Iraq
Iraq | |||||||||
---|---|---|---|---|---|---|---|---|---|
|
|||||||||
Motto: Allāh Akbar [1] | |||||||||
|
|||||||||
Informasion | |||||||||
Nome par intiero: | Republica irachena | ||||||||
Nome ufisiałe: | جمهوريّة العراق al-Jumhūriyya al-ʿIrāqiyya |
||||||||
Łéngoa uficiałe: | arabo, curdo | ||||||||
Cavedal: | Baghdad (5 772 000 ab. / 2003) | ||||||||
Polìtega | |||||||||
Capo de stato: | Jalāl Tālabānī | ||||||||
Capo de governo: | Nūrī al-Mālikī | ||||||||
Indipendensa: | Dal Regno Unìo nel 1932 | ||||||||
Ingreso a l'ONU: | 21 dicenbre 1945 1 | ||||||||
Area | |||||||||
Totale: | 437 072 km² | ||||||||
Pos. nel mondo: | 57° | ||||||||
% delle acque: | trascurabile % | ||||||||
Popolasion | |||||||||
Totałe: | 27 102 912 ab. (2005) | ||||||||
Pos. nel mondo: | 44° | ||||||||
Densità: | 62 ab./km² | ||||||||
Giografia | |||||||||
Continente: | Asia | ||||||||
Fuxo oràrio: | UTC +3 | ||||||||
Economia | |||||||||
Vałuta: | dīnār iracheno | ||||||||
Varie | |||||||||
TLD: | .iq | ||||||||
Prefiso tełef.: | +964 | ||||||||
Sigla autom.: | IRQ | ||||||||
Ino nasionałe: | Mawtini [2][3] | ||||||||
1El xe uno dei 51 Stati che ga fondà l’ONU nel 1945. |
L'Iraq [4] el xe un Stato del Medio Oriente, situà nel sud-ovest asiatico.
El confina co l'Arabia Saudita e el Kuwait a sud, la Giordania a ovest, la Siria a nordovest, la Turchia a nord, e l'Iran verso est. El xe bagnà da el Golfo Persego a sudest.
Indice
Giografia[canbia | canbia sorxente]
El so teritorio el corisponde a quelo de la vecia Mesopotamia, la "tera dei do fiumi" (Bilād al-Rafidayn in arabo), mentre el nome de desso el vien dal persian eraq, che vol dir "tere basse" (rispeto a l'altopian iraniano).
Storia[canbia | canbia sorxente]
Antighità[canbia | canbia sorxente]
In Mesopotamia xe nato alcune de le pi vece siviltà del mondo: i Sumeri, i Babilonesi, i Assiri.
La ga fato parte de l'inpero persian fin quando xe rivà i Arabi in tel 656 d.C.. I Arabi i ga portà l'Islam e Baghdad la xe deventà una de le sità pi inportanti del mondo islamico.
I Mongoli i ga invaso do volte l'odierno Iraq, nel 1251 e dopo nel 1401 con Tamerlan.
In tel 1638 el xe passà soto l'inpero otoman.
Indipendensa[canbia | canbia sorxente]
A la fine de la prima guera mondial i lo ga ciapà i britaneghi, che i lo ga proclamà indipendente el 1° otobre 1919, soto forma de monarchia. I britaneghi però i ga continuà a governarlo co un mandato de la Società de le Nassion e nel 1941 i ga stofegà nel sangue un colpo de stato sostegnùo da la Germania nazista.
Finìa la seconda guera mondial i britaneghi i xe ndà via, ma in tel 1958 l'esercito iracheno el ga fato n'altro colpo de Stato proclamando la republica.
Storia resente[canbia | canbia sorxente]
Dopo varie lote par el potere, nel 1979 Saddam Hussein el xe deventà presidente de l'Iraq, metendo su na ditatura.
In tel 1980 l'Iraq, col sostegno economico dei mericani, el ga atacà l'Iran dove da poco i gavea parà via el scià e messo su na republica islamica. La guera la xe finìa solo nel 1988 sensa canbiamenti teritoriali e con piassè de un milion de morti.
In tel 1990 l'Iraq el ga invaso el Kuwait. In risposta le Nassion Unìe le ga autorixà l'invio de na forsa multinassional guidà dai mericani, che nel zenaro-febraro 1991 la ga liberà el Kuwait.
El 19 marso 2003 l'Iraq el xe stà invaso da na coalission guidà dai mericani, che ga conquistà in pressia tuto el paese, metendo in piè un governo novo, de tipo democratico. In tel dicenbre 2003 i mericani i ga ciapà Saddam Hussein. Le nove autorità irachene le lo ga processà e condanà a morte pa i so crimini. El 30 dicenbre 2006 i lo ga picà.
El novo governo el ga vuo finora tanti problemi, sopratuto par via dei atachi teroristici scadenà dai islamici fondamentalisti contro i soldai ocupanti, che de conseguensa no i ga gnancora podesto ndar via par paura che el governo iracheno nol sia bon de controlar da solo el paese. In più drento del governo a olte i barufa tra le etnie prinsipali. Però pararìa che un fià a la olta sti problemi i se staga risolvendo. I mericani i pensa de poderse ritirar da l'Iraq nel 2011.
Giografia politega[canbia | canbia sorxente]
La cavedal la xe Baghdad.
Demografia[canbia | canbia sorxente]
El popolo iracheno se divide in tri etnie prinsipali: curdi, sciiti e sunniti.
Economia[canbia | canbia sorxente]
L'Iraq el xe el quindicesimo paese al mondo par produsion de petrolio, ma el quarto contando inveze le riserve.
Note[canbia | canbia sorxente]
- ↑ Dio xe grande
- ↑ Patria mia
- ↑ El vecio inno Arḍ al-Furātayni Waṭan "La tera dei do Eufrate xe la Patria" el xe stà sostituìo, dopo l'invasion anglo-mericana.
- ↑ a olte se cata scrito anca Irak par via de la trasliterassion francese o inglese
Altri progeti[canbia | canbia sorxente]
Su Commons ghe xe dei file multimediałi su Iraq
Su Wikinotizie ghe xe de łe notisie de atuałità su Iraq
Colegamenti par fora[canbia | canbia sorxente]
- Scheda de l'Iraq dal sito Viaggiare Sicuri - Sito curà dal Ministero dei Esteri e da l'ACI