Tuisblad

Welkom by Wikipedia, die vrye ensiklopedie wat deur enigeen gewysig kan word.	Woensdag, 26 Maart 2014 Hier is tans 30 824 artikels in Afrikaans.
Help ons om ’n wêreldklas Afrikaanse ensiklopedie te skep.

Inleiding • Hulp • Kontak

Gebruikersportaal • Voorbladartikels • Kategorieë • Stel ’n vraag

Voorbladartikel

William Philip Schreiner (Wittebergen-reservaat, distrik Herschel, Kaapkolonie, 30 Augustus 1857 tot Llandrindod Wells, Wallis, 28 Junie 1919) was 'n Suid-Afrikaanse prokureur, regsadviseur, prokureur-generaal, eerste minister van die Kaapkolonie, senator van die Unie van Suid-Afrika en hoë kommissaris in Londen, hoewel hy waarskynlik veral onthou word as die broer van Olive Schreiner, die eerste skrywer in Suid-Afrika wat Engelse prosa van eersterangse kaliber opgelewer het. Hy en sy suster, onderskeidelik hul ouers se negende en tiende kind, was die skranderste van die kroos van twaalf.

William Schreiner het 'n leidende rol gespeel in die laaste twee dekades van die 19de eeu wat uitgeloop het op die Suid-Afrikaanse Oorlog. Nadat hy weens verdeeldheid in sy kabinet oor die Suid-Afrikaanse Oorlog as eerste minister van die Kaapkolonie moes bedank, het hy eers weer in 1908 tot die aktiewe politiek teruggekeer en nooit weer 'n leidende rol gespeel soos in die 19de eeu nie. Dr. W.J. de Kock skryf in Heldegalery: "Sy loopbaan was nie skouspelagtig nie, en tog was hy 'n man wat aan sy tydgenote bekend was nie alleen as briljante advokaat en regsgeleerde nie, maar as 'n waarlik goeie mens wat die eienskappe van deeglikheid, mensliewendheid en karaktervastheid in die politieke lewe en in openbare aangeleenthede as bates aangewend het." Hy noem Schreiner se lewe "mooi" en sê dit is gekenmerk deur "hardwerkendheid en deeglikheid, gepaard met vriendelikheid teenoor almal met wie hy in aanraking gekom het". 'n Vriend, adv. Ralph Close, het kort ná Schreiner se dood gesê: "Whatever he said, all men believed him, that as he spake so he thought, and whatever he did, that he did with a good intent."

...lees verder

In die nuus

Die Suid-Afrikaanse digter en skrywer Hennie Aucamp sterf in die ouderdom van 80 jaar in Kaapstad.

'n Internasionale krisis ontwikkel oor die ontplooiing van Russiese troepe op die Oekraïnse Krim-skiereiland en 'n omstrede referendum waarin 'n groot meerderheid kiesers vir die aansluiting by Rusland stem. Nadat die toetreding deur die Russiese regering goedgekeur is, vorm die Krim 'n republiek en Sewastopol 'n federale stad binne die Russiese Federasie.
Ierland wen die Sesnasies-toernooi nadat hulle Frankryk in die laaste spel met 22-20 klop.
Die ou-president van Chili, Michelle Bachelet, lê haar ampseed af as nuwe president van dié land.
Tydens die 86ste Oscar-toekenningsaand wen die rolprent Gravity sewe pryse, terwyl 12 Years a Slave die prys as beste rolprent wen.

Het u geweet...

... dat die Deense wiskundige, Piet Hein, 'n superellipsvorm gebruik het om die Sergels Torg-verkeersirkel in Stockholm, Swede te ontwerp?

... dat daar geraam word dat meer as die helfte van alle fotosintese wat op aarde plaasvind nie vanaf plante afkomstig is nie, maar vanaf bakterieë en alge?

Vandag in die geskiedenis

26 Maart: Onafhanklikheidsdag in Bangladesj (1971)

1707 – Kragtens die Acts of Union smelt die Koninkryke van Engeland en Skotland saam in die Koninkryk van Groot-Brittanje.
1881 – Domnitor Carol I van Hohenzollern-Sigmaringen word die eerste koning van Roemenië.
1902 – Cecil John Rhodes, die Brits gebore Suid-Afrikaanse sakeman, mynmagnaat en politikus, sterf.
1999 – Die Melissawurm tas e-posstelsels regoor die wêreld aan.

Voorbladbeeld

S75-22410 - Hierdie vyf manne verteenwoordig die twee bemannings van die gemeenskaplike Amerikaans-Sowjetse Apollo-Sojoes testprojek (ASTP) dokmissie in die Aarde se wentelbaan wat geskeduleer was vir Julie 1975.