A plantilla da planta de ALBADA vivimos unha grave situación de extorsión e roubo por arte da empresa ALBADA, do grupo URBASER, de Florentino Pérez, que tivo no ano 2011 millonarios beneficios (máis de 146 millóns de euros) e aumentan no primeiro rimestre do 2013 a facturación en máis de 100.000 euros respecto do mesmo trimestre do 2012.
Desde o 28 de xullo estamos en folga indefinida ante a pretensión da empresa de facer un cambio do modelo de planta de Nostián, converténdoa nunha planta de transferencia de residuos. ALBADA-Florentino Pérez, utilizando a reforma laboral e métodos mafiosos, executan unha estafa social que conta co silencio e complicidade do goberno municipal de Carlos Negreira, que deixa facer o que quere a empresa, facendo de auténticos criados.