Editando Wikipedia:Aduya (sección)

== Cómo cambiar (editar) un articlo que ya existe ==
Ta cambiar, correchir u enamplar una pachina que ya existe, nomás te cal punchar lo botón ''Editar'' que ye en lo cobalto d'a pachina, y ya puetz modificar, correchir u enamplar o que quieras. Ta que a pachina quede almadazenata has de punchar en o botón "Alzar pachina" que sale debaixo d'a caixa de texto. Ye bien fácil!. Si quiers estar seguro de que l'has feito bien, puetz punchar antes en "Previsualizar". 

Tampoco no t'ha de fer miedo d'estorbar bella cosa. A tecnolochía wiki fa que se puedan desfer totz os cambeos que faigas, asinas que no te'n faigas, puetz prencipiar a colaborar quan t'agane. Manimenos, si quiers fer en primerías bellas prebatinas, puetz ir t'a nuestra [[Wikipedia:Pachina de Prebatinas|pachina de prebatinas]].

Contino trobarás aduya sobre cómo dar formato a un texto. Manimenos, en los primers articlos que fagas, no pasa cosa si lo formato no ye correcto de tot. Bellatro biquipedista li dará formato y asinas podrás aprender millor a fer-lo.

=== Cómo dar formato a lo texto d'un articlo ===
Los textos en negreta, los títols de cabecera, las cursivas... s'han de fer con o codigo previsto ta cadagún d'ixos estilos. O más fácil ye emplegar o menú que amaneix en o cobalto d'a caixa d'edición. Ixe menú tamién permite ficar imachens, vinclos ta webs externos u a articlos d'a Biquipedia, u trestallar o texto con linias horizontals. 

Pero lo millor y más rapido ye que prencipies a escribir dreitament o codigo. Asinas la negreta se fa abracando lo texto a destacar entre tres apostrofes. La cursiva se fa con dos apostrofes y las cabeceras con grupos de dos u tres signos '''='''.

<pre><nowiki>
'''Iste testo saldrá en negreta'''
''Iste en cursiva''
==Iste ye un títol muit gran==
===Iste ye un títol subordinato a l'anterior===
====Y iste ye subordinato a l'anterior==== 
</nowiki></pre>

Ta trestallar paragrafos, no ye prou con pretar a tecla "enter" una vegada. Has de fer-lo dos vegadas. Y si quiers que o paragrafo tienga sangría has de prencipiar a frase con dos puntos (:), (::) u (:::). 

<pre><nowiki>
:Ista linia tien sangría.
::Ista ye más desplazada.
:::Más...
::::Dica a ón se puet plegar? :-)>
</nowiki></pre>

=== Cómo meter os vinclos ===
O codigo ta fer vinclos ye lo que más ferás servir, y a escape te i farás. Un vinclo ta un articlo que ya existe en a Biquipedia se fa abracando con dos gafetz o texto con o títol exacto de l'articlo. Si quiers fer o vinclo pero o títol no quadra en o texto, tamién puetz fer-lo. Por eixemplo, si quiers decir que belún ye francés, y quiers enlazar o chentilicio con l'articlo sobre Francia, lo puetz fer asinas: 
<pre><nowiki>
[[Francia|francés]]. D'ista traza, en o texto amaneixe nomás o chentilicio, pero si se puncha en él con lo ratet,
se'n va ta l'articlo sobre o país.
</nowiki></pre>
O procedimiento ta un vinclo externo ye similar, pero abracando con gafetz simples l'adreza URL y o texto explicativo.
<pre><nowiki>
Asinas: [//an.wikipedia.org Biquipedia en aragonés]
</nowiki></pre>

Y ya lo tiens!. Quan lo tiengas tot feito, nomás has de punchar o botón de '''Alzar pachina'''. Si no i yes guaire seguro, d'haber-lo feito bien, puetz fer-le un golladeta punchando en '''Previsualizar'''.