Bonveno a Wikipedio, l'enciklopedio libera e gratuita, redaktata da la propra lektanti per Ido, Esperanto reformita e selektita kom l'internaciona helpanta linguo ye 1907. Vu povas obtenar l'informo quan vu serchas sequante la ligili od uzante la sercho-buxo ye la sinistra parto dil fenestro. Ni ja havas 25,400artikli e multa kategorii.
Anke vu povas kunlaborar editante l'artikli qui ja publikigesis por plubonigor li o kreante nova artikli pri temi quin vu bone konocas. Memorez ke la reda ligili havas nula artiklo asociata e ke se vu volas skribor pri nova temo qua ne havas ula ligilo kreata, unesme vu mustas serchar existanta artiklo relatanta por krear ligilo a vua nova skribajo ibe. Vu povas krear necesa ligilo ank en Probeyo.
Ne timez pro ne skribor vua artikli per perfekta Ido. Plu experta idisti revizos e korektigos ol pose. Simple atachez la ligilo {{Revizo}} a vua artiklo ed olu aparos en la fako Pagini revizinda por ke altra idisti revizez ol.
Hodie esas saturdio, 8 di februaro 2014. Kloko esas 08:45 (UTC)
Lektez!
Novajeti kun nombri
24 po cent plu granda esas Ford Focus de 2013 komparante a Ford Escort de 1978. (www.ajovalo.net)
40 po cent esas la quoto di Usa de omna defensala spensi en mondo. (2014 Global Aerospace and Defence Industry Outlook, Deloitte Touche Tohmastu Ltd.)
1000 £ po horo kustas lokacar un chambro de parlamento-domo di Unionita Rejio por privata o komercala evento. (Financial Times, januaro 2014.)
15.000 $ esis la valoro di kargajo de reala hari, quo esis haltigita da Braziliana doganisti ye decembro 2013. La vera valoro di la Indiala hari esis 400.000 $. (AFP-novajerio, São Paolo.)
97 milioni de Chiniani voyajis exter Chinia dum la yaro 2013. (Tourist Research Centre, Beijing, januaro 2014.)
350 milioni de imaji po dio esas charjita en Facebook. (Bloomberg Businessweek, oktobro 2013.)
1829. La skribisto Jules Verne naskis, en Nantes, Francia. Il komencis skribar dum yuneso. En 1847 ilua patro, qua esis legisto, sendis Jules a Paris por legala studiadi; en Paris il renkontris skribisti e dramatisti, quo iniciis ilua kariero kom skribisto. Ilua unesma romano esis Cinq semaines en ballon, qua aparis en 1863. Voyage au centre de la Terre aparis en 1864; il duris reguloze produktar romani di aventuri, kun ciencala temi, dum sua vivo.
1974. La lasta homi qui vizitis Skylab, la unesma spaco-staciono di Usa, retrovenis a Tero. Skylab lansesis sen homi ye 14 di mayo 1973; la skopo esis facar diversa ciencala experimenti, inkluzante observadi di la suno. La unesma grupo de homi vizitis la staciono de mayo til junio di ta yaro; la triesma e lasta grupo, tri homi, iris a Skylab en novembro. Li facis diversa taski, inkluzante observadi di la kometo Kohoutek. La intenco esis sendar plusa homi per Space-Shuttle; tamen la Space-Shuttle-projeto esis tardigata, e Skylab esis ne pluse utiligata ante ke ol ri-eniris terala atmosfero en 1979.
1983. En Australia, polvo-sturmo eventis en Melbourne: ye cirkume 15.00 kloki, granda nubo de polvo advenis e kovris la urbo Melbourne en la stato Victoria. Videbleso esis cirkume 100m, e la aeroportui dil urbo esis klozata; ventegi e polvo domajis la elektrikala dissendo-sistemo; strukturi ed arbori esis domajata pro forta vento-frapi. La polvo venis de agrokultivale richa regiono di westala Victoria, qua perdis cirkume 3,7 mil tuni de surfacala sulo. Ca sulo, sika pro longa periodo sen pluvo en ca regiono, esis forprenata da forta norda venti, ed esis portata vers la esto.
En la familio di foxi esas nur un chefa maskulo ed un chefa femino. La maskulo kopulacas kun omna femini, ma nur la chefa femino yunifas. L'infra femini ofte abortas pro l'atakema ed obsedanta konduto da la chefa femino. Se infra femino yunifas, la chefa femino adoptas la foxyuni. Se la chefa femino mortas, ulo de l'infra divenas chefo.
Toskania (Italiana: Toscana) esas Italiana regiono en centr-westo di lando.
Verónica Michelle Bachelet Jeria [βeˈɾonika miˈʃɛl baʃˈle ˈçeɾja] (naskinta ye la 29 di septembro 1951 en Santiago, Chili) esas politikisto e mediko. El divenis prezidanto di Chili ye la 11 di marto 2006. El esis ministro di saneso, e depos ministro di defenso, en guverno di prezidanto Ricardo Lagos Escobar. Michelle Bachelet, qua vivas sola, esas matro di tri filii de du diferanta patri. El parolas multa lingui.
