切換： Tàu Hiĕk （Bàng-uâ-cê ）— 頭頁 （漢字）
| Huăng-ngìng nṳ̄ guŏng-lìng Mìng-dĕ̤ng-ngṳ̄ Wikipedia! Wikipedia sê cê̤ṳ-iù gì báik-kuŏ-ciòng-cṳ̆, găk cŭ-uái, giĕng-dṳ̆k ciáh nè̤ng dŭ â̤-sāi hông-hióng ĭ gì dĭ-sék. Â̤ báik gōng Hók-ciŭ-uâ mâ̤? Huòi nṳ̄ gó găh lā̤ dīng sié-nó̤h?! Ká̤-ká̤ cà̤ lì chăng siŏh kă! Hiêng-káik-sì, Mìng-dĕ̤ng-ngṳ̄ Wikipedia dŭ-liāng ô 493 piĕng ùng-ciŏng. Năng-gă sāi Hók-ciŭ-uâ Bàng-uâ-cê gâe̤ng Háng-cê siā ùng-ciŏng. Cūng-kuāng có̤ sê-hō̤ sê-ngài? Ô sié-nó̤h é-giéng gióng-ngiê kī-dâe̤ng nṳ̄ gáu Duâi chéu â làu uâ. (平話字是19世紀西方傳教士替福州話設計其羅馬文字。看𣍐來？無敆涉，Wikipedia教汝！) |
|
| Not a Min Dong speaker? Please come here if you have any comments or questions. |
 Wikipedia mŭk-liŏh
|
|
|
|
 Nṳ̄ â̤ báik mâ̤?
|
|
|
 Cáuk-gă dù-piéng
|
|
Mìng-gĕ̤ng (閩江) sê Hók-gióng-sēng dék duâi gì ò̤, huák-nguòng diŏh Hók-gióng gâe̤ng Gŏng-să̤ biĕng-gái gì Ū-ì-săng-măh, hióng dĕ̤ng-nàng làu diē Dĕ̤ng-hāi. Gáng-làu dòng 577 gŭng-lī, làu-mĭk miêng-cék 60,992 bìng-huŏng gŭng-lī, mū-liŏh iéng Hók-gióng ciòng sēng miêng-cék gì 50% ī-siông. Nàng-bìng cĭ gèng sê siông-iù, Nàng-bìng gáu Kŭ-chèng Cūi-kāu sê dṳ̆ng-iù, Cūi-kāu â-dā̤ sê hâ-iù. Mìng-gĕ̤ng ô cêng sâ̤ ciĕ-làu, cūi-liông hŭng-hó, bìng-gĭng làu-liông sê 1,980 lĭk-huŏng-mī/miēu, làu-mĭk miêng-cék găk Dṳ̆ng-guók cuō-iéu gĕ̤ng-ò̤ dài-dŏng bà̤ dâ̤ 12 ôi, nièng bìng-gĭng làu-liông bà̤ cuòng-guók dâ̤ 7 ôi. Uòng-ò̤ gì làu-mĭk miêng-cék bī Mìng-gĕ̤ng duâi 11 buôi, bók-guó cūi-liông nâ sê ĭ gì 92%.
|
|
 Bō̤-ciéng hō̤ ùng
 Hàng-guók gô-dā̤ giéu la̤ "Gŏ̤-là̤" (Koryŏ), „Dièu-siēng“ (Chosŏn), sê ìng-lôi ùng-mìng gì huák-nguòng dê. Áng Dièu-siēng sìng-uâ, gū-cā sì-dâi, hṳ̀ng gâe̤ng sìng gì cṳ̆-niòng-giāng giék-huŏng, săng giâ Tàng-gŭng (T’an’gun), Tàng-gŭng gióng-lĭk Gū Dièu-siēng (Ko Chosŏn), cuòi sê Dièu-siēng gì kŭi guók. Chŭi-muōng nè̤ng mâ̤ cĭng siŏng-séng ciā sìng-uâ gì sū-gōng, dáng găh Báik-hàng (Pukhan) gì Bìng-iōng (P’yŏngyang) ô Tàng-gŭng gì hùng-muó, hāu la̤ Tàng-gŭng Lìng. Gŭng-nguòng 1 sié-gī găh Hàng Buáng-dō̤ hìng-siàng Gŏ̤-guó-là̤ (Koguryŏ), Báik-cà̤ (Paekche), Sĭng-lò̤ (Silla) săng bĭk guók-gă. Cī sì-dâi găh Hàng-guók sṳ̄-hŏk-gái hāu la̤ „Săng Guók Sì-dâi“ (Samguk sidae). Ciā sì-dâi tié-lāu gáu 7 sié-gī Sĭng-lò̤ siĕu-miĕk gì-tă lâng bĭk guók-gă, tūng-ék săng guók ciáh sák-muōi. 10 sié-gī chĕ̤ Gŏ̤-là̤ cṳ̄-dái Sĭng-lò̤ tūng-ék buáng-dō̤. 14 sié-gī Gŏ̤-là̤ ciŏng-gŭng Lī Sìng-gié (I Sŏnggui) gióng-lĭk Dièu-siēng uòng-dièu, miĕk-uòng Gŏ̤-là̤ uòng-dièu. Ĭng-diŏh Dièu-siēng uòng-dièu sê Lī sáng gì nè̤ng gióng-lĭk gĭ, sū-ī ôi lāu gâe̤ng Tàng-gŭng gióng-lĭk gì hī bĭk „Dièu-siēng“ kṳ̆-biék kŭi, cī uòng-dièu găh Hàng-guók sṳ̄-hŏk-gái iâ hāu „Lī-dièu“ hĕ̤k „Lī-sê Dièu-siēng“. Lī-sê Dièu-siēng sê Hàng-guók lĭk-sṳ̄ gà̤-dēng siŏng-dŏng dê̤ṳng-iéu gì uòng-dièu, gĭng-dáng Dièu-siēng-ngṳ̄ gì ùng-cê „Duâi cê (Hangŭl)“ cêu sê cī bĭk uòng-dièu huòng-dá̤ chók-mêng hāu hŏk-ciā huák-mìng gì. (Sié lŏ̤h tĕ̤k...)
 Ciā-muói gĕ̤ng-tiàng
|
