Tuisblad

Welkom by Wikipedia, die vrye ensiklopedie wat deur enigeen gewysig kan word.	Vrydag, 6 September 2013 Hier is tans 28 206 artikels in Afrikaans.
Help ons om ’n wêreldklas Afrikaanse ensiklopedie te skep.

Inleiding • Hulp • Kontak

Gebruikersportaal • Voorbladartikels • Kategorieë • Stel ’n vraag

Voorbladartikel

Brasilië (Portugees: Brasil), amptelik die Federale Republiek van Brasilië (Portugees: República Federativa do Brasil), is die grootste land en ook die land met die grootste bevolking in Suid-Amerika. Dit is verder ook die vyfde grootste land in die wêreld ten opsigte van bevolking en grondgebied. Die land strek oor die uitgestrekte gebied vanaf sentraal Suid-Amerika en die Atlantiese Oseaan. Die land strek die verste oos van al die lande in die Amerikas en grens aan Uruguay, Argentinië, Paraguay, Bolivië, Peru, Colombia, Venezuela, Guyana, Suriname en die Franse département van Frans-Guyana. Brasilië grens inderwaarheid aan bykans elke Suid-Amerikaanse land behalwe vir Ecuador en Chili.

Daar word geglo dat die land se naam sy oorsprong het vanuit pau-brasil, 'n boomsoort wat hoog op prys gestel is deur die vroeë koloniste. Ander reken egter die naam vind sy oorsprong in 'n mitiese eiland wat in die Middeleeuse Europa bekend was. Brasilië bevat uitgebreide landbougebiede en reënwoude. Met sy baie natuurlike hulpbronne en groot arbeidsmark is die land Suid-Amerika se leidende ekonomiese moondheid.

Omdat dit 'n kolonie van Portugal was, is Portugees die amptelike taal van Brasilië. Brasilië het die wêreld se tweede grootste Christen-bevolking na die Verenigde State (151 miljoen) en ook die wêreld se grootste Rooms-Katolieke bevolking, 'n sterk geskiedkundige band wat nagelaat is deur die Rooms-Katolieke Portugese koloniste.

...lees verder

In die nuus

Greg Minnaar wen in sy tuisdorp Pietermaritzburg sy derde Wêreldkampioenskaptitel in die Bergaf-kategorie tydens die Wêreldbergfiets-kampioenskap.

Die Zimbabwiese president Robert Mugabe word vir 'n sewende ampstermyn herverkies.
Die Islamitiese Republiek van Iran se departement van buitelandse sake benoem die land se eerste vroulike ambassadeur.
Rugby: Die All Blacks is weer vanjaar se Bledisloebekerwenner, ná hulle op 24 Augustus die Wallabies van Australië met 2-0 toetse verslaan het in Wellington, Nieu-Seeland. Dit is die elfde agtereenvolgende jaar wat hulle dit vermag.
Die Nieu-Seelandse rugbyspan Chiefs wen die Superrugbyseisoen nadat hulle die Australiese Brumbies met 27-22 in die eindstryd klop.

Het u geweet...

... dat Ayrton Senna die oggend op die dag van sy dood 'n vergadering van renjaers bygewoon het om veiligheid in Formule Een te bespreek?

... dat Cyril Ramaphosa 'n sleutelrol gespeel het in die stigting van die NUM, 'n vakbond vir mynwerkers? Hy was 'n regsadviseur vir die Raad van Unies van Suid-Afrika met die stigting van die NUM in 1982.

Vandag in die geskiedenis

6 September: Onafhanklikheidsdag in Swaziland (1968); Arbeidsdag in Kanada en die Verenigde State (2004)

1966 – Suid-Afrika se eerste minister en apartheidsargitek, Hendrik Verwoerd, word in die Parlement deur Demetrios Tsafendas met 'n mes vermoor.
1972 – Al nege Israeliese atlete wat by die Olimpiese dorp in München ontvoer is, sterf in 'n skietgeveg naby die lughawe.
1970 – 382 mense word in Jordanië en Beiroet, Libanon, as gyselaar aangehou nadat vier vliegtuie onderweg na New York deur 'n militante Palestynse groep geskaak is. Een van die vier vliegtuie land veilig op Heathrow, Londen, nadat passasiers en bemanning skakers oorrompel.