Ti aldaw ket maysa a paset ti panawen, a sapasap a naipalpalawag a kas ti pagbayatan a dumagup ti 24 nga oras. Mabalin pay a kaibuksilanna ti paset ti sibubukel nga aldaw a ti agdama a lokasion ket nasilnagan babaen ti lawag ti Init, a naamammoan pay a kas ti aglawag. Ti paset ti panawen a mangrukrukod manipud ti lokal a tengnga ti aldaw aginggana ti lokal a tengnga ti aldaw ket makunkuna a ti solar nga aldaw.
Ti nadumaduma a panangipalpalawag iti daytoy a sangalubongan a konsepto ti tao ket maus-usar segun ti linaon, kammasapulan ken pakainugotan. Idi 1967, ti segundo ket nabaliwan idi ti panakaipalpalawagna iti termino ti kaatiddog ti allon ti lawag, ken daytoy ket nagbalin a ti SI a batayan ti paset ti panawen. Ti paset ti panagrukod para iti panawen a makunkuna nga "aldaw", ket nabaliwan idi 1967 a kas ti 86,400 SI a segsegundo ken naikkan ti simbolo a d, ket saan a paset a SI, ngem daytoy ket naaw-awat para iti panag-usar ti SI.
Ti maysa a sibil nga aldaw ket kadawyan a daytoy pay ket 86,400 a segundo, mabalin a manayonan wenno makissayan ti bisiesto a segundo iti Panagpapada ti Sangalubongan nga Oras UTC, ken, kadagidiay dadduma pay a lokasion, sagpaminsan a manayonan wenno makissayan ti maysa nga oras no agibalbaliw manipud wenno mapan ti oras a panagin-inut ti lawag. Ti balikas nga aldaw ket mabalin pay a mangitudo ti aldaw iti lawas wenno ti maysa a petsa ti kalendario, a kas ti sungbat ti saludsod nga "Ania nga Aldaw?" Ti aldaw ket mangipatudo pay ti paset ti aldaw a saan a rabii — a makunkuna pay a kas ti 'bigat'. Dagiti tabas ti biag ti tattao ken dagiti dadduma pay a sebbangan ket maikabagian ti solar nga aldaw ti Daga ken ti siklo ti aldaw ken rabii.
... a ni Qin Shi Huang ket isu ti immuna a nagbalin nga emperador ti nagkaykaysa a Tsina?
... a ti pagsasao nga Ilokano ket adda dagiti nasurok a 9 a riwriw a bilang dagiti agsasao iti sibubukel a Pilipinas ken saan pay a maibilbilang dagiti agsasao manipud kadagiti ganganaet a pagilian?
... a ti aldaw ket umat-atiddog ti agarup a 1.7 milisegundo ti tunggal maysa a siglo?
... a ni Diego Silang ket panggepna idi a mangibangon iti nawaya ken agwaywayas a pagilian dagiti Ilokano idi simmuppiat kadagiti simmakup a Kastila?
Naragsak a panagdadanon ditoy Ilokano Wikipedia, kakabsat!
Ipatpategmo kadi ti kina-Ilokanom? Ipasindayagmo kadi met ti kina-Saluyotmo? Mail-iliwanka kadi no mangngegmo ti bukodmo a sao aglalo no addaka iti ganggannaet a lugar? Kayatmo kadi a maitandudo ken maitampok ti tattao nga Ilokáno ken ti pagsasaom? Tulongandakami man ngarud a mangpadakkel iti daytoy a Wikipedia para kadagiti Ilokano ken iti amin.
Saan nga iti kaadu ti artikulo ti birbirukenmi, dagiti panid ken artikulo a nabukel, nalawag, ken makita ti napatpateg. Ala, man, ngarud, sumrekka metten, a, kabsat, ta agbibinnadangtayo a mangpadur-as iti Ilokano Wikipedia!
Agdadamoka kadi? Surotem ti pakabuklan ti Ilokano Wikipedia.
Daytoy a Wikipedia ket naisurat iti Ilokáno. Nairugi daytoy idi Oktubre 8, 2005. Ti Wikipedia ket naisurat pay kadagiti nadumaduma a pagsasao, makita dita baba dagiti Wikipedia ti Pilipinas ken dagiti sabali pay a pagsasao ti Wikipedia.
