J.C. Kannemeyer, Afrikaanse skrywer en biograaf (* 1939)
- 29 Desember – Amichand Rajbansi, leier van die Minority Front in Suid-Afrika se Parlement (* 1942).
Verwysings[wysig | wysig bron]
- ↑ “United Nations Observances”. Verenigde Nasies. URL besoek op 30 November 2010.
- ↑ (en) N.Y. Times - Osama bin Laden is killed