Septyembre a singko taong kasalukuyn sa Eastern Mindanao Command ay naganap nanaman ang isang Change of Command Ceremony na kung saan si Lt. Gen. Ricardo Rainier Cruz III ay pinalitan ni Brigadier General Aurelio Baladad. Si Gen Cruz ay kilalang mabuting Heneral ng sandatahang lakas ng bansa. Isa siya sa mga pangunahing opisyal ng sandatahang lakas na graduate ng Philippine Military Academy “Mapitagan” Class of 1980 na nagretiro ngayung taon. Ayon sa mga kilala ng heneral ito daw ay isang mahinahon at intelectual na pinuno sa lahat ng kanyang naging mga assignment. Ang pagreretiro ng marami sa PMA Class of 1980 at ilan sa 1981 ang naging sanhi ng malawakang pagbabago sa pamunuan ng militar sa bansa ngayung taon. Si BGen Baladad naman na mula sa PMA Class 1984 ay galing sa 3rd Infantry Division sa lalawigan ng Capiz. Siya ang outgoing commander duon. Sakay ng Foker Plane, si Lieutenant Gen. Hernando DCA Iriberri, Commanding General ng Philippine Army kasama ng iba pang matataas na pinuno ng Army, ay nagtungo ng Roxas City upang maging Guest of Honor sa isa ring Change of Command Ceremony kung saan si Gen. Baladad ay binigyan ng relinquishment order duon. Ang probinsiya ng Capiz ay ang isa sa mga mabibigat na nasalanta ng Bagyong Yolanda at kababangon lamang nito mula sa pagkaguho ng maraming straktura at mga kabahayan. Ayon sa aming mga nakapanayam sa siyudad ng Roxas, malaki ang naging partisipasyon ng 3rd ID sa ilalim ng administrasyon ni Gen. Baladad, sa pagsagip at pagtulong nito sa mga mamamayang nasalanta ng bagyo at sa pagbuo muli ng kanilang mga kabuhayan sa lugar na ito. Pagkatapos ng Change of Command sa 3rd ID sinundo nila si BGen. Baladad upang ihatid patungong Davao at duon nama'y tanggapin ang kanyang assumption order sa paghirang naman ni General Gregorio Pio Catapang Jr. bilang commander duon. Isa-isang nagdatingan ang mga matataas na opsiyal ng sandatahang lakas ng pilipinas at nag mistulang maliit ang stage dahil sa mga panauhin nito. Sa kanyang speech, binigyan diin ni Gen. Catapang ang mga naging accomplishment ni Gen. Cruz sa EastminCom at sinabi pa niya na ang EastminCom ang na Adjudged as the BEST Unified Command of the AFP for Performance Base Bonus (PBB) for the calendar year 2013. Ito nga halos ang inaasahan ng marami. Na mapapasaya ni Gen. Cruz ang lahat sa kanyang speech. Ito ang listahan ng iba pang mga accomplishment ni Gen. Cruz ayon sa ulat ni Captain Alberto C. Caber ang Public Affairs Officer ng EastminCom. Binigyan ng parangal ang outgoing commander pati na ang kanyang maybahay na si Ginang Dolly Cruz Pinuri ni Gen. Baladad ang kanyang predecessor at pinasalamatan ang marami sa pagkakatalaga sa kanya bilang pinuno ng EastMincom. Bukod sa naghanda ang Davao City --sa pangunguna ni City Mayor Rodrigo Duterte-- ng isang salo-salo bisperas pa lang ng Change of Command para sa papaalis na opisyal at sa paparating ng commander; ang seremonya ay dinaluhan rin ng mga kilalang stakeholders ng siyudad. Ang Retirement Ceremony ni Gen. Cruz ay pinaunlakan nina Lt. Gen. Felicito Virgilio M. Trinidad Jr na commander ng Northern Luzon Command, si Major Gen. Nicanor M. Vivar na Commander ng Central Command, si Major General Domingo Tutaan na siyang AFP spokesperson at marami pang iba. Si General Cruz ay namuno bilang Commander sa EastMinCom simula 22 April 2013 hanggang 06 September 2014. Kasabay sa okasyon ay ginanap ang pag-issue ng mga bagong M14 riffles sa mga sundalo ng EastMinCom sa pamamatnugot ni Gen. Erriberi upang mapa-igting pa ang capabilidad ng sandatahang lakas sa lugar Ang Turn-Over of Command ay matagumpay na natapos at kami ay bumalik ng Maynila. Nagpapasalamat kami sa mga tauhan ng Philippine Air Force sa pag asikaso sa amin sa C130 pabalik ng Maynila at gayun din sa Fokker Plane patungong Roxas at Davao. Salamat sa aide at staff ni Lt Gen Hernando DCA Iriberri sa pag accommodate sa amin at hinding hindi naman malilimutan ang kabaitan sa amin ni Cpt. Caber at General Cruz na mula pa sa 1st Infantry "Tabak" Division hanggang EastMinCom ay itinuring na naming tunay na kaibigan.

• published: 18 Sep 2014
• views: 16