President Benigno S. Aquino III's Speech at the retirement ceremony of Lt. Gen. Lauro Catalino Dela Cruz and Philippine Air Force (PAF) Change of Command, Air Education and Training Command (AETC) Grandstand, Fernando Air Base (FAB), Lipa City, Batangas, | Speech (Full text) below | Audio | http://www.pcoo.gov.ph/pnoy/pnoy%20speech-airforce%2025%20april%202014.mp3 | Secretary Voltaire Gazmin; Representative Mark Llandro Mendoza; Representative Francisco Acedillo; Vice Governor Mark Leviste; General Emmanuel Bautista, the Chief of Staff; Major General Jeffrey "Jeff" Delgado, the new Commanding General of the Philippine Air Force; Lieutenant General Lauro Catalino dela Cruz, the outgoing Commanding General of the Philippine Air Force; Vice Admiral Jose Luis Alano; Lieutenant General Hernando Iriberri; Vice Admiral Rodolfo Isorena; Most Reverend Leopoldo Tumulak; foreign military attaches present; former Commanding Generals, officers, men and women of the Philippine Air Force; local government officials present; fellow workers in government; honored guests; mga minamahal kong kababayan; Magandang umaga po sa inyong lahat. Mahigit dalawang taon na po ang nakakalipas nang maghanap tayo ng susunod na pinuno ng Philippine Air Force upang humalili sa noo'y magreretirong si Lieutenant General Oscar Rabena. At isa nga po sa mga kandidato rito ay si General Larry dela Cruz. Hindi ko man siya noon kakilala, nangibabaw po siya sa lahat ng kandidato. Kahanga-hanga ang ipinamalas niyang katangian sa serbisyo: patas siya sa lahat ng posisyong kanyang hinawakan; at sa kabila ng di-mabilang na parangal na kanyang natanggap, naging huwaran siya ng pagpapakumbaba. Iginagalang ang kanyang liderato dahil sa kanyang husay at kakayahan, gayundin sa pagmamalasakit sa kanyang nasasakupan. Malinaw naman po: Hindi tayo nagkamali sa pagpili kay Lieutenant General dela Cruz na pamunuan ang ating Hukbong Himpapawid. Mas matayog ang naging tagumpay, at mas lumakas ang puwersa ng ating Air Force mula nang siya ay manungkulan. Maigting niyang itinaguyod ang propesyunalismo sa Hukbong Himpapawid, at sinigurong nasasagad ang kakayahan at serbisyo ng inyo pong hanay. Noon nga pong nagsimula tayo, isa lang ang ating C-130. Ibig sabihin, isa lang ang eroplano nating may kakayahang maghatid ng bulto-bultong kagamitan sa mga sundalong nakadestino sa malalayong lugar, at magpadala ng tulong sa mga sinalanta ng bagyo. Pero hindi ito naging dahilan para magpatumpik-tumpik ang inyong hanay. Nang sinalanta ng Bagyong Sendong ang Visayas at Mindanao noong 2011, nag-iisa man ang ating C-130 ng panahong iyon, hindi ninyo inalintana ang maya't mayang pagbalik o pagbabalik sa mga apektadong lugar para sumaklolo. Fast forward naman po tayo sa 2013, kung kailan patong-patong na delubyo ang dumating sa ating bansa. Mula sa gulo sa Zamboanga, lindol sa Cebu at Bohol, hanggang sa pananalanta ng bagyong Yolanda sa Kabisayaan, nasaksihan ng mundo ang inyong pambihirang serbisyo ninyo sa ating mga kababayan. Hindi kayo nagpasindak sa karahasan, hindi kayo nawalan ng loob sa kabila ng paghahasik ng agam-agam ng iilan, at hindi kayo umatras sa nakaambang mga peligro. Kongkretong halimbawa nito ang ipinakitang tapang at gilas ng Air Force sa pagresponde sa mga sinalanta ng supertyphoon Yolanda. Ayon nga sa PAGASA, peligroso pang lumipad pagkatapos ng bagyo. At sa babalang ito, wala naman sigurong makakapagsumbat sa ating mga piloto kung hindi sila makapunta agad sa mga apektadong lugar. Pero sa sandaling pumasok na sa "acceptable parameters" sa paglipad ang sitwasyon, agad na tumungo ang Air Force sa Leyte. Kaya naman pagkatapos na pagkatapos ng bagyo, may mga dumating na tayong helicopter na sakay ang mga kasapi ng Sandatahang Lakas para buksan ang Tacloban Airport. Sa loob ng dalawang oras, nakalapag na ang tatlong C-130 sa Tacloban, at dire-diretso nang tumungo sa mga sortie—nagkaloob ng relief goods at gamot, at nagbitbit ng mga sugatan sa mga ospital sa labas ng Tacloban. ( C O N T ... http://www.pcoo.gov.ph/speeches2014/speech2014_apr25.htm )

• published: 25 Apr 2014
• views: 195