21. ágúst
Úr Wikipediu, frjálsa alfræðiritinu
21. ágúst er 233. dagur ársins (234. á hlaupári) samkvæmt gregoríska tímatalinu. 132 dagar eru eftir af árinu.
Atburðir[breyta | breyta frumkóða]
- 1011 - Njáll Þorgeirsson og heimilisfólk hans á Bergþórshvoli í Landeyjum var brennt inni í hefndarskyni af Flosa Þórðarsyni og mönnum hans. Kári Sölmundarson komst lífs af úr brennunni. Frá þessum atburði, aðdraganda og eftirmálum segir í Njálu.
- 1238 - Örlygsstaðabardagi í Skagafirði, þar börðust þrjár ættir um völdin í landinu. Sturla Sighvatsson og faðir hans, Sighvatur Sturluson, féllu báðir en sigurvegari varð Kolbeinn ungi Arnórsson, studdur af Gissuri Þorvaldssyni.
- 1400 - Owain Glyndŵr lýstur prins af Wales af fylgismönnum sínum og hóf árásir á virki Englendinga í Norðaustur-Wales.
- 1439 - Eiríkur af Pommern var settur af embætti í Svíþjóð.
- 1604 - Fyrstu íbúarnir komu til Gautaborgar.
- 1642 - Enska borgarastyrjöldin: Fyrsta orrustan við Lostwithiel.
- 1680 - Púeblóuppreisnin: Púeblóindíánar hertóku Santa Fe.
- 1797 - Sveinn Pálsson gekk á Heklu í annað sinn.
- 1810 - Sænska þingið kaus franska marskálkinn Jean-Baptiste Bernadotte (síðar Karl 14. Jóhann) krónprins Svíþjóðar.
- 1821 - Jarviseyja var uppgötvuð af breska skipinu Eliza Francis í eigu Jarvis-bræðra.
- 1905 - Lagning ritsíma til Íslands og símalínu frá Austfjörðum til Akureyrar og Reykjavíkur var samþykkt á Alþingi.
- 1932 - Vígð var 170 metra löng brú á Þverá í Rangárvallasýslu að viðstöddu fjölmenni.
- 1942 - Vélbáturinn Skaftfellingur með sjö manna áhöfn bjargaði 52 Þjóðverjum af sökkvandi kafbáti undan Bretlandsströndum.
- 1958 - Friðrik Ólafsson, skákmaður, varð stórmeistari, 24 ára gamall.
- 1973 - Ásgeir Sigurvinsson, átján ára gamall knattspyrnumaður úr Vestmannaeyjum, hóf atvinnumannsferil sinn með belgíska liðinu Standard Liege.
- 1988 - Stuðlabergsdrangur var reistur í Skagafirði til minningar um Örlygsstaðabardaga er 750 ár voru liðin frá atburðinum.
- 1991 - Lettland lýsti yfir sjálfstæði frá Sovétríkjunum.
Fædd[breyta | breyta frumkóða]
- 1165 - Filippus 2. Frakkakonungur (d. 1223).
- 1765 - Vilhjálmur 4. Bretakonungur (d. 1837).
- 1789 - Augustin Louis Cauchy, franskur stærðfræðingur (d. 1857).
- 1821 - Louis Vuitton, franskur tískuhönnuður (d. 1892).
- 1864 - Þorleifur Jónsson, íslenskur stjórnmálamaður (d. 1956).
- 1930 - Margrét af Snowdon bresk prinsessa og samkvæmisljón (d. 2002).
- 1938 - Kenny Rogers, bandarískur sveitasöngvari.
- 1940 - Sigríður Eyþórsdóttir, íslensk leikkona.
- 1951 - Sigurður Á. Friðþjófsson, íslenskur rithöfundur.
- 1967 - Serj Tankian, söngvari System of a Down.
- 1973 - Sergey Brin, einn af stofnendum Google.
- 1986 - Usain Bolt, jamaískur spretthlaupari.
- 1988 - Robert Lewandowski, pólskur knattspyrnumaður.
- 1989 - Hayden Panettiere, bandarisk leikkona.
Dáin[breyta | breyta frumkóða]
- 1157 - Alfons 7., konungur Kastilíu (f. 1105).
- 1614 - Erzsébet Báthory, ungversk greifynja og fjöldamorðingi (f. 1560).
- 1720 - Þórður Jónsson, íslenskur prestur (f. 1672).
- 1762 - Lafði Mary Wortley Montagu, enskur rithöfundur (f. 1689).
- 1931 - Þórður Tómasson, skáld og þýðandi (f. 1871).
- 1940 - Lev Trotskíj, rússneskur stjórnmálamaður (f. 1879).
- 1964 - Palmiro Togliatti, ítalskur stjórnmálamaður (f. 1893).
- 2005 - Robert Moog, hönnuður Moog-tóngervilsins (f. 1934).
|