Ti Sahara ("Ti Nalatak a Desierto") ket isu daytoy ti kadakkelan a napudot desierto iti lubong ken ti maikatlo a kadakkelan a desierto, kalpasan ti Antartika ken ti Artiko. Addaan daytoy iti sumurok a 9,400,000 kuadrado kilometro (3,600,000 kuadrado milia), daytoy ket kaaduan a sakupenna ti Amianan nga Aprika, a makaaramid daytoy ti gangani a kadakdakkel ti Tsina wenno ti Estados Unidos. Ti Sahara ket maigay-at manipud ti Baybay Nalabbasit, ken mairaman dagiti paset ti aplaya ti Mediteraneo, aginggana kadagiti kaigidan ti Taaw Atlantiko. Iti abagatan, daytoy ket naipatinggaan babaen ti Sahel, ti barikes ti namaga bassit a tropikal a sabana a buklen ti akin-amianan a rehion ti tengnga ken lumaud a Sub-Sahara nga Aprika.
Dagiti pagbeddengan ti Sahara ket ti Taaw Atlantiko iti laud, ti Banbantay Atlas ken ti Mediteraneo iti amianan, ti Baybay Nalabbasit iti daya, ken ti Sudan ken ti ginget ti Karayan Niger iti abagatan. Ti Sahara ket nabingbingay iti akinlaud a Sahara, ti sentral a Banbantay Ahaggar, ti Banbantay Tibestis, ti Banbantay Aïr, ti desierto Ténéré ken ti Desierto Libya. Ti kangatuan a pantok idiay Sahara ket ti Emi Koussi (3,415 metro (11,204 kadapan)) idiay Banbantay ti Tibesti idiay akin-amianan a Chad.
... a ti Bangkok ket ammo pay iti pagsasao a Tailandes iti "Krung Thep Maha Nakhon" wenno "Krung Thep" a ti kaibuksilanna ket "siudad dagiti anghel"?
... a ni Papa Gregorio X ket nairugi ti pannakabutosna a kas papa idi 1268 ken nagpatingga idi 1271 ken isu ti kapautan ti pannakabutosna a kas papa ti pakasaritaan iti Romano Katoliko a Simbaan?
... a ti Danaw Baikal iti kaadalem a 1,642 m (5,390 kadapan) ken edad a 25 a riwriw a tawtawen ket isu ti kaadaleman ken kaduogan a danaw iti lubong?
Naragsak a panagdadanon ditoy Ilokano Wikipedia, kakabsat!
Ipatpategmo kadi ti kina-Ilokanom? Ipasindayagmo kadi met ti kina-Saluyotmo? Mail-iliwanka kadi no mangngegmo ti bukodmo a sao aglalo no addaka iti ganggannaet a lugar? Kayatmo kadi a maitandudo ken maitampok ti tattao nga Ilokano ken ti pagsasaom? Tulongandakami man ngarud a mangpadakkel iti daytoy a Wikipedia para kadagiti Ilokano ken iti amin.
Saan nga iti kaadu ti artikulo ti birbirukenmi, dagiti panid ken artikulo a nabukel, nalawag, ken makita ti napatpateg. Ala, man, ngarud, sumrekka metten, a, kabsat, ta agbibinnadangtayo a mangpadur-as iti Ilokano Wikipedia!
Agdadamoka kadi? Surotem ti pakabuklan ti Ilokano Wikipedia.
Daytoy a Wikipedia ket naisurat iti Ilokano. Nairugi daytoy idi Oktubre 7, 2005 ken agdama nga aglaon kadagiti 6,721 nga artikulo. Ti Wikipedia ket naisurat pay kadagiti nadumaduma a pagsasao, makita dita baba dagiti Wikipedia ti Pilipinas ken dagiti sabali pay a pagsasao ti Wikipedia.
