Ġimgħa ta' Kultura' fl-iskola primarja tal-Gżira

• Report rights infringement
• published: 27 May 2013
• views: 763

Matul din il-ġimgħa, fl-Iskola Primarja Santa Monika tal-Gżira qed issir Ġimgħa ta' Kultura organizzata mill-Kunsill tal-iskola. L-attivitajiet matul din il-ġimgħa huma ppjanati għal kull klassi tal-iskola skont l-eta' tat-tfal u għandhom l-għan li l-istudenti jduqu l-ħajja Maltija tal-imgħoddi. Fl-iskola ġew organizzati diversi logħob tradizzjonali Maltin bħall-passju, iż-żunżana ddur iddur u bum bum il-bieb. Qed isir ukoll xogħol tal-bizzilla biċ-ċombini fil-foyer tal-iskola fejn hemm ukoll numru ta' artifatti u oġġetti antiki esebiti kif ukoll posters miġbura mit-tfal stess u mill-għalliema taħhom. Qed isir ukoll qari fil-librerija u ikel tradizzjonali Malti bħall-bigilla, ġbejniet u l-ftajjar li t-tfal jistgħu jduqu u kanzunetti tradizzjonali. Fl-iskola, soru anzjana kienet mistiedna biex tkellem lill-kalssijiet differenti dwar l-esperjenza tagħha u tal-poplu Malti fi żmien il-gwerra. L-iskola żżejnet ukoll b'pavaljun tal-festa u liedna tal-festa li ngħataw mill-knisja tal-Karmelitani tal-belt Valletta. Fi tmiem din il-ġimgħa, l-istudenti se jinġabru f'assembly fejn se ssir preżentazzjoni tal-attivitajiet differenti li jkunu saru.