封面
来自 吴语维基百科
时新图文
依夫城堡（法文：Château d'If），造勒马赛非乌勒群岛(Archipel du Frioul) 上个城堡。
1516年期，法国国王弗朗斯伐一世（François Ier）来玛里娘打仗，一落头地打到马赛。从依夫岛望，渠分析马赛根本呒有防外侵个防卫设施。怪得渠命令来岛上造一个防卫城。过8年，西班牙国王卡洛斯一世（法文：Charles Quint，神圣罗马帝国五世国王）只想畀马赛吞哉。虽然讲特派大臣米朗达勒(Mirandal)畀进攻部队打退哉，不过箇事体还讲明一个问题：城市进口个防卫要加强。箇年，也便是1524年，第一批城墙开造咾望渠里好保护港口，外加派仔200个兵搭22门大炮摆岛上。
马赛人弗认帐，还畀箇城堡过号过起“烦个邻舍”(L'importune voisin)。马赛人开始争论箇城堡，因为来1481年前，马赛弗是法国个领土。怪得对渠里来讲，城堡是法国国王对马赛掌权个象征。
城堡最终来1531年造好。西班牙国王卡洛斯一世后晚来1536年也亲自进攻马赛，不过渠登拉城堡边浪向兜仔几圈，终归还是呒有办法畀渠打落来。
依夫城堡来城堡造起交关年数之后，大约莫来16世纪中央，咦有用来当监牢个功能。城堡个地理位置搭建筑风格咾，渠变做理想个监牢，难板有人逃得出。只讲人畀城堡守牢便好哉，外加城堡也从来呒有人走来进攻。
