Destanê Gılgamışi yew destanê Sumeran o. Gılgamış, qralê pancina xanedanê Urukiyê Sumerano. Gorey vatışan Gilgamışi 126 serri hukımdarine kerda. Ema wextê hukımdarey ey tam belli niyo. Gılgamış yew qralo ke "Nagbu Imuru", yani "Keso ke heme çi diyo"yo. O yew hukımdaro eqılo, zanayo, riyê erdi u deryayan sero geyrayeyo, hikmet kefş kerda. Namey ey oricinalê xo de "Izdubar", "Gizdubar" ya zi "Gişdubar"o. Gılgamış versiyonê Yunankiyo.
Gılgamış, hirê ra dı Homa, hirê ra yew zi merdumo. Şarê Uruki Gılgamışi ra zehf hez keno. O zehf xurto, yew cengawero. Homa Aruru, Gılgamışi rê yew reqib xeleqnena, namey ey Engiduyo. Engidu yew bırro zehf gırd de cıwiyeno. O zey yew heywaniyo, zehf dest u paiyo, quwetıno, zehf gırd u zehf xurto. Gılgamış yew plan vırazeno ke Engiduy biyaro bacarê Uruki. Gılgamış no planê xo de ser keweno. (dewamê cı)
Nuştey heftey
Selahattin Demirtaş
Selahattin Demirtaş yew sîyasetkaro kird o. 10 Nîsanê 1973 de Pali de bîyo. Babî Demirtaşî serranî 1970 de keyeyî xo bar keno beno Dîyarbekir. Demirtaşî Dîyarbekir de bîyo pîl. Nameyê pîyê xo Tahir o. Nameyê maya xo Sadiye ya. O mektebo verên, werteyên û lîse Dîyarbekir de qedînay.
Di serrî Unîversîteyê Ege de lizgê Tîcaretî de wend. Labela o wêxt de, Selahattin Demirtaş û birayo xo pîl Nurettin Demirtaş pîya kewt hepîs. Demirtaşî Unîversîteyê Ege ca verda û 1994 de Fakulteyê Huquqî, Unîversiteyê Anqara de dest pê kerd. 1998 de perwerdê xo qedêna.
Cuwa pê, Dîyarbekir de yew ofisê aboqatî kerd a. 2002 de zewiciyo û di tene domanê xo estê. Yew doman laj o û yew doman zî kena ya. (dewamê cı...)
